Dubbii Nagayaa Ka Yohaannisii 15

Yesuus Jirma Woyinii Ka Dhuga'aati

1Jirmi woyini'ii ka dhuga'aa ana. Ka isa dhaabee guddise Abbaa kiyya. 2#Mat. 3:10; 15:13; Filph. 1:9-11 Damee daraaraa hin baafne ka na irra jiru maraa Abbaan kiyya kutee gata; ka daraaru maraa guddisee akka daraaru hin tottolcha. 3#13:10; Efe. 5:26; Phex. 1ffaa 1:23 Isin dubbii amma ani isinitti hime kanaaf qulqulloota. 4Ana keessa jiraadhaa'a; akkasuma anillee isin keessa jiraadhaa. Dameen yoo jirma woyini'ii irra hin jiraanne, ufitti daraaraa daraaruu akka hin dandeenne, akkasuma isin ammo yoo ana keessa hin jiraanne daraaruu hin dandeettan. 5#Qor. 1ffaa 12:12,27; Qor. 2ffaa 3:5-6 «Ani jirma woyini'iiti; isinillee dameewwan kiyya; anaan addatti womaa godhuu waan hin dandeenneef; ka naan jiraatu, ka anillee isa keessa jiraadhu inni daraaraa heddu daraara. 6Ka ana keessa hin jiraanne yoo jiraate, akka dame'ee muramee gara diidaa gatama; hin goga; dameewwan akkasii wolitti qabamee ibiddatti gatamee gubama. 7#5:38; 14:13; Mar. 11:24 Na keessa yoo jiraattan, yoo dubbiin kiyyallee isin keessa jiraate waan barbaaddan maraa kadhadhaa'a isinii ta'aa. 8#Mat. 5:16 Uduu daraaraa heddu godhattanii darasoota kiyya taatan, Abbaan kiyya kanaan kabajjama. 9Akkuma Abbaan kiyya na jaalate, anillee akkasuma isin jaaladheera. Jaalala kiyyaan jiraadhaa'a. 10#14:15; 8:29; Yoh. 1ffaa 2:5; 5:3 Akkuma ani ajaja Abbaa kiyyaa eegee jaalala isaatiin jiraadhu, yoo ajaja kiyya eeddan jaalala kiyyaan jiraattan. 11#16:24; 17:13; Yoh. 1ffaa 1:4 Akka gammachuun kiyya isin keessa taa'u gammachuun keessanillee akka raawwatamu kana isinitti himeera. 12#13:34; 15:17; Yoh. 1ffaa 3:11,23; 4:19; Yoh. 2ffaa 5 Akkuma ani isin jaaladhe, isinillee akka wol jaalattan ajanyi tiyya tana. 13#10:11; Yoh. 1ffaa 3:16; Rom. 5:6-8 Lubbuu ufii jaalalloota ufiitii kennuu caalaa, jaalala kana caalu eennullee hin qabu. 14#8:31; Mat. 12:50; 7:21-23 Uduu waan ani isin ajaje maraa gootanii isin jaalalloota tiyya. 15#Luq. 12:4; Yaq. 2:23 Eegasuu ammaa achi garboota isiniin hin jedhu; garbichi waan Gooftaan godhu waan hin beenneef jaalalloota tiyya isiniin jedheera, waan Abbaa kiyya irraa dhagaye maraa isinitti beessiseera. 16#6:70; 13:18; 16:23 Anatu isin filate malee isin na hin filanne, Aabballee waan maqaa kiyyaan kadhattan maraa akka isinii kennu, deemtanii akka daraaraa godhattan, daraaraan keessanillee akka jiraatuuf isin muude. 17#15:12 Akka isin wol jaalattan kana ajaja» jedhe.

Yesuus Akka Adunyaan Nama Jibbitu Dubbate

18 # 7:7; Yoh. 1ffaa 3:13 «Yoo adunyaan isin jibbite isiniin dura akka na jibban beekaa'a. 19#17:14; Yoh. 1ffaa 4:5-6; Luq. 6:22 Isin uduu worra adunya'aa taatanii adunyaan waan ufii hin jaalatti. Isin ka adunyaa kanaa waan hin taaneef adunyaa irraa isin filadhe. Kanaaf adunyaan isin jibbiti. 20#13:16; Mat. 10:24-25; Luq. 6:40 Dubbii garbichi Gooftaa hin caalu jedhee isinitti hime qaabadhaa'a, yoo na ari'anii jiraatan isinillee akkasuma hin ari'an; yoo dubbii kiyya eeganii jiraatan, dubbii keessanillee akkasuma eegan. 21#16:3; Mat. 5:11 Haa ta'uu ammo isaan ka na erge waan hin beenneef, kana maraa maqaa kiyyaaf jedhanii isin irratti godhan. 22#9:41 Ani uduu dhufee isaanitti himuu dhabaadhee silaa cubbuu isaanitti hin ta'u. Amma ammo cubbuu isaaniitiif sababa hin qaban. 23#5:23; Luq. 10:16; Yoh. 1ffaa 2:23 Ka na jibbu akkasuma Abbaa kiyyallee hin jibba. 24#10:37-38; 9:41; 14:11; 12:37 Hujii namni biraa hin goone isaan wodhakka'atti uduu godhuu dhabaadhee silaa cubbuu isaanitti hin ta'u. Anallee Abbaa kiyyallee arganii, jibbaniiran. 25#Far. 35:19; 69:4 Haa ta'uu ammo seera isaaniititti akkanumaan na jibban jedhamee dubbiin barreeffame akka raawwatamuuf kun ta'e. 26#14:16,26; Luq. 24:49; Yoh. 1ffaa 5:6-7 Haa ta'uu ammo ka ani Aabbaan biraa isinii ergu booharsaan Abbaa biraa dhufu Ayyaanni dhuga'aa hennaa dhufe, inni waan kiyya hin raga. 27#Luq. 1:2; Hu. Er. 1:8,21-22; Yoh. 1ffaa 4:14 Isinillee akkasuma jalqabuma irraa waan na woliin jiraattaniif hin raddan» jedhe.

Currently Selected:

Dubbii Nagayaa Ka Yohaannisii 15: KitWoy

Highlight

Copy