Seera Uumamaa 6

Hammeenna Namootaa

1Hennaa fiixaan namaa lafa irratti baay'ata'aa deeme ijoolleen intallanii isaanii dhalatan. #Iyyo. 1:6; 2:1 2Hennaa san Ijoolleen Rabbii#6:2 Ijoolleen Rabbii Hiikkaan tokko tokko maleekkota jedha. ijoollee namaa ta intallanii sanniin akka babbareeddan ta'an arganii worra jiran maraa keessaa filatanii fuudhan. 3Rabbi hennaa san, «Hafuurri Kiyya ka jireenna kennu baraa haga bara baraa isaan woliin hin jiraatu; namni waan foon uffataa ta'eef ammaa achi barri isaa woggaa dhibbaa fi diddama caalaa hin jiraatan» jedhe. 4Bara san worri «Neefliim» jedhaman ka hojjaan isaanii dhedheera'aa fi ka hunnaan nama caalan lafa irra jiran ture; achiin maayii ijoolleen Rabbii ijoollee intallanii ta namaa fuudhanii ijoollee uumatan; isaan bara san jajjaboota maqaan isaanii beekkame ta'an. #Ser. Lak. 13:33

5Rabbi akka hammeenni namaa lafa irratti baay'atee fi yaanni onnee isaa hennaa maraa sirima akka hamaa ta'e arge. #Mat. 24:37; Luq. 17:26; Phex. 1ffaa 3:20 6Kanaafuu Rabbi ilma namaa waan lafa irratti uumeef jibbee guddisee gadde. 7Sababaa kanaaf Rabbi, «Ani waan isaan uumeef hin gadde; kanaafuu namoota uume kanniin, busaawaa, uumama gara'aan lafa irra looyanii fi allaattiiwwanillee lafa irraa balleessa» jedhe. 8Noohi ammo Rabbiin afo'otti gaachena argate.

Noohi

9Fiixaan Noohii kana; inni dhaloota bara sanii keessatti nama qajeela'aa fi ka dhidhinna hin qabne ture; Noohi karaa Rabbii qabate. #Phex. 2ffaa 2:5 10Noohi ijoollee dhiiraa sadihi Seem, Kaamii fi Yaafeetiin uumate; 11Hennaa san namoonni lafa irra jiraatan maruu Rabbiin afo'otti hammeeyyii turan; laftillee hammeennaan guuttamtee turte. 12Rabbi hennaa adunyaa laalu ta battooftee fi namoonni isii keessa jiraatan ka foon uffatan maruu akka waan hamaa hojjata'aa jiraatan arge.

13Rabbi Noohiin, «Ani fiixaa namaa balleessu'uuf murteesseera; lafti hujii hamaa namoonni hojjataniin waan guuttamteef namoota lafa woliin hin balleessa; 14ati ammo muka misha'aan markaba hojjadhu; markaba keessatti kutaa heddu hojjadhu; duraa duuba isaa ham'e'een xaallali. 15Markaba dheerinna isaa ciqilee dhibba sadihii, dalga isaa ciqilee shantamaa, ol fageenna ciqilee soddomaa godhi. 16Markabaa foddaa hojjadhu; ol fageenna isaa ciqilee tokko guutuu dhiiftee raawwatta; balbala markabaa laddaan godhi; balbala gad aanu lammeesso'oo fi sadeessoollee dachaa godhi.#6:16 «foddaa» yookaan ginnoo. 17Ani waan lubbuu qabu ka Sami'ii gad jiru maraa balleessu'uuf lafa irratti bisaan badi'ii fidaa; uumamni lubbuu qabu ka lafa irra jiru maruu hin bada. 18Ani ammo si woliin waadaa gala; atii fi haati manaa tee, ijoolleen teetii fi haawwonni manaa ta ijoollee teetii gara markabaa seenaa'a. 19«Waan lubbuu qabu ka lafa irra jiru maraa keessaa dhala'aa fi kormaa lama lama godhii markabatti seensisi. 20Gosa allaatti'ii keessaa, busaawaa keessaa akka gosa isaaniitiin, waan gara'aan lafa irra looyanii fi waan sosocho'an maraa akka gosa isaaniitiin akka lubbu'uun jiraataniif lama lama ta'a'aa markaba haa seenanii; 21Akkasuma waan nyaataaf ta'u maraa wolitti qabadhu; kun si'ii fi isaaniillee nyaata ta'aa» jedheen. 22Noohillee waan Rabbi isa ajaje maraa godhe. #Ibr. 11:7

Currently Selected:

Seera Uumamaa 6: KitWoy

Highlight

Copy