Hujii Ergamootaa 9

Saa'ol Kiristoositti Amane

(Hu. Er. 22:6-16; 26:12-18)

1 # 8:3; 9:13 Saa'ol ammo darasoota Goofta'aa ajjeesu'uuf dhaadata'aa gara bulchaa gadootaa dhaqe. 2#9:14 Dhiiraa fi dubartoota worra Goofta'atti amanan yoo arge hidhee akka fiduuf xalayaa gara mana sagada Yihuudota Damaasqo'ootitti akka isaaf barreessu bulchaa gadootaa gaafate. 3#Qor. 1ffaa 15:8 Uduu deemu hennaa gara Damaasqo'oo dhiyaatu; dimmaa naannoo isaatitti sami'ii ifti falaqqifnaan kufe. 4Uduu inni hulee kufe jiru laagaa, «Saa'ol! Saa'ol! maaf na ariitaa?» jedhu dhagaye.

5Saa'ol, «Gooftaa kiyya! Ati eennu?» jedheen.

Innillee, «Ani Yesuusii ati ariitu; woraana kana yoo mormite sitti jabaata» jedheen. 6Hollata'aa maalalfatee, «Gooftaa kiyya! Akka maal godhu feeta?» jedheen. Gooftaanillee, «Amma ka'iitii gara qachatti'ii seeni; achitti waan gootu sitti himamaa» jedheen.

7Namoonni Saa'oliin woliin karaa deema'aa turan laagaa malee waan biraa ijaan arguu dadhabanii cadhisanii dhaabatan. 8Saa'ol hennaa lafaa ka'e ijji isaa womaa waan hin argineef namoonni harka isaa qabanii masakka'aa gara Damaasqo'oo seensisaniin. 9Ijji isaa uduu hin argine guyyaa sadihii ture. Hin nyaanne; hin dhunnelle'e.

10Damaasqoo keessa darasaa Hanaaniyaa jedhamu tokkotu ture. Gooftaanillee mudhataan, «Hanaaniyaa!» jedheen. Innillee «Yaa! Gooftaa kiyya» jedhee jalaa awwaate.

11 # 21:39 Gooftaanillee, «Ka'iitii gara karaa, ‹Qajeelaa› jedhamu sanii deemii mana Yihuudotaa keessaa nama Saa'ol jedhamu ka biyya Xerseesii tokko soqi. Inni achitti waan Rabbiin kadhata'aaruuf. 12Saa'ol namni Hannaaniyaa jedhamu seenee ijji isaa akka argituuf hennaa harka isa irra kaayu manaabaan argeera» jedheen.

13Hannaaniyaan deebisee, «Gooftaa kiyya! Yerusaalem keessaa woyyoota irratti waan hamaa meeqaa akka godhe waan namicha kanaa namoota heddu irraa dhagayeera. 14#9:1-2; Qor. 1ffaa 1:2 Asittillee worra maqaa kee waaman maraa hidhu'uuf bulchoota gadootaatiin muudameera» jedhe.

15 # 26:1; 27:24; Rom. 1:5 Gooftaanillee, «Inni kun worra Yihuudii hin taane, moototaa fi ijoollee Israa'elootaa afo'otti akka maqaa kiyya baadhatuuf meeshaa naaf filatame waan ta'eef deemi. 16#Qor. 2ffaa 11:23-28 Akka inni maqaa kiyya baadhatu'uuf jedhee rakkatu aninuu isatti mudhisa» jedheen.

17Hannaaniyaanillee deemee mana isaa seenee harka ufii irra kaayee, «Obboleessa kiyya Saa'ol! Gooftaan ka karaa ati deemtutti sitti mudhate Yesuus, akka ati argituu fi akkasuma akka Ayyaana Woyyu'uun guuttamtuuf na erge» jedhe. 18Yoosuu qolli akka cim'a'aa ija isaatii bu'e; inni hin arge; ka'ee cuuphamee hurbaata nyaatee jabaate. 19Darasoota Damaasqoo jiran woliin guyyaa hagoo taa'e.

Saa'ol Damaasqo'otti Lallabe

20Yoosuu waan Yesuus Kiristoosii akka inni Ilma Rabbii ta'e mana sagadaa Yihuudotaa keessatti lallabe. 21#8:1; 9:1,14; 26:10 Worri dhagayan maruu maalalfatanii, «Namni kun ka Yerusaalemiin keessatti worra maqaa Yesuusii waamu balleessa'aa tureemii? Ammallee hidhee gara bulchoota gadootaatitti isaan fidu'uuf dhufee?» jedhan.

22 # 18:28 Saa'ol ammo itti jabaata'aa deeme. Yihuudota Damaasqoo taa'an Yesuus Kiristoosiin akka ta'e isaanitti hima'aa, waan isaa deebisan dhabsiise.

23 # 23:12,16; Qor. 2ffaa 11:32-33 Haga guyyaa hedduu bubbuleen maayessa Yihuudonni isa ajjeesu'uuf mari'atan; Saa'ol ammo yaada isaanii beeke. 24Inni garuu karoora isaanii beekee ture; isaan isa ajjeesu'uuf halkanii fi guyyaa balbala qachaa maraa eega'aa turan. 25Darasoonni ammo halkaniin fuudhanii foddaa dallawa naannaya qachatti'iitiin keeshe'een isa buusan.

Saa'ol Qachaa Yerusaalemiin Keessatti Lallabe

26 # 9:20; Gal. 1:18 Saa'ol hennaa Yerusaalemiin gaye darasootatti eda'amu'uuf yaale. Martinuu darasaa ta'uu isaa waan hin amanneef sodaataniin. 27Barnaabaas ammo fuudhee ergamtoota bira seensisee attamitti akka Gooftaan isa argee fi attamitti akka itti mudhate, Damaasqo'ottillee maqaa Yesuusiitiin attamitti uggee akka dubbate isaanitti odeesse. 28Maqaa Gooftaa Yesuus Kiristoosiitiin uggee dubbata'aa Yerusaalemitti isaan woliin baya'aa gala'aa ture. 29Yihuudota biyya Giriikiitii dhufan woliin qaaqa'aa isaaniin wol morma'aa ture. Isaan ammo isa ajjeesu'uuf barbaadan. 30#11:25 Obboleeyyan haga kana beekaniin maayessa gara Qisaariya'aa fidaniinii achillee gara Xeerseesii erganiin.

31Tokkummaan woldaa kiristaana Yihuuda'aa, Galiila'aa fi Samaariyaa jiran maruu nagayaan jiraata'aa, cima'aa, sodaa Rabbiitii fi Ayyaana Woyyu'uun jajjabaata'aa baay'innaan guddata'aa deeman.

Pheexroos Eniyaa Fayyise

32Pheexroosillee hennaa hulee maraa deemu akkasuma gara woyyoota Liidaa jiraatanii gad bu'e. 33Achitti nama woggaa saddeetaaf laamshayee siree irra ciisa'aa ture ka Eniyaa jedhamu tokko arge. 34#3:6,8; 14:10 Pheexroosillee, «Eniyaa! Yesuus Kiristoos si fayyisaa ol ka'ii ufumaa siree tee afadhu» jedhe. Innillee Yoma san ka'e. 35Worri Balda'aa fi Saroonaa keessa jiraatan maruu isa arganii Goofta'atti amanan. 36Iyyoopheellee darasaa Xabbitaa jedhamtu takkatu jira; afaan Giriikiitiin maqaan isi'ii «Dorqa'a» Dorqaa jechuun, «Kuruphee» jechu'u; isiin ta waan mishaa uf keessaa qabduu fi ta kennaallee kennitu turte. 37Isiin ji'uma sanniin keessa dhibamtee duute; reeffa isi'ii dhiqanii kutaa gamo'oo tokko keessa kaayan. 38Liidaan Iyyoophe'etti dhiyoo waan taateef darasoonni akka Pheexroos achi jiru dhagayanii nama lamaa isatti erganii, «Maal dafii nutti koottu» jedhanii kadhataniin. 39Pheexroosillee ka'ee isaan woliin dhaqee hennaa inni achi gaye gara gamo'oo ol baasanii haawwotiin hiyyeessaa maruu booya'aa waan Dorqaan hennaa isaan woliin jirtu gooteef Shinshini'ii fi uffata isiin uffattu maraa isatti mudhisa'aa afoo isaa dhaabatanii booyan. 40#Mar. 5:40-41 Pheexroosillee isaan maraa gara diidaa baasee, jilbiiffatee Rabbiin kadhata'aa gara reeffaa laalee, «Xabbitaa, ka'i!» jedheen. Isiinillee ija ufii banattee hennaa Pheexroosiin argite ol kaatee teette. 41Hiixatee harka isi'ii ol isii qabee kaase haawwota hiyyeeyyi'iitii fi woyyoota waamee isii jirtuu afoo isaanii dhaabsise. 42Wonti kun Iyyoophee maraa keessatti waan beekkame ta'e; namoonni hedduullee Goofta'atti amanan. 43#10:6,32 Iyyoophe'ettillee namicha gogaa duugu ka Simoon jedhamu tokko bira guyyaa hedduu taa'e.

Currently Selected:

Hujii Ergamootaa 9: KitWoy

Highlight

Copy