Hujii Ergamootaa 4

Pheexroosii Fi Yohaannis Yaa'ii Yihuudotaa Afoo Dhiyaatan

1 # 5:24; Luq. 22:4,52 Pheexroosii fi Yohaannis banii waan barsiisaniif du'aa ka'iitiin worra du'anii karaa Yesuusiitiin jedhanii waan lallabaniif bulchoonni gadootaa, 2dura bu'oonni mana woyyu'uutii fi Saduuqoonni aaranii isaan qaban. 3Hennaan sun waan dhiyeeruuf haga lafti bari'uuf isaan hidhan. 4#2:41,47; 5:14; 6:7 Haa ta'uu ammo worra dubbii dhagayan keessaa heddutu amane. Laakkobsi dhiiraa haga kuma shanii ta'e.

5Bariisaa san isaanii fi manguddoonni akkasuma barsiisonni Seeraa Yerusaalemitti wol gayan. worra wol gayan keessaa 6bulchaa gadootaa Haannaanii fi Qayyaaffaan, Yohaannisii fi Iskindiroos maatiin bulchaa gadootaa maruu achitti wol gayanii turan. 7#Luq. 20:1-2 Isaan Pheexroosii fi Yohaannisiin banii wodhakkaa dhaabsisanii, «hunna kamiin yookaan maqaa eennuutiin isin waan kana gootan?» jedhaanii isaan gaafatan. 8#Luq. 12:11-12; Hu. Er. 6:3,5; 7:55; 9:17; 13:9 Hennaa san Pheexroos Ayyaana Woyyu'uun guuttamee akkana isaaniin jedhe, «Isin bulchoonni biyyaatii fi manguddoonni, 9Nu ammo nama naafa kanaaf wonti mishaan godhame maali'iin akka fayye yoo qorre, 10#3:6,15-16 Ka isin fanniftaniin, ka Rabbillee worra du'an keessaa kaase, maqaa Yesuus Kiristoosii Naazireeti'iitiin namichi kun fayyaa ta'ee afoo keessan akka dhaabate isinii fi banii Israa'elii maraa afo'otti ka beekkame haa ta'u. 11#Far. 118:22; Luq. 20:17 Inni kun dhagaa,

isin worri mana dhaga'aa ijaartan tuffattan,

dhagaa mataa utubaa manaa qajeelchu ta'e.

12Kanaafuu ooluun karaa biraa karaa eennuutiinillee hin jiru; maqaan akka nu ittiin baanuuf kenname ka namoota oolchu sami'ii gaditti Yesuusiin malee ka biraa hin jiru.»

13Pheexroosii fi Yohaannis addaataa akka dubbatan haga argan namoota Kitaaba hin beennee fi worra hin baranne ta'uu isaanii hubatanii Yesuusiin woliin akka turan beekanii maalalfatan. 14Namicha fayyellee akka isaan woliin dhaabateeru haga argan; waan isaaniin jedhan dhaban. 15Gumii keessaa gara diidaa akka bayan isaan ajajanii, 16#Yoh. 11:47; Hu. Er. 3:8-10 «Namoota kanniin maal haa goonu? Maalaleen beekkamaa ta'e harka isaaniititti akka godhame Yerusaalemiin keessa worra jiraatan marattuu mudhateera; dhossuu hin dandeennu. 17Haa ta'uu ammo banii keessatti guddisee akka hin babadhanne ammaa achi eennullee maqaa kanaan akka hin dubbanne isaanitti baanata'aa isaan haa seerruu» jedhanii woliin mari'atan.

18 # 5:28,40 Isaan waamanii maqaa Yesuusiitiin horoma akka hin dubbannee fi akka hin barsiifne isaan seeran. 19#5:29 Pheexroosii fi Yohaannis ammo deebisanii, «Rabbiin dhagayuu caalaa isin dhagayuun barbaachisaa akka ta'e isinumti murteessaa'a. 20#22:15; Luq. 10:23-24; Qor. 1ffaa 9:16; Yoh. 1ffaa 1:1-3 Nu waan arginee fi ka dhageenne himuu dhiisuu hin dandeennu» isaaniin jedhan. 21Isaan attamitti akka isaan adaban sababaa waan isaan irraa dhabaniif ammallee baanata'aa banii sodaatanii isaan hiikan. wonti waan kana godhaniif namoonni maruu waan ta'e saniif Rabbiin kabajja'aa waan turaniif. 22Namni maalaleen fayyinnaa ta'eef kun nama woggaa afurtamaa oliiti.

Rabbiin Kadhachuu Amantootaa

23Pheexroosii fi Yohaannis hiikkamanii gara worra isaanii dhaqanii waan bulchoonni gadootaatii fi manguddoonni isaaniin jedhan maraa isaanitti himan. 24#Ser. Ba'u. 20:11; Nah. 9:6; Far. 146:6 Isaan hennaa waan kana dhagayan garaa tokko ta'anii laagaa ol qabatanii Rabbiin akkana jedhan, «Gooftaa keenna! Ati ka ardii, samii, galaanaa fi waan isaan keessa jiraatan maraa uumte. 25#Far. 2:1-2 Karaa Ayyaana Woyyu'uutiin afaan abbaa keenna Daawitiitiin akkana jettee dubbatteerta;

‹Worri Yihuudii hin taane maaf lolaan ka'an?

Baniin maaf duwwummaa ufiititti baanata?

26Mootonni adunya'aa hiriiranii;

bulchoonni wol gayanii;

Gooftaa Masihichatti ka'an› jettee dubbatte.

27 # Mat. 27:1-2; Mar. 15:1; Luq. 23:1,7-12; Yoh. 18:28-29 Ilma kee woyyuu dibame Yesuusiin irratti Heroodisii fi Pheenxenichi Philaaxoos banii Yihuudota hin taanee fi Israa'eliin wolii galanii isatti baanatan; 28#2:23 Kunillee wonti ta'eef harki keetii fi yaanni kee banii Israa'elii woliin akka ta'u akkuma duraan dursanii murteessan maraa raawwachu'uuf qachaa kanatti wol gayan. 29#Efe. 6:19 Ammallee Gooftaa keenna! Gara baanuu isaanii laali! 30Fayyisu'uuf yoo harka kee diriirsite hennaa maqaa Ilma kee woyyicha Yesuusiitiin maalaleenii fi baafni ta'u hojjattoonni tee karaa ifa ta'een dubbii kee guutuu akka dubbatan isaanii kenni. 31#16:25-26; 13:52 Haga Rabbiin kadhataniin maayii huleen isaan itti wol gayanii turan sun hin socho'e; Isaan maruu Ayyaana Woyyu'uun guuttamanii dubbii Rabbii addaataa dubbatan. 32#2:44-45; Yoh. 17:21-22 Worri amanan garaa tokko fi yaada tokko qaban. Wonti isaan qaban maruu ka woliiti malee, ka qaban keessaa eennullee kiyya jedhee hin dubbatu. 33#2:47; 4:2 Ergamtoonnillee du'aa ka'iitii Goofta Yesuus Kiristoosii hunna gudda'aan ragaa bayan. Maraa irra badhaadha gudda'atu jira. 34#2:45; Luq. 12:33; Hu. Er. 5:2; Qor. 2ffaa 8:14 Isaan jidduu rakkataan tokkollee hin jiru; lafa yookaan mana qaban maraa gurgura'aa gatii itti gurgurame fida'aa, 35luka ergamtootaa jala kaayan; haguma isaan barbaadan isaanii kennan. 36#11:22,24; 13:2; 15:39 Yooseef nama biyya Qophiroosii ka dhalootaan gosa Leewwi'ii ka ergamtoonni, «Barnaabaas» jedhaniin tokkotu ture. Barnaabaas jechuun, «Ilma booharti'ii» jechu'u; 37innillee qonna qabu gurguree birriillee fidee luka ergamtootaa bira kaaye.

Currently Selected:

Hujii Ergamootaa 4: KitWoy

Highlight

Copy