Hujii Ergamootaa 13

Baarnaabaasii Fi Saa'ol Ergaman

1 # 11:20-27 Woldaa Kiristaanaa ta Anxookiyaa jirtu keessa raattotaa fi barsiisootatu jira. Isaanillee Barnaabaas, Simoonii «Gurraacha» jedhamu, Luukiiyoosii biyya Qareena'aa, Heroodisii bulchaa kutaa arfeesso'oo, hiriyyaa isaa Minaahe'ee fi Saa'oliin fa'a. 2#9:15; Gal. 1:15-16 Isaan kunniinillee hennaa Gooftaa waaqeffata'aa sooman, Ayyaanni Woyyuun, «Barnaabaasii fi Saa'oliin hujii ani isaan waameef naa fooyaa'a» jedhe. 3#6:6; 14:23 Hennaa san soomanii Rabbiin kadhatanii haga harka isaan irra kaayaniin maayii huji'iif isaan ergan.

Barnaabaasii Fi Saa'ol Qophiroositti Lallaban

4 # 15:39 Isaanillee Ayyaana Woyyu'uun ergamanii gara Selewiqiya'aa dhaqan. Achiillee Markabaan gara Qophiroosii deeman. 5#12:25; 13:13; 15:39 Hennaa Silmaanaa turan mana sagada Yihuudotaatitti dubbii Rabbii lallaban; tajaajilaan Yohaannis isaan gargaaru'uuf isaan woliin ture.

6Lafa bisaaniin marfamte san maraa haga Phaafa'aa hennaa deddeeman mortuu Baaryasuus jedhamu raatticha sobaa nama Yihuudi'ii tokko argan. 7Innillee nama waa hubatu Sergiyoos Phaawuloos jedhamu ka biyya bulchu woliin ture. Innillee dubbii Rabbii dhagayuu barbaadee Barnaabaasii fi Saa'oliin gara ufii waame. 8#Xim. 2ffaa 3:8 Mortichi maqaan isaa Elmaas jedhamu ammo bulchaan biyya sanii akka hin amanne fedhee isaan morme. 9Saa'oliin Phaawuloos jedhamu ammo Ayyaana Woyyuu keessa ta'ee namicha moru guuttatee laalee, 10«Ati ka dhartinii fi hammeenni marti si keessa guute; ilma daabiloosii! Diina dhuga'aa! Karaa Goofta'aa micciiruu hin dhiiftuu? 11#9:8; 22:11 Amma harki Goofta'aa si dhaya; ka ijaan hin argine taata; haga henna'aatiif ifa hin argitu» jedheen.

Hennama san hurriinii fi dukkanti itti buutee, nama harkaan qabee isa masakku soqaa tafaafure. 12Hennaa san bulchaan biyyaa waan ta'e haga arge barumsa Goofta'aatiin guddisee maalalfatee amane.

Baarnaabaasii Fi Saa'ol Pheerge'ee Fi Anxookiya'atti Lallaban

13 # 12:25; 15:37-39 Kanaan maayessa Phaawuloos goshoota ufii woliin Phaafa'aa ka'ee gara Phinifiliyaa Pheerge'etti aantuu dhaqe. Yohaannis isaan irraa fooyamee gara Yerusaalemii deebi'e. 14Isaan ammo Pheergeeniin lufanii gara Anxookiya'aa fi gara Phisigiya'aa gayanii guyyaa Sambataatiin gara mana sagada Yihuudotaa seenanii taa'an. 15#15:21 Haga Kitaabni seeraatii fi kitaabni raattotaa dubbifamaniin maayii bulchoota mana sagada Yihuudotaa isaanitti erganii, «Obboleeyyan teenna waan banii gorsitan yoo qabaattan mee dubbadhaa'a!» jedhaniin. 16#21:40 Phaawuloosillee ka'ee malkataan argisiisee akkana jedhe, «Namoonni Israa'eliitii fi worri Rabbiin sodaattan maruu dhagayaa'a!» 17#Ser. Ba'u. 1:7; 6:1,6; 12:51 Waandhi banii Israa'elii kun abboota keenna fooyatee uduu biyya Misirii keessummummaa jiran banii ufii ol ol qabee hunna ufii gudda'aan achii isaan baase. 18#Ser. Ba'u. 16:35; Ser. Lak. 14:34; Kes. Deb. 1:31 Gammoojjii keessatti woggaa afurtamaaf isaan nyaachise. 19#Kes. Deb. 7:1; Iyya. 14:1-2 Biyya Kana'aaniitii fi worra Yihuudii hin taane torba balleessee lafa isaanii isaan dhaalchise. 20#Abbo. Mur. 2:16; Sam. 1ffaa 3:20 Kanaan maayessa haga raatticha Saamu'eelii woggaa dhibba afurii fi shantamaa abbootii murti'ii isaanii kenne. 21#Sam. 1ffaa 8:5; 10:21 Achiin maayii mootii isaan bulchu akka isaanii moosisuuf kadhataniin. Rabbi nama gosa Biiniyaamii keessaa ilma Qiisii Saa'oliin woggaa afurtamaaf isaanii kenne. 22#Sam. 1ffaa 13:14; 16:12; Far. 89:20 Isallee haga buuseen maayii Daawitiin isaan irratti mootii taasise; hennaa isaa ragaa bayu, ‹Nama akka garaa kiyyaa ta'e; nama fedha kiyya maraa raawwatu ilma Isseyii Daawitiin argadhe› jedhe. 23#Sam. 2ffaa 7:12; Isa. 11:1 Fiixaa nama kanaa keessaa Rabbi akka dubbii abdii Israa'elii kenneetitti Yesuusiin fayyisaa fide. 24#Mar. 1:4; Luq. 3:3 Dhufuu isaatiin dura Yohaannis dursee banii Israa'elii maraaf cuuphaa aagi'ii lallaba'aa ture. 25#Mat. 3:11; Mar. 1:7; Luq. 3:16; Yoh. 1:20,27 Uduu Yohaannis tajaajila ufii raawwatu, «Ani eennuun akka ta'e na hubattanii? Ani isaa miti. Haa ta'uu ammo ka miseensa kophee luka isaa hiikuun naaf hin malle anaan maayii dhufa» jedhe.

26«Isin obboleeyyan teenna! fiixaa ijoollee Abrahaamiitii fi isin keessaa worra Rabbiin sodaatan, dubbiin fayyiinsaa kun isinii ergame. 27Namoonni Yerusaalemiin jiraatanii fi bulchoonni isaanii dubbii raattotaa ka Sambata dubbifamu waan hubachuu dadhabaniif akka dubbii raattotaatitti isatti murteessan. 28#Mat. 27:22-23; Mar. 15:13-14; Luq. 23:21-23; Yoh. 19:15 Yoo sababaa du'aaf isa geessullee hin argine, Philaaxoos dursee akka isa ajjeesu kadhataniin. 29#Mat. 27:57-61; Mar. 15:42-47; Luq. 23:50-56; Yoh. 19:38-42 Waan isaatiif waan barreeffame maraa haga raawwatan, fannoo irraa buusanii awwaalan. 30#3:15 Rabbi ammo worra du'an keessaa isa kaase. 31#1:3; 10:40-41 Banii biratti worra ragaa ta'anii fi worra isa woliin Galiila'aa gara Yerusaalemii bayanitti guyyaa hedduu mudhate. 32#13:23; Far. 2:7 Nullee abdii abbootaa inni kenne oduu gammachu'uu isinitti himna. 33Abdii kana inni faaruu lammeesso'oo keessatti,

‹Ati ilma kiyya;

Ani adha si uumadhe› jedhamee akkuma barreeffame,

Yesuusiin nuu kaasee nu'u ijoollee isaaniitiif raawwate.

34 # Isa. 55:3 Akka hin shamnee fi akka worra du'an keessaallee isa kaasee

ka akkanatti amaname,

‹Abdii Daawitii woyyichaa isinii kenna› jedheera.

35 # Far. 16:10 Deebi'ee hulee biraatittillee ‹woyyuun akka shamuuf hin dhiiftu› waan jedhuuf. 36#Mot. 1ffaa 2:10; Abbo. Mur. 2:10 Daawitillee bara ufiititti haga fedha Rabbii tajaajileen maayii du'ee, abbooti'iin wolitti eda'amee shame. 37Ka Rabbi kaase kun ammo hin shamne. 38#10:43 Eeganaa obboleeyyan tiyya! karaa isaatiin dhiifamsi cubbu'uu akka isinii ta'uuf Seera Muuse'eetiin qajeellota ta'uu hin dandeenne. 39#Rom. 10:4 Ka isatti amanu maruu isaan akka qajeellota ta'an isin biratti ka beekkame haa ta'u.

40Eeganaa,

‹Isin worri tuffattan laalaa'a! maalalfadhaa'a! badaa'a!

waan tokko yoo isinitti hime hujii isin hin amanne,

bara keessanitti ani waan hujuuf› jedhamee

41 # Imba. 1:5 Wonti raattotaan dubbatame akka isin irra hin geenne uf eegaa'a!» jedhe.

42Hennaa bayan waan kana Sambata dhufu akka isaanitti himu kadhataniin. 43#11:23; 14:22 Gumiin haga adda yaa'een maayessa Yihuudonninii fi worri gara Yihuudi'ii seenanii waaqeffatan hedduun isaanii Phaawuloosii fi Baarnaabaasiin faanaa deeman. Isaanillee badhaadhummaa Rabbiitiin jabaatanii akka jiraatan isaan hubachiisan.

44Sambata lammeesso'oo namoota hago'oon ala namni qachaa sanii maruu dubbii Rabbii dhagayu'uuf wol gayan. 45#14:2; 17:5 Yihuudonnillee hennaa banii heddu argan hinaaffa'aan guuttamanii isaan abaara'aa dubbii Phaawuloos dubbatu morman. 46#3:26; 18:6; Mat. 10:6 Phaawuloosii fi Baarnaabaas, «Firrisa dubbii Rabbii ifa baafnee isinitti himuu barbaachisa; Yoo dhiibdan, dubbiin jireenna bara baraa akka isiniif hin taane yoo gootanii fi yoo ufitti murteessitan, nu ammo gara worra Yihuudota hin taanee deebina. 47#Isa. 42:6; 49:6 Akkasuma Gooftaan,

‹Haga daangaa dhuma lafaa fayyinnaaf akka taatu,

Worra Yihuudota hin taaneef ifa si taasiseera› jedhee waan nu ajajeeruuf» jedhan.

48Worri Yihuudota hin taanellee dhagayanii gammadanii dubbii Rabbiillee kabajjan. Worri jireenna bara baraatiif qophaayan maruu amanan.

49Dubbiin Goofta'aa biyya maraa keessatti babadhate. 50#17:4-5 Yihuudonni ammo worra waaqeffatan, dubartoota kabajjamanii fi bulchoota qachaa booreessan Phaawuloosii fi Baarnaabaasiin irratti lola kaasanii biyya isaaniitii baqachiisan. 51#Mat. 10:14; Mar. 6:11; Luq. 9:5; 10:11 Isaan ammo daaraa luka ufii uf irraa dhadhayatanii, gara Iqooniyoonii dhaqan. 52Darasoonnillee gammachu'uu fi Ayyaana Woyyu'uun guuttaman.

Currently Selected:

Hujii Ergamootaa 13: KitWoy

Highlight

Copy