Genesis 5
5
Adammi di ôananôagub
(1 Kroniks 1:1-4)
1Nēb ge Adammi surib di ǂgaekhâiba. Elob ge khoebab ge kuruo, ǁîba ǁîb īb ǃoa ge kuru.#Gen. 1:27-28 2ǁÎb ge ǁîra aorekhoeb ase tsî tarekhoes ase kuru tsî ǁîra ǀkhae tsî “Khoesib” ti ge ǂgai.#Mat. 19:4; Mrk. 10:6 3Adammi ge ǀguikaidisi tsî ǃnonadisi kurixab a hîa ǁîb khami ī ǀgôab, Set tib ge ǀonǂgaiba ge ǁorabahe. 4ǁNās khaoǃgâb ge ǁîba noxopa ǀnî ǁkhaisakaidisi kuriga ge ûi. ǀNî ǀgôan tsînab ge ge ūhâ i 5tsî khoesekaidisi tsî ǃnonadisi kurigu ǀkha ge ǁō. 6Seti ge ǀguikaidisi tsî koro kurixab a hîa Enosa ǁorabahe 7tsî noxopa ǀnî ǁkhaisakaidisi tsî hû kuriga ge ûi. ǁÎb ge ǀnî ǀgôan tsîna ge ūhâ i 8tsî khoesekaidisi tsî disiǀgamǀa kurigu ǀkha ge ǁō.
9Khoesedisi kurixab a hîab ge Enosa, Kenanna ge ǁorabahe 10tsî ǁnās khaoǃgâ noxopa ǁkhaisakaidisi tsî disikoroǀa kuriga ge ûi. ǁÎb ge ǀnî ǀgôan tsîna ge ūhâ i 11tsî khoesekaidisi tsî koro kurigu ǀkha ge ǁō.
12Hûdisi kurixab ge ob ge Kenanna Mahalalela ge ǁorabahe 13tsî noxopa ǁkhaisakaidisi tsî hakadisi kuriga ge ûi. ǁÎb ge ǀnî ǀgôan tsîna ge ūhâ i 14tsî khoesekaidisi tsî disi kurigu ǀkha ge ǁō.
15Mahalaleli ge ge ǃnanidisikoroǀa kurixa i, Jaredab ge ǁorabaheo, 16tsîb ge ǀnî ǁkhaisakaidisi tsî ǃnonadisi kuriga ge ûi. ǁÎb ge ǀnî ǀgôan tsîna ge ūhâ i 17tsî ǁkhaisakaidisi tsî khoesedisikoroǀa kurigu ǀkha ge ǁō.
18Jared ge ǀguikaidisi ǃnanidisiǀgamǀa kurixab a hîa Henoxa ǁorabahe 19tsî ǁnās khaoǃgâ noxopa ǁkhaisakaidisi kuriga ge ûi. ǁÎb ge ǀnî ǀgôan tsîna ge ūhâ i 20tsî khoesekaidisi ǃnanidisiǀgamǀa kurigu ǀkha ge ǁō.
21Henoxi ge ǃnanidisikoroǀa kurixab a hîa Metuselaxa ge ǁorabahe. 22ǁNās khaoǃgâb ge Henoxa ǃnonakaidisi kuriga Elob ǀkha ǀhûhâsib ǃnâ ûi tsî ǀnî ǀgôan tsîna ge ūhâ i. 23ǁÎb ge ǃnonakaidisi ǃnanidisikoroǀa kurixab ges kōse ge ûi. 24ǁÎb ûiba Elob ǀkha ǀhûhâsib ǃnâ ûi tsîb ge ǁnās khaoǃgâ ge kā, Elob ge ūbē bi xui-ao.#Heb. 11:5; Jud. 14
25Metuselaxi ge ǀguikaidisi ǁkhaisadisihûǀa kurixab a hîa Lamexa ge ǁorabahe. 26ǁÎb ge hûkaidisi ǁkhaisadisiǀgamǀa kuriga ûi tsî noxopa ǀnî ǀgôan tsîna ge ūhâ i. 27ǁÎb ge khoesekaidisi ǃnanidisikhoeseǀa kurigu ǀkha ge ǁō.
28Lamexi ge ǀguikaidisi ǁkhaisadisiǀgamǀa kurixab a hîa ǀgôaba ge ǁorabahe. 29Tsîb ge “ǁKhā ǃhūb, ǃKhūb go ǀâxareba xub ge nē ǀgôaba oresa nî hā-ū” ti mî tsî ǀgôaba Noax#5:29 Noax: Nē mîs ge Hebregowab di mîs ore ti hâs khami ra ǀō. ti ge ǂgai. 30Lamexi ge ǀnî korokaidisi khoesedisikoroǀa kuriga ge ûi. ǁÎb ge ǀnî ǀgôan tsîna ge ūhâ i 31tsî hûkaidisi hûdisihûǀa kurigu ǀkha ge ǁō.
32Korokaidisi kurixab ges khaoǃgâb ge Noaxa ǃnona ǀgôagu, Semmi, Xammi tsî Jafet hâga ge ǁorabahe.
Currently Selected:
Genesis 5: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.