มท 3
3
ลอง ดา ซารา อายอฮาน โฮว ดารา เฌาพรา
1ดอ อัน ตี อึณ มึห ดา ซารา อายอฮาน, อี จึบ ดูอี แคง อึม. อัน ตัห โฮว ดารา เฌาพรา แคง แปร กาฮ็อห อี กอย แคง อืง ยูดา. 2อัน ต็อห, “แตห เบ โหลห บอ แวน หมาบ เบ. อาคราว ดี อึบ เฌาพรา กาดาย แฮะ กาตัด ดี ตัห.” 3ดูอี อี บยาน โฆรห เฌาพรา, อี จืร อาอีซายัะ ตึอน, อัน แฮะ ดึอม กาลาง ลอง ดา ซารา อายอฮาน. อัน แฮะ ดึอม ต็อห,
“อึณ ดี มึห ดูอี อู วี ดี กาลาง โฆรห แคง แปร กาฮ็อห, ‘แตห เบ อึณปราย อึณเตณ ปี โลว ว็อะ เฌาพรา. โบง, แตห อึณ ซืร.’”
4ดา ซารา อายอฮาน ตึอน, อัน ตา ครึง ฮึก มังปร็อง กาฮาต, ตา แซะ ฮูน, ปัก ดี ณอย อัน. อัน มืร โฮม มา อาโฌ็ง บอ งาม มาเพียน.#3:4 อาคราว ดอ อัน ตี เฆ ดูอี อี บยาน โฆรห เฌาพรา บอกาเฆลียด ชึบ ครึง ฌึร ตี บอ โฮม ปี ดี โฮม โมยว ตี. 5เฆ ดูอี อี กอย แคง มืง เยรูซาแลม, บอ เฆ อี กอย แคง อืง ยูดา บอ อืง, บอ เฆ ดูอี อี กอย กาตัด แบลง ยอดาน, เฆ บอกาเฆลียด เลห โดง กอย เฆ, ฮาว โทม ดา ซารา อายอฮาน. 6เฆ มืร กาลาง หมาบ เฆ, แตห อายอฮาน จึบ เฆ แคง อึม อี จืร แบลง ยอดาน.
7อึณ ยี มึห เฆ ดูอี แคง พึง พารีแซ บอ เฆ ดูอี แคง พึง ซาดูแค, เฆ กืน ตัห โดง กอย อายอฮาน ตึอน, แตห อัน จึบ เฆ แคง อึม. ดอ ยึร อัน ดูอี ฌึร ตี, อัน วี ต็อห ดี เฆ, “อึย, เบ อี ปี อาโมยว ฮัณ เงียน. อาเซ แฮะ ต็อห ดี เบ, เบ ดี ปึอน ดี เลห เตา เซ เฌาพรา ฮี รู กาเซา ดี เบ นา อาต นี? 8บอ ปี โบง เบ บอ โฆรห ปี กาลาง เบ, เบ โลว แตห อึณ การัม. แตห เบ แวน น็อห บรีม เบ, ดึห น็อห กามาย. 9แกวะ แตห เบ ปีคึก น็อห เบ โกบ ต็อห เบ, ‘ดา อาบราฮัม มูห ฆูณ ดัง เย.’ โอว ต็อห ดี เบ, เซ เบ ตู โดบ ซีคยา เฌาพรา ปี เฆ หลูกหลาน อาบราฮัม อาคาคัร, เฌาพรา ดี โบง แตห มาว เฆ นี วี แบน หลูกหลาน ดา อาบราฮัม ตึอน. 10ดอ ตี นี, อึณ ปี มึย แฮะ ฮอต กอย ดี ดัง เฮ. เฮ ดอน กาดัง อี ตู มึห เบล หมึอม, เฆ ดี ฆัร แวน, วี โดะ แคง เงา, แตห อึณ กาซึม.
11โอว จึบ เบ แคง อึม, แตห อึณ บยัะ, เบ แฮะ โหลห หมาบ เบ, แวน หมาบ เบ. อึณ ยี มึห อู วี, อัน ดี วี ตัห วาย โอว. ปวน อัน ซี ตาง หลึอม ปวน โอว. คูดีณ อัน มืร, โอว หณัม กาอาบ โฆ็ง. อัน ดี บอ แตห น็อห พึอม เฌาพรา อึบ เบ. ปี ดี โบง อัน ดี เบ ปอ อู โมยว, อึณ บอ ปี ดูอี ดัง ครีว แคง เงา, ทารอง แตห อึณ บอด. 12อึณ บอ ปี, อัน โฆ็ง อึณโซก อัน, แตห อัน โซก ยึอม โหงว แคง กางน็อห, แตห อึณ ฆีด มี โบ็ง โหงว ดีโลย. แฮะ ฮอต, อัน ดี กาฌูะ โหงว ตี แคง ฆรัว. เดียบ โหงว, อัน ยี ตู โลว. อัน ดี โดะ แวน แคง เงา อี ตู นับ ดี ยัด.” แคะ ตี อายอฮาน ตึอน กาลาง ลอง เฌา เยซู.
ลอง เฌา เยซู คัม ดี จึบ แคง อึม
13วาย อัน ตี เฌา เยซู เลห แคง อืง ฆาลีเล, ฮาว ฌัม ดี โคบ แบลง ยอดาน, แตห อายอฮาน จึบ อัน แคง อึม. 14อายอฮาน วี เทว ดี แคร อัน ต็อห, “อึณ มูห โอว, อี โลว แม จึบ โอว แคง อึม. เหมา อึณ ปาย ปี ตัห แม ดี โอว?” 15เฌา เยซู วี ต็อห, “แตห แม โบง ปาย ตี. อาย, อึณ กาอาบ โบง ปาย ตี, แตห อึณ แบน ปี อึง เฌาพรา.” วาย อัน ตี อายอฮาน วี โพรม.
16อายอฮาน แฮะ ฮอต จึบ เฌา เยซู แคง อึม, อัน เฌา วี เลห แคง อึม อู เฌณ. ดอ อัน ตี ฆางหราว บอ อึณ วึห. อัน บอ ยึร น็อห พึอม เฌาพรา อี ปี มาโบลย, ตัห โลง แดง อัน. 17อึณ บอ มึห โฆรห เฌาพรา เลห แคง ฆางหราว. อึณ ต็อห, “วี ตี มูห ฆอน ปี ร็อก โอว. ปี โบง อัน แฮะ ล็อะ น็อห โอว.”
Currently Selected:
มท 3: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
