อามาลาคี 4
4
ลอง ซีแง ดี ซูงพยาด เฌาพรา อามู อี
1เฌาพรา อี อึบ โตต ดอน โมยว ปี วี ต็อห, “ซีแง ดี ซูงพยาด เฌาพรา อามู อี อึณ ดี ปี เงา แคง กาฟาง. แคะ กอย เฆ อี มึห น็อห ปีคึก บอ เฆ อี มึห น็อห ฮาย, เฆ ดี บอ ปี เหรียง กาฮ็อห ปี ดี โดะ กาซึม อี แคง เงา. เฆ ดี บอ กาซึม โตต ปี เฮ บอ ดัง บอ กาแดะ อัน.” 2อี มูห เบ อี โรวเซ โอว, เบ โบง นา ซืร นา หมาน แตห อึณ ปี บลาง ซีแง อี แตห เซา รอฆา เบ แกน. เบ ดี กอย ดาคึย ปี ฆอน มัก อี แดน วีว แดน เวณ ดอ เลห เฆ เรต กาปึม โดง กอย เฆ. 3ซีแง ดอ โบง โดบ โอว กาดีก ซัดฌา แปะ แฮะ ดัว โอว ดี เบ ตี, เบ ดี บอ แณต แดง เฆ ดูอี ฮาย, แตห เฆ ปี กาปูห. เฌาพรา อี อึบ โตต ดอน โมยว แฮะ กาลาง ปาย ตี.
4“แตห เบ วี โหลห ดารา โอว ปี กาลาง อูน โอว ดี อาโมวแซ อี มูห แดเจณ โอว ดอ กอย อัน ดี นอน ซีนาย, แตห อัน กาลาง ดี เฆ ดูอี อีซาเรลัะ บอกาเฆลียด.
5บัร เบ ยอด, อาต ฌัม ซีแง อี อาเร ตาง บอ ซีแง อี หมึอม โยว กาเซา ตี, โอว ดี จัร ดา อี บยาน โฆรห เฌาพรา อี จืร อาเอลียัะ, แตห อัน ตัห โดง กอย เบ. 6แกวะ แตห โอว โลว ตัห ดัม หมาบ ดี มืง เบ โดบ โฆรห กาซัม ดืง กาซัม เอห ตึอน. อัน ดี แตห ฆูณ มา บอ ฆอน วี ลาย กาล็อะ. บอ ฆอน บอ ฆูณ มา ดี วี ลาย กาล็อะ. เซ อาว ปาย ตี โอว ดี ตัห บอ ดืง กาดาย โดง กอย เบ.”
Currently Selected:
อามาลาคี 4: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
