Maalʉko 9

1ɄYeesu ahajendeelela hubhabhʉʉzye huje, “Lyoli ɨhubhabhʉʉzya, bhalɨɨho abhantu pɨɨpa, bha saga bhahayifwa sha bhasɨɨle huwulole ʉwumwɨnɨ ʉwa Ngʉlʉbhɨ wuhwɨnza hwi‑ikhone.”

ɄYeesu agaluuhana ɨsheeni na menda

(Mataayo 17:1-13; Luuka 9:28-36)

2Lwa zyashila ɨnsiku nʼtanda, ʉYeesu ahamʼmwega ʉPeeteli, ʉYaakobo nʉ Yoohani, ahazʉbha peeka nabho hwi‑igamba itali, bhahabha bheene ʉhwo. Ɨpo lwa bhali paala, ʉYeesu ahagaluuhana ɨsheeni pitagaalila lyabho. 3Amenda gaakwe gahanda alapuuhane tee. Gahabha mazelu ashile ʉnʼkhanda menda wowonti ʉwa mu nsi ʉmu sha‑agagakhanza. 4ɄEliya nʉ Moose, abhakuwi bha Ngʉlʉbhɨ abhɨ mandɨ,#9:4 ɄMoose nʉ Eliya bhahali bhakuwi bha Ngʉlʉbhɨ abhagoosi tee hwi‑Ilagano ɨlyɨ Mandɨ. Bhaazya ɨNyiizuho 34:10; 1 aBhamwɨnɨ 17-2 aBhamwɨnɨ 2. bhahabhaloleshela, bhayanga nʉ Yeesu.

5ɄPeeteli ahamʼmʉʉzya ʉYeesu huje, “Mʼmanyizyi, shinza tee atɨ huje, tibhe ɨpa! Ɨshi, tizenje amasebhele gataatu. Lyeka libhe lyaho, lyeka libhe lya Moose nɨ lyamwabho libhe lya Eliya.” 6Saga ahamɨɨnye ɨlya‑ayanje, pɨpo ʉmwene na bhamwabho bhahogʉʉpe tee.

7Ɨpo ibhɨngo lyahɨnza, lyahabhagubiha. Izwi lya Ngʉlʉbhɨ lyahʉmvwɨha afume mwi‑ibhɨngo liila hu nongwa ya Yeesu lyahaga, “Ʉnʉ Mwana waanɨ ʉnʼkʉndwe, mumʼmwʉmvwaje yʉʉyo.” 8Pɨnɨɨpo lwene abhasundwe bhaala bhaheenya ʉhwu nʉ‑ʉhwu, saga bhahanʼnola ʉmuntu ʉwamwabho, lyoli ʉYeesu mwene.

9Lwa bhahwiha mwi‑igamba liila, ʉYeesu ahabhakhajiilizya huje, “Musahasheele humʼmʉʉzye ʉmuntu nka weeka zya muzilolile hwi‑igamba ʉhwu, muleshe nasʉʉti anɨ nɨMwana wa Muntu ɨnzyʉshe afume hwa bhafwe.” 10Abhasundwe bhaala bhahalikhata izwi liila. Ɨpo bhahabha sha bhabhʉzɨlɨzanya bhɨɨbho hu bhɨɨbho huje, “Azyʉshe afume hwa bhafwe hwa huje bhʉlɨ?”

11Bhahamʼmʉzɨɨlɨzya ʉYeesu bhahaga, “Ɨshi yeenu abhamanyizyi abhɨ ndajizyo zya Moose bhayiga, ‘Ɨhwanziwa huje, ʉnʼkuwi ʉEliya ayɨnze nasʉʉti sha‑asɨɨle ahwɨnze ʉKilisiti’?”#Bhaazya Malaaki 4:5-6.

12Wope ahabhaamula huje, “Lyoli ʉEliya ahwɨnza nasʉʉti huzilɨngaanye zyonti. Nantele, ɨsimbwilwe mu Nsimbo ɨMfinjile huje, anɨ nɨMwana wa Muntu nahayilabha amayɨmba aminji na‑asyonshelwe. 13Ɨshi ɨhubhabhʉʉzya huje, ʉEliya ahali ayɨnzɨle,#Bhaazya Mataayo 11:13-14; 17:10-13.   #9:13 ʉEliya ahali ayɨnzɨle ɄYeesu ahalɨnganisiizye ʉYoohani ʉMwozi nʉ Eliya. ɄYoohani ʉMwozi ahabhombile ɨmbombo ɨyo aBhayahuudi bhahasʉbhɨlaga huje, ʉEliya ahayibhomba. Ɨmbombo ɨyo yahali ya hulɨngaanyizye ʉYeesu idala. Bhaazya Maalʉko 1:2-4. bhope bhahamʼmombɨɨye zyonti ɨmbiibhi zya bhahanzaga,#Bhaazya Maalʉko 6:14-29. nanshi sha zyahasimbwilwe.”

ɄYeesu ahulishɨmbɨzya ipepo hwa mwana

(Mataayo 17:14-21; Luuka 9:37-43)

14ɄYeesu, ʉPeeteli, ʉYoohani nʉ Yaakobo lwa bhaafiha hwa bhasundwe abhamwabho, bhahayilola ɨmpʉga ɨngoosi ɨya bhantu ɨbhazyʉngʉʉlɨle. Abhamanyizyi abhɨ ndajizyo zya Moose bhahadalihanaga na bhasundwe. 15Nalinaali lwene, ɨmpʉga yonti ɨya bhantu yahanʼnola ʉYeesu, yahaswiga haani. Yahanʼshɨmbɨɨlɨla, yahanʼnamuha. 16ɄYeesu ahabhabhʉʉzya huje, “Mudaliihana yeenu nabho?”

17Ʉmuntu ʉmo mu mpʉga ɨla ahamʼmwamula ahaga, “Mʼmanyizyi, ɨnʼneetile ʉmʼvwɨlɨ waanɨ huliiwe. Ali ni‑ipepo lya lihumʼmɨɨha abhe mʼbwibwi. 18Wiila nkashele lyanʼkhata, lihunʼgwisya pa nsi, ahwanda afumye itatafula hwi‑ilomu, na‑azyeguzye amiino na hwʉme ʉmʼbɨlɨ gwonti. Ɨmbalaabhile abhasundwe bhaaho huje, bhalyefwe ipepo, leelo abheene bhapotiilwe.”

19ɄYeesu ahaga, “Amwɨ mubhantu bhɨ habhaazyo ɨha, muteejile idala igolosu ɨlya hunʼsʉʉbhɨle ʉNgʉlʉbhɨ? Ɨmbe naamwɨ afishe habhaazyo wɨlɨ? Ɨmbala hwejeelane naamwɨ afishe ndi? Nʼneeti ʉmwana huliinɨ.” 20Bhahanʼneeta ʉnʼsahaala ʉla hwa Yeesu. Ipepo liila lwa lyanʼnola ʉYeesu, pɨnɨɨpo lwene lyahanʼzilisya ʉmwana ʉla. Ahagwa pa nsi, ahagalagaata na‑afumye itatafula hwi‑ilomu. 21ɄYeesu ahamʼmʉzɨɨlɨzya ʉyise wa mwana ʉla huje, “Amayɨmba gɨɨga gamʼmwandile afume ndi ʉmwana?” Ʉyise ahaga, “Afume hu waana waakwe. 22Wiila ipepo ɨli lihunʼgwisya mu mwoto na mu mɨnzɨ huje, linʼgoje. Ɨshi, nkashele ʉli ni‑ikhone ɨlya‑abhombe lyolyonti, ʉtilolele ɨnkʉmbʉ, ʉtaavwe.”

23ɄYeesu ahamʼmwamula ahaga, “Yeenu ʉyanjile huje, ‘Nkashele ʉli ni‑ikhone’? Zyonti zibhombeha hwa muntu wa‑ahunʼsʉʉbhɨla ʉNgʉlʉbhɨ.”

24Nalinaali lwene ʉyise wa mwana ʉla ahakhoola ɨhoolo mwi‑itaali ahaga, “Ɨhwɨtɨha hunʼsʉʉbhɨle ʉNgʉlʉbhɨ! Ɨshi, ʉlwɨtɨho lwanɨ saga lukhondɨɨye, naavwe ɨmbe nʉ lwɨtɨho.”

25ɄYeesu lwa wayilola ɨmpʉga ya bhantu ɨhwonjeelela humʼmʉngaanile, ahalikhajila ipepo liila, ahaga, “Wee lipepo wʉ‑ʉhumʼmɨɨha mʼbwibwi, nantele nʼdinde ʉmwana ʉnʉ, ɨshi ɨhubhʉʉzya ɨnjiga, fuma mwa mwana ʉnʉ, ʉsahasheele hunʼtʉʉshe nantele!” 26Ɨpo ipepo liila lyahakhoola ɨhoolo ɨngoosi, lyahanʼgwisya ʉmwana ʉla na hunʼgalagaasye shibhiibhi, lyahasogola. Ʉmwana ʉla ahabha nkati afwiye, abhinji paala bhahagaga, “Afwiye!” 27Leelo ʉYeesu ahanʼkhata ʉnʼkhono ʉmwana ʉla, ahamʼmʉʉsya, wope ahɨmɨɨlɨla.

28ɄYeesu lwa watʉʉha mu nyumba, abhasundwe bhaakwe bhahamʼmʉzɨɨlɨzya panshɨnjɨ huje, “Yeenu atɨ tipotiilwe hulyefwe ipepo ɨli?”

29ɄYeesu ahabhabhʉʉzya huje, “Ipepo nanshi ɨli saga lifuma hwa‑ayanje lwene, lyoli hu mpuuto.”#9:29 mpuuto Ɨnsimbo zimo ɨzyɨ mandɨ ɨzyɨ Shiyunaani ziyiga, ɨmpuuto na hwiyiime alye.

ɄYeesu ayanga nantele afwe na‑azyʉshe hwakwe

(Mataayo 17:22-23; Luuka 9:43b-45)

30ɄYeesu na bhasundwe bhaakwe bhahasogola, bhahanda ajende, bhahashilila paahati pa mukowa ʉgwɨ Galilaaya. ɄYeesu saga ahasʉngwɨlwe huje, abhantu bhamanye ɨpo ahali, 31pɨpo ahabhamanyizyaga abhasundwe bhaakwe. Ahabhabhʉʉzya ahaga, “Anɨ nɨMwana wa Muntu nahayikhatwa na‑atwalwe hwa bhantu bha bhahayihungoga, leelo isiku ɨlya taatu afume afwe hwanɨ, nahayizyʉha.” 32Abhasundwe bhaakwe saga bhahazyaganyaaga nazimo zya‑ahayangaga, leelo bhahabha nʉ wooga humʼmʉzɨɨlɨzye.

Ʉnʼgoosi ʉwɨ lyoli

(Mataayo 18:1-5; Luuka 9:46-48)

33ɄYeesu na bhasundwe bhaakwe bhahafiha hwi‑ibooma ɨlyɨ Kapelenawumu. Lwa bhatʉʉha mu nyumba, ʉYeesu ahabhabhʉzɨɨlɨzya huje, “Mwadalihanaga zyenu mwi‑idala?” 34Ɨpo abhasundwe bhaakwe bhahapʉʉma myɨ, pɨpo bhahadalihanaga bhɨɨbho hu bhɨɨbho mwi‑idala huje, ʉnʼgoosi ashile abhamwabho bhonti yʉ naanu. 35ɄYeesu ahakhala pa nsi, ahabhakwizya abhasundwe bhaakwe ishʉmi na bhabhɨɨlɨ. Ahabhabhʉʉzya huje, “Ʉmuntu ʉyo ahwanza abhe nʼnongozi wa bhonti, ahwanziwa ahwiyiisye pa nsi na‑abhe mʼmomvi wa bhonti.”

36Ahamʼmwega ʉmwana ʉnʼdoodo, ahamʼmwɨmɨɨlɨsya paahati yaabho. Ahamʼpagatila, ahabhabhʉʉzya huje, 37“Ʉmuntu wowonti ʉyo ahumʼmwejeelela ʉmwana nanshi ʉnʉ hu nongwa yaanɨ, ahunejeelela nɨɨnɨ. Nantele, ʉmuntu ʉla wa‑ahunejeelela anɨ, saga ahunejeelela nɨɨnɨ nɨmwene, lyoli ahumʼmwejeelela yʉ Ngʉlʉbhɨ ʉyo ahansonteleziizye anɨ.”

Ʉmuntu wa saga ahunʼkhaana ʉYeesu, ʉyo ali peeka nawo

(Luuka 9:49-50)

38ɄYoohani ahamʼmʉʉzya ʉYeesu huje, “Mʼmanyizyi, tinʼnolile ʉmuntu ʉmo ahugadaga amapepo hwi‑ikhone lyaho, lyoli atɨ tahalɨnjɨle hunʼkhaane, pɨpo ʉmwene saga ali peeka naatɨ.”

39Leelo, ʉYeesu ahabhaamula huje, “Ɨshi, mugandi hunʼkhaane ʉmuntu nanshi ʉyo. Saga alɨɨho ʉmuntu wa‑abhomba amayele hwi‑ikhone lyanɨ, nantele pitagaalila nka‑ayandaje hunjanje shibhiibhi anɨ. 40Ʉmuntu wowonti wa saga ahutikhaana, ʉyo ali peeka naatɨ. 41Ʉmuntu wowonti wa‑ahubhapeela nkamba mɨnzɨ aga‑amwele hu nongwa ya huje, amwɨ muli bhantu bha Mʼfyʉli, lyoli ɨhubhabhʉʉzya huje, ahayambɨɨlɨla ɨmpeesya yaakwe.”

Ɨnsundo ɨzyɨ njelo

(Mataayo 18:6-9; Luuka 17:1-2)

42“Ʉmuntu wowonti ʉla ya‑ahayihumʼmwalanganya ʉwamwabho ʉmo mwɨ‑ɨbha bha bhanɨtɨɨshe anɨ huje abhombe ɨmbiibhi, amayɨmba gaakwe gahayibha magoosi haani. Hwashi akʉngwe ʉlwala mu nsingo na hunʼdumbushizye mu nsʉmbi. 43Nkashele ʉnʼkhono gwaho guhuhwalanganya abhombe ɨmbiibhi, ʉgudumule. Hwashi ʉtʉʉshe nɨ shilema ɨshɨ nyoobhe yeeka hu wʉʉmi ʉwa wiila na wiila, ashile huje ʉbhale nɨ nyoobhe zibhɨɨlɨ hu mwoto gwa saga guzima nka lumo. 44Hwʉhwo ɨmvinyo ɨzyʉ‑ʉhwo saga zifwa, gwope ʉmwoto gwakwe saga guzima nka lumo.#9:44 Amazwi agɨ lwoli ʉlwu saga galɨɨho mu nsimbo zimo ɨzyɨ mandɨ ɨzyɨ Shiyunaani. 45Nkashele ɨshinama shaaho shihuhwalanganya abhombe ɨmbiibhi, ʉshidumule. Hwashi ʉtʉʉshe nɨ shilema ɨshɨ shinama sheeka hu wʉʉmi ʉwa wiila na wiila, ashile huje ʉbhe na manama gabhɨɨlɨ na‑ataagwe hu mwoto gwa saga guzima nka lumo. 46Hwʉhwo ɨmvinyo ɨzyʉ‑ʉhwo saga zifwa, gwope ʉmwoto gwakwe saga guzima nka lumo.#9:46 Amazwi agɨ lwoli ʉlwu saga galɨɨho mu nsimbo zimo ɨzyɨ mandɨ ɨzyɨ Shiyunaani. 47Nkashele iliiso lyaho lihuhwalanganya abhombe ɨmbiibhi, ʉlifyonkole. Hwashi ʉtʉʉshe nɨ shilema ɨshi‑iliiso lyeka hu wumwɨnɨ ʉwa Ngʉlʉbhɨ, ashile huje ʉbhe na maaso gabhɨɨlɨ na‑ataagwe hu mwoto gwa saga guzima nka lumo. 48Hwʉhwo ɨmvinyo ɨzyʉ‑ʉhwo saga zifwa, gwope ʉmwoto gwakwe saga guzima nka lumo. 49ɄNgʉlʉbhɨ ahayihunʼshizya ʉmuntu wonti mu mayɨmba ga galɨngɨɨne nanshi ʉmwoto,#9:49 Ʉmwoto shifwani shɨ mayɨmba ga gahayihubhaaga aBhakilisiti na‑akhamantanye ʉlwɨtɨho lwabho. nanshi abhantu sha bhapahazya ibheeya#9:49 ibheeya Ɨnyama yahapahwaga ibheeya huje, bhayisangalusye nka bhayilʉngʉlɨzyaje. mu nyama sha bhasɨɨle alʉngʉlɨzye.#Bhaazya ɨMbombo ɨzya Bhalaawi 2:13; Ezekiyeeli 43:24.   #9:49 ɄNgʉlʉbhɨ ahayihunʼshizya ʉmuntu wonti mu mayɨmba ga galɨngɨɨne nanshi ʉmwoto, nanshi abhantu sha bhapahazya ibheeya mu nyama sha bhasɨɨle alʉngʉlɨzye Mu njango ɨyɨ Shiyunaani ɨsimbwilwe huje, Ʉmuntu wonti ahayilʉngwa ibheeya nʉ mwoto. 50Ibheeya linza, leelo nkashele linanjiishe ʉwinza waakwe, mugalʉnga hantu heenu huje, likhole nantele? Namwɨ mubhanje nanshi ibheeya lya likhola, mubhanje nʉ lwʉmvwano mwɨmwɨ hu mwɨmwɨ.”

Currently Selected:

Maalʉko 9: SBK

Highlight

Copy