ƗMbombo ɨzya Bhasontwa Ʉtagaalizyo
Ʉtagaalizyo
Ɨshitaabu ɨshi shahasimbwilwe nʉ Luuka. Ʉyo ya yʉʉyo ya‑ahasimbile hwope nɨ shitaabu ɨshɨ Nongwa ɨNyinza ɨzya Yeesu ʉKilisiti nanshi sha zyahasimbwilwe nʉ Luuka. Mu shitaabu ɨshi amama huje, ʉYeesu lwa wanyeetulwa abhale hu mwanya, abhasontwa bhaakwe bhahanda alʉmbɨɨlɨle ɨNongwa ɨNyinza hwa Bhayahuudi abha mu nsi yaabho. ɄLuuka ayanga nanshi abhasundwe bhonti sha bhahamʼmwambɨlɨɨye ʉMʼpepo ʉMʼfinjile hu wandilo, nantele nanshi ʉMʼpepo ʉyo sha‑ahajendelɨɨye hubhalongozye na hubhakhamantanye abheene peeka na bhalongozi bhaabho, mu mbombo yaabho ɨya‑alʉmbɨɨlɨle ɨNongwa ɨNyinza ɨzya Yeesu.
Mu lyango ʉgwa 1-12, ʉLuuka amama ɨgo ʉnʼsontwa ʉPeeteli ahabhombile, nɨ‑ɨgo gahafumiiye hwa bhooziwa abha hu Yelusaleemu. Nantele amama nanshi ɨsho ʉMʼpepo ʉMʼfinjile ahabhavwizye tee amanye huje, ʉNgʉlʉbhɨ ahwanza ɨNongwa ɨNyinza ɨzya Yeesu zilʉmbɨɨlɨlwe hwa bhantu abhɨ nsi zyonti. Ɨnongwa ɨzyo saga zya Bhayahuudi bheene. Mu lyango ʉgwa 13-28, ʉLuuka ayanga nanshi ɨsho ʉMʼpepo ʉMʼfinjile ahanʼnongoziizye ʉnʼsontwa ʉPaulo abhale hubhalʉmbɨɨlɨle ɨNongwa ɨNyinza ɨzya Yeesu mu mbali ɨnyinji ɨzyɨ mukowa ʉgwɨ Aasiya na hu Wulaaya, na‑amalɨɨzɨzye mwi‑ibooma ɨlyɨ Luumi. Mu shitaabu ɨshi ahasimbile ɨnongwa zimo ɨzyo ʉnʼsontwa ʉPaulo ahalʉmbɨlɨɨye. Ɨgo gahutaavwa atɨ amanye nanshi ɨsho bhahalʉmbɨlɨɨye ɨNongwa ɨNyinza ɨzya Yeesu hwa bhantu abhɨ waaji nʉ waaji, na‑amanye ɨgo bhahakhomɨɨne nago lwa bhahali bhalʉmbɨɨlɨla.
Ɨmbaatiho ɨzyɨ shitaabu ɨshi
1:1-5:42 Ʉwandilo ʉwɨ shibhanza sha Ngʉlʉbhɨ
6:1-9:31 Amayɨmba aga bhooziwa lwa bhalʉmbɨɨlɨla ɨNongwa ɨNyinza ɨzya Yeesu
9:32-12:25 Ɨmbombo ɨzya Peeteli
13:1-14:28 Ɨnshʉʉla ya Paulo ɨya hwande abhale alʉmbɨɨlɨle
15:1-35 Ʉlubhʉngaano ʉlwa hu Yelusaleemu
15:36-18:22 Ɨnshʉʉla ya Paulo ɨya bhɨɨlɨ abhale alʉmbɨɨlɨle
18:23-21:17 Ɨnshʉʉla ya Paulo ɨya taatu abhale alʉmbɨɨlɨle
21:18-28:31 Akhatwe hwa Paulo nɨ nshʉʉla ɨya‑abhale mu Luumi
Currently Selected:
ƗMbombo ɨzya Bhasontwa Ʉtagaalizyo: SBK
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.