Lukas 9

Jesus manda si dozi disipulu

(Mat 10.5-15; Mar 6.7-13)

1I junta si dozi disipulu, i da elis puder ku otridadi riba di tudu dimonius, tambi pa kura duensas. 2I manda#Kap 10.1-11 elis pa e bai konta di renu di Deus, pa kura duentis tambi. 3I fala elis: “Ka bo leba nada#Kap 22.35 na bias; ka bo pega nin po na mon, nin saku, nin kusa di kume, nin diñeru, nin ka bo leba dus kapa. 4Na kasa ku bo risibidu nel, bo fika la te dia ku bo na sai na ki tabanka, 5ma na prasa ke ka risibi bos, ora ku bo na sai, bo konkoñi puera di bo pe pa i sedu sinal kontra elis.”

6Disipulus bai, e yanda na tudu tabankas, e konta Bon Noba, e kura jinti na tudu lugar.

Erodis ku Jon Batista

(Mat 14.1-12; Mar 6.14-29; Luk 3.19-20)

7Rei Erodis obi tudu ku na pasa, i fika tarpajadu, pabia utrus na fala kuma Jon lanta di mortu. 8Utrus fala kuma i Elias ku parsi, utrus tambi kuma i un di antigu anunsiaduris ku lanta di mortu. 9Erodis fala: “Ami N manda korta kabesa di Jon. Nta es i kin ku N obi e na fala e kusas del?” I na buskaba#Kap 23.8 ojal.

Jesus da 5.000 omi di kume

(Mat 14.13-21; Mar 6.30-44; Jon 6.1-14)

10Oca ku apostolus riba, e kontal tudu ke fasi. I leba elis juntu ku el, e sai pa un lugar dingidu fora di prasa di Betsaida, 11ma multidon bin sibi, e bai si tras. Jesus risibi elis, i konta elis di renu di Deus, i kura tambi kilis ku pirsisaba di kura.

12Oca ku sol na bai kai, si dozi disipulu bai pertu del, e falal: “Dispidi e multidon di jinti, pa e pudi bai pa kasas ku tabankas pertu pa e bai gasija, nos e ta oja di kume, pabia ali no sta na un lugar dingidu.”

13I fala elis: “Abos bo da elis di kume.” E ruspundi e fala: “No ka tene nada, son sinku pon ku dus pis. Son si no bai kumpra#Num 11.13,22 kusa di kume pa tudu e jinti li.” 14(Elis e seduba kuas sinku mil omi.) I fala si disipulus: “Bo pui elis pa e sinta, grupu grupu di sinkuenta.”

15Asin ke fasi; e pui elis tudu e sinta. 16Jesus toma ki sinku pon ku dus pis, i yalsa uju pa seu, i fala Deus obrigadu, i kebra elis, i ntrega si disipulus pa e pui dianti di ki jinti. 17Tudu kume, e farta. Inda e junta dozi kufu di padas ku sobra.

Pedru diklara kin ki Jesus

(Mat 16.13-23; Mar 8.27-33; Jon 6.66-69)

18Un dia ku Jesus na ora, el son, si disipulus staba la. I punta elis: “Kin ku pobu ta fala kuma N sedu?”

19E ruspundil e fala: “Utru jinti ta fala abo i Jon#Kap 9.7-8 Batista, utrus Elias, utrus ta fala inda kuma, i un di anunsiaduris antigu ku lanta di mortu.”

20I punta elis: “Ma abos, kin ku bo fala kuma N sedu?” Pedru ruspundi i falal: “Mesias di Deus.”

Jesus fala di si sufrimentu ku mortu

(Mat 16.20-28; Mar 8.34–9.1)

21I da elis ordi pa ka e konta ningin nada de kusas. 22I fala elis: “I pirsis pa Fiju di omi sufri manga di kusa, pa i negadu pa jinti garandi, ku ŝefis di saserdoti, ku pursoris di lei; pa i matadu; na terseru dia pa i lanta di mortu.”

23Dipus i fala elis tudu: “Si algin misti bin ku mi, i ten ku nega#Kap 14.27; Mat 10.38-39 si kabesa. Kada dia i ten ku lambu si krus, i sigin. 24Kin ku misti salba si vida i na pirdil, ma kin ku pirdi si vida pa amor di mi, i na salbal. 25Kal purbitu ku algin ta ten si i ngaña mundu ntidu, ma i pirdi si kabesa propi? 26Si algin ten borgoña#Mat 10.33; 2 Tim 2.12 di mi ku di ña palabra, Fiju di omi na sinti borgoña del ora ki bin na si gloria, ku di si Pape, ku santu anjus. 27Na bardadi N na konta bos, utru di bos ku sta li ka na muri tok e oja renu di Deus.”

Jesus torkia parsensa di si gloria

(Mat 17.1-13; Mar 9.2-13)

28Pertu di un semana dipus di fala e palabras, i toma Pedru, Jon ku Tiagu, i subi ku elis na monti pa bai ora. 29Oca i na ora, parsensa di si rostu torkia, si ropa bida branku fandan, i na lampra. 30I staba dus omi ku na papia ku el, ku sedu Moisés ku Elias. 31E bin ku gloria, e na papia di si mortu ku tenba ku sedu na Jerusalen, suma ki markadu. 32Pedru ku ki utrus ku staba ku el, se uju pisadu#Mat 26.40 ku sonu. Oca ke korda, e oja si gloria ku ki dus omi ku staba ku el. 33Oca ku ki omis na afasta del pa bai, Pedru fala Jesus: “Mestre, i bon pa no sta li. No ta kumpu tris baraka, un pa bo, utru pa Moisés, utru pa Elias.” (Ma i ka sibiba ke ki na fala.)

34Suma ki na papiaba inda, nuven bin kubri elis ku si sombra. E panta oca e na yentra na nuven. 35Un vos sai na nuven#Mat 3.17; 2 Ped 1.17-18 ku fala: “Es i ña Fiju ku N kuji. Bo sukutal.” 36Oca ku ki vos kaba papia, e oja Jesus el son. E kala; na ki dias e ka konta ningin nada di kil ke oja.

Kura di rapas ku tene spiritu mau

(Mat 17.14-23; Mar 9.14-32)

37Oca sol mansi, e ria na monti; garandi multidon bin kontra ku Jesus. 38Un omi na metadi di ki jinti grita, i fala: “Mestre, N pidiu, jubi pa ña fiju, pabia i el son ku N tene. 39Un spiritu ta toma konta del; di repenti i ta grita, i ta fika i na sakudil tok sukuma ta sai na boka; i ta molostal; kuas i ka ta misti largal. 40N pidi bu disipulus pa e tiral, ma e ka pudi.”

41Jesus ruspundi i fala: “Abos i jinti mau ku ka ten fe! Te kal tempu ku N ten ku fika ku bos, pa N sufri bos? Tisin bu fiju li.” 42Oca ki na pertu, dimoniu batil, i sakudil. Jesus raprindi spiritu mau, i kura rapas, i ntregal pa si pape. 43Tudu elis e fika spantadu ku garandesa di Deus.

Nkuantu tudu jinti na dimira di tudu kusa ku Jesus fasi, el i fala si disipulus: 44“Bo pui e palabra na bo sintidu. Fiju di omi na ntregadu na mon di jinti.” 45Disipulus ka ntindi#Kap 2.50 ki palabra, pabia i sukuru pa elis; e ka pudi paña pe del. E tenba medu di puntal si sintidu.

Kin ku na sedu ŝef?

(Mat 18.1-6; Mar 9.33-37)

46Disipulus bin lanta ku purfia na se metadi aserka di kin ku na sedu ŝef. 47Jesus ntindi ke ke na kuda, i toma un mininu, i pul lungu del, 48i fala elis: “Kin ku risibi#Mat 10.40; Jon 12.44-45; 13.20 e mininu na ña nomi, i ami ki risibi. Kin ku risibin, i risibi kil ku mandan. Asin, kil ki mas pikininu#Mat 23.11-12 na bo metadi, i el ki garandi.”

Kin ku ka sta kontra nos i sta ku nos

(Mar 9.38-40)

49Jon falal: “Mestre, no oja un omi ku na tira dimonius na jinti na bu nomi. No falal pa ka i fasil#Num 11.28; 1 Kor 12.3 suma i ka di no grupu.” 50Jesus fala elis: “Ka bo tujil, pabia kin ku ka sta kontra#Kap 11.23 bos i sta ku bos.”

Jinti di Samaria nega risibi Jesus

51Suma i pertuba ja lebadu#Kap 24.51 pa seu, i pui tudu sintidu kuma i ten ku bai Jerusalen. 52I manda utrus pa e bai dianti. E bai, e yentra na un tabanka di Samaria#Kap 10.33; 17.16-18; 2 Re 17.24,32,41; Jon 4.5-30,39-42; At 1.8; 8.1,5-25 pa purparal un kau di diskansu, 53ma jinti di tabanka ka risibil, suma e oja kuma i na bai pa Jerusalen. 54Si disipulus Tiagu ku Jon e oja manera di ki jinti, e puntal: “Siñor, bu misti pa no coma fugu di seu pa i ria pa kaba ku elis, suma ku Elias#2 Re 1.10-12 fasi tambi?”

55Jesus rabida i raprindi elis, [i fala: “Abos bo ka sibi di kal koldadi spiritu ku bo sedu, 56pabia Fiju di omi ka bin pa kaba ku vida di jinti, ma pa salba#Jon 3.17; 12.47 elis.”] Asin e bai pa utru tabanka.

Kansera pa sigi Jesus

(Mat 8.19-22)

57Oca e na bai na kamiñu, un omi falal: “Siñor, pa nunde ku bu na bai N na bai ku bo.” 58Jesus falal: “Timbas tene se koba, kacus di seu tene se niñu, ma Fiju di omi ka tene kau di ngosta kabesa.”

59I fala utru omi: “Bin no bai.” Kila falal: “Siñor, disan pa N bai ntera ña pape purmeru.” 60Jesus falal: “Disa mortus ntera se mortus, ma abo, bai konta di renu di Deus.”

61Utru omi falal: “Siñor, ami N na bai ku bo, ma disan purmeru N bai dispidi#1 Re 19.20 jinti di ña kasa.” 62Jesus falal: “Algin ku pega radi, i fika i na jubi#Fil 3.13; Tia 1.8 tras, i ka bali pa sirbi na renu di Deus.”

Currently Selected:

Lukas 9: povB

Highlight

Copy