Lukas 21

Oferta di viuva

(Mar 12.41-44)

1Jesus na jubi, i oja rikus na pui diñeru na kaŝa di oferta di kasa di Deus. 2I oja tambi un viuva koitadi bota na kaŝa si dus mueda pikininu. 3Jesus fala: “N na konta bos bardadi kuma, e koitadi#1 Re 17.11-16; Dit 11.24; 2 Kor 8.1-5,12 viuva i da mas di ki tudu utru jinti, 4pabia elis tudu e da oferta pa Deus di kil ke sobra, ma es, na si koitadesa, i da tudu ki teneba pa si sustentu.”

Sinal di fin de tempu

(Mat 24.1-14; Mar 13.1-13)

5Utru jinti na falaba di manera ku kasa di Deus fajadu ku pedras bonitu, ku utru ofertas ku dadu pa Deus. Jesus fala elis: 6“E kusas ku bo na oja li, i na ciga dias ki ka na disadu nin un pedra#Kap 19.44 riba di utru, ku ka na batidu.”

7E puntal: “Mestre, kal tempu ku e kusas na bin sedu? Kal sinal ku na mostra kuma i sta ja pertu pa kontisi?”

8I fala elis: “Bo toma sintidu pa ka bo#Ef 5.6; 2 Tes 2.3 nganadu, pabia manga delis na bin na ña nomi, e na fala: ‘Ami i Kristu;’ e na fala tambi: ‘Tempu pertu.’ Ka bo bai se tras. 9Ora ku bo obi kuma gera ten, jinti na lanta kontra gubernus, ka bo medi. E kusas ten ku kontisi purmeru, ma i ka kuma fin ciga ja.” 10Dipus i fala elis: “Nason na lanta kontra utru nason, renu kontra utru renu. 11Na manga di lugar con na tirmi ku forsa, fomi na ten, duensa na laga. I na ten tambi kusas meduñu ku na bin ojadu, ku garandi sinalis na seu.

12“Ma antis de kusas tudu sedu, e na prindi bos, e na pirsigi#At 4.3; 5.18; 12.1-4; 16.22-24; Apok 2.10 bos, e na ntrega bos na kasas di juntamentu pa bo julgadu; bo na pudu na kalabus. E na leba bos dianti di reis#At 25.23 ku gubernaduris pabia di ña nomi. 13E kusas na kontisi pa bo sedu#Fil 1.28; 2 Tes 1.5 ña tustumuñas. 14Bo pui sintidu pa ka bo jumna bo kuda#Kap 12.11-12; Mat 10.19-20 ku ke ku bo na ruspundi, 15pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra. 16Te bo papes, bo ermons, bo parentis#Mik 7.6; At 7.59-60; 12.2 ku amigus e na falsia bos. Utru di bos na matadu. 17Tudu jinti na nfastia#Mat 10.22 bos pabia di ña nomi, 18ma nin un fiu di kabelu#Mat 10.30 di bo kabesa ka na pirdi. 19Bo fika firmi, bo na sedu salbu.

Garandi Sufrimentu

(Mat 24.15-28; Mar 13.14-23)

20“Ora ku bo oja tropas da Jerusalen volta, bo ta sibi kuma ora ciga pa prasa danadu. 21Na ki ora, kilis ku sta na Judeia pa e kuri pa montis. Kilis ku sta na prasa pa e sai. Kilis ku sta na matu, pa ka e yentra na prasa. 22Ki dia i dia di kastigu; tudu kusas#Zak 14.1-2 ku sta skritu ten ku kontisi. 23Koitadi di preñadas, ku kilis ku na mamanta na ki dias, pabia i na ten garandi kansera na tera; raiba na kai riba de pobu. 24E na matadu ku spada, e na lebadu prezu pa tudu nasons. Jintius na masa Jerusalen te ora#Dan 9.26-27; Rom 11.25 ku se tempu kompleta.

Fiju di omi na bin

(Mat 24.29-31; Mar 13.24-27)

25“I na ten sinal na sol, na lua ku strelas. Na tera nasons na fika forontadu; e ka na sibi ke ke na fasi pabia di baruju di maron na mar. 26Omis na dismaja ku medu, e na kuda na kusas ku na bin riba di mundu. Puderis#2 Ped 3.10-12 ku sta na seu na bulbulidu. 27Na ki ora e na oja Fiju di omi#Dan 7.13; Apok 1.7; 14.14 na bin na un nuven, ku puder, ku garandi gloria. 28Ora ke kusas kumsa kontisi, bo sikidu, bo yalsa kabesa, pabia bo libramentu pertu.”

Lison di figera

(Mat 24.32-35; Mar 13.28-31)

29Dipus i da elis e komparason: “Bo oja figera ku tudu utru pe. 30Ora ke na nasi foja, si bo ojal, bo ta sibi kuma cuba pertu. 31Asin tambi abos, si bo oja e kusas na kontisi, bo ta sibi kuma renu di Deus pertu.

32“N na konta bos bardadi, jinti ku sta bibu gosi e ka na kaba muri antis di tudu e kusas kontisi. 33Seu ku tera na pasa, ma ña palabra ka na pasa.

I pirsis bisia

(Mat 24.42-44; Mar 13.32-37)

34“Bo toma sintidu; ka bo diskuda#Rom 13.13; 1 Tes 5.6; 1 Ped 4.7; Apok 3.3; 16.15 son na wukesa, ku bibidera, ku kudadi de mundu, pa ka ki dia bin paña bos di repenti 35suma armadilia, pabia i na bin riba di tudu kilis ku sta na tudu parti di mundu. 36Bo bisia, bo ora#Kap 12.40; 18.1; Mat 25.13; Rom 12.12; 1 Tes 5.17 sempri, pa bo pudi kapli tudu e kusas ku na bin kontisi, pa bo firma#Ef 6.13; Apok 7.9 dianti di Fiju di omi.”

37Jesus ta pasaba dia na nsina jinti na kasa di Deus. Di noti i ta sai, i bai fika na monti di Olivera. 38Parmaña sedu tudu jinti ta bai kasa di Deus pa obi si palabra.

Currently Selected:

Lukas 21: povB

Highlight

Copy