Lukas 18

Komparason di viuva ku juis

1Dipus, Jesus da elis un komparason pa mostra elis kuma e dibi di ora#Kol 4.2; 1 Tes 5.17 sempri, sin disanima. 2I fala: “I tenba na un prasa un juis ku ka medi Deus, i ka mporta ku ningin. 3Na ki mesmu prasa i staba tambi un viuva ku ta baiba sempri nunde juis, i ta falal: ‘Fasin justisa kontra ña inimigu.’ 4Manga di dia omi ka kudil, ma dipus, i fala na si sintidu: ‘Nin ku N ka medi Deus, nin N ka mporta ku ningin, 5ma suma ku e viuva na ŝatian kada dia, N na fasil justisa, pa ka i torna riba pa#Kap 11.8 kansan.’ ”

6Siñor punta elis: “Bo obi ke ku ki juis mau fala? 7Nta Deus tambi ka na fasi justisa pa kilis ki kuji, ku na comal#Apok 6.10 di dia ku di noti? O i na tarda pa kudi elis? 8N fala bos kuma i na fasi elis justisa dipresa. Ma ora#Eb 10.37; 2 Ped 3.8-9 ku Fiju di omi bin, i na oja fe na tera me?”

Komparason di fariseu ku kobradur di mpustu

9Jesus da tambi e komparason pa kilis ku fiaba na se kabesa, e oja kuma elis i#Kap 16.15; 2 Kor 10.12 justu; e njuti utru jinti; 10i fala: “Dus omi bai na kasa di Deus pa ora. Un i fariseu, utru i kobradur di mpustu. 11Fariseu firma na un kau, i na oraba ku si kabesa de manera: ‘O Deus, N ta falau obrigadu, pabia N ka sedu#Apok 3.17 suma utru jinti, ku ta furta, ku ta fasi mal, ku ta kiri minjeris di jinti; nin N ka sedu suma e kobradur di mpustu. 12N ta junjuŋa dus bias na semana; N ta dau desimu parti di tudu ku N ta risibi.’

13“Ma kobradur sikidu lunju; nin i ka misti yalsa uju pa seu. I na bati na pitu, i na fala: ‘O Deus, ami N ta yarau; ten pena di mi!’

14“N na fala bos kuma e kobradur i bai pa si kasa limpu di si pekadu, ma ki utru nau, pabia kil ku yalsa#Kap 14.11; Mat 23.12 si kabesa i ta baŝadu; kil ku baŝa si kabesa i ta yalsadu.”

Jesus ku mininus

(Mat 19.13-15; Mar 10.13-16)

15Utru jinti tambi leba mininus pa Jesus pa i pui si mon riba delis. Si disipulus oja ki kusa, e jusia ku ki jinti, 16ma Jesus coma mininus pa el, i fala: “Bo disa mininus#1 Kor 14.20; 1 Ped 2.2 bin pa mi. Ka bo tuji elis, pabia Deus ta rena riba di jinti suma elis. 17N na konta bos bardadi kuma, kil ku ka seta renu di Deus suma mininu, nunka i ka na yentra nel.”

Un riku ku na buska vida ku ka ta kaba

(Mat 19.16-30; Mar 10.17-31)

18Un regulu papia ku Jesus, i puntal: “Bon Mestre, ke ku N ten ku fasi pa N yarda vida ku ka ta kaba?” 19Jesus puntal: “Ke ku manda bu na coman bon? Ningin i ka bon, fora di un son ki Deus. 20Bu sibi#Sai 20.12-16; Rom 13.9; Ef 6.2; Kol 3.20 mandamentus: ‘Ka bu dita ku algin ku bu ka kasa ku el; ka bu mata, ka bu furta, ka bu lantanda falsu tustumuñu, rispita bu pape ku bu mame.’ ”

21I falal: “Disna di ocan rapas N guarda tudu e kusas.”

22Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa#Mat 6.19-21; 1 Tim 6.17-19 na seu. Dipus bu ta bin, bu sigin.” 23Oca ki obi es, i fika tristi dimas, pabia i teneba manga di rikesa. 24Jesus oja kuma i fika tristi, i fala: “I kansadu pa kilis ku tene rikesa#Dit 11.28; Tia 2.5 yentra na renu di Deus, 25pabia i mas lestu pa un kamelu pasa na koba di guja#18.25 Koba di guja pudi signifika porta pikininu di mura. te pa un riku seta pa Deus rena riba del.”

26Kilis ku obi e kombersa e puntal: “De manera li, kin ku pudi salba?” 27Jesus ruspundi i fala elis: “Kil ku omi ka pudi fasi, Deus pudi#Kap 1.37 fasil.”

28Pedru falal: “Ali no disa tudu pa no sigiu.” 29Jesus fala elis: “N na konta bos bardadi kuma, i ka ten ningin ku disa kasa,#Lei 33.9 papes, ermons, o minjer, o fijus, pabia di renu di Deus, 30ku ka na risibi manga di bias mas#Jo 42.10 di ki kila ne mundu li; na tempu ku na bin i na tene vida ku ka ta kaba.”

Jesus torna papia di si mortu

(Mat 20.17-19; Mar 10.32-34)

31Jesus coma si dozi disipulu aparti, i fala elis: “Bo oja, no na bai Jerusalen. Tudu ku anunsiaduris skirbi#Sal 22; Is 53 di Fiju di omi i na sedu. 32I na ntregadu#Kap 23.1; At 3.13 na mon di jintius; e na fasil trosa, e na kobal mal, e na kuspil. 33Ora ke kaba sutal, e na matal, ma na terseru dia i na torna lanta.”

34Disipulus ka ntindi#Kap 2.50 nada ki na fala elis. Sintidu de palabra i sukuru pa elis. E ka paña pe di ke ki misti fala elis.

Segu di Jerikó

(Mat 20.29-34; Mar 10.46-52)

35Oca Jesus pertu ciga Jerikó, i staba un segu sintadu lungu di kamiñu, i na pidi simola. 36I sinti manga di jinti na pasa, i punta kila i ke. 37E falal kuma i Jesus di Nazaré ku na pasa. 38I kumsa na grita, i fala: “Jesus, Fiju di Davi, ten pena di mi!”

39Kilis ku staba dianti e jusia ku el pa i kala, ma i grita mas risu: “Fiju di Davi, ten pena di mi!” 40Jesus para, i manda tisi omi. Oca ki ciga, Jesus puntal: 41“Ke ku bu misti pa N fasiu?” Segu falal: “Siñor, N misti oja.” 42Jesus falal: “Nta oja! Bu fe#Kap 17.19 kurau.”

43Ki ora i#Is 35.5 oja, i sigi Jesus, i na ngaba Deus. Tudu jinti oja kil ku sedu, e ngaba#Kap 5.26; At 4.21 Deus tambi.

Currently Selected:

Lukas 18: povB

Highlight

Copy