Jon Introduson
Introduson
Jon, un piskadur ku bin sedu ki disipulu ku Jesus ama, i skirbi e libru ocal beju, talves serka di anu 90 dipus di Kristu. Librus di Mateus, Markus ku Lukas ta mas parsi ku ŋutru, ma libru di Jon i diferenti. Na Kapitulu 6 i ta konta di manera ku Jesus rapati kumida pa manga di jinti (uniku milagri ku sta na tudu kuatru libru), ku manera ki yanda riba di mar. Tudu utru milagris ki skirbi aserka del e ka sta na utru librus. I foka mas na kil ku Jesus fala di ki na kil ki fasi. I ta danu nsinamentu mas fundu, i ta pursenta Jesus suma Pon ku ta da vida, Dunu di yagu ku ta da vida, Lus di mundu, bon Bakiadur, Pe di uva, Kamiñu, Bardadi, Resureison ku kil ku pudi fala: “Ami N sedu” (Sai 3.14; Jon 8.58). Jon kontanu na 20.31 kuma i skirbi e kusas pa no fia kuma Jesus i Mesias, Fiju di Deus, pa, ora ku no fia nel, no ta tene vida na si nomi.
Currently Selected:
Jon Introduson: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização