Kumsada 9
9
Kontratu ku Deus fasi ku Noe
1Deus bensua Noe ku si fijus, i fala elis: “Bo padi ciu, tok bo inci mundu. 2Tudu limarias di tera ku tudu kacus di seu, ku tudu limarias ku ta rasta na con, ku tudu pis na mar, e na fika ku garandi medu di bos. E ntregadu#Kap 1.26 na bo mon. 3Tudu limaria bibu ku ta bulbuli i na sedu pa bo kumida. Suma ku N da bos planta#Kap 1.29-30; Lei 14.3-21 verdi, gosi ja N na da bos tudu kusa.
4“Ma ka bo kume karni ku tene inda si vida#Sir 3.17; Lei 12.16,23-24 dentru, ku sedu si sangi. 5Tambi, sangi di vida di bos#Sai 21.28-29; Num 35.31-33 omis, si algin darmal, N na fasil justisa. N na fasi justisa ku tudu limaria ku tira vida di omi. Tambi N na fasi justisa ku tudu omi ku tira vida di si kumpañer omi.
6Kil ku darma#Sai 21.12-14; Sir 24.17; Num 35.16-21,31-34; Lei 19.11-13; 27.24 sangi di algin,
utru algin ten ku darma si sangi,
pabia Deus kumpu jinti,
i parsinti elis#Kap 1.26-27; 5.1; Tia 3.9 ku el Deus.
7Ma abos, bo padi manga di fiju, pa bo pudi ciu, bo inci mundu.”
8Deus fala Noe ku si fijus: 9“N na fasi ña kontratu#Kap 6.18; Is 54.9-10 ku bos, ku bo jorson dipus di bos, 10ku tudu limarias bibu ku sta ku bos — kacus, limarias di kasa ku di matu, tudu kilis ku sai na barku ku bos. 11N na fasi ña kontratu ku bos kuma, N ka na torna kaba#Kap 9.15-16; Kap 8.21; 2 Ped 3.6-7 ku tudu kriatura bibu ku yagu di diluviu. I ka na torna ten diluviu pa kaba ku mundu.”
12Deus fala mas: “Es i sinal di kontratu ku N pui na metadi di mi ku bos, ku tudu kriatura bibu ku sta ku bos, ku tudu jorsons ku na bin dipus di bos. 13N pui ña arku-iris#Ez 1.28; Apok 4.3; 10.1 na nuven suma sinal di kontratu na metadi di mi ku tera. 14Ora ku N tisi nuvens riba di tera, arku-iris ojadu na ki nuvens, 15N ta lembra di ña kontratu ku bos, ku tudu limarias bibu di tudu koldadi. Yagu ka na torna mas na diluviu pa kaba ku tudu kriatura bibu. 16Ora ku arku-iris parsi na nuven, N na ojal, N na lembra di kontratu ku ka na kaba na metadi di Deus ku tudu kriatura bibu di tudu koldadi ku sta na mundu.”
17Deus fala Noe: “Es i sinal di kontratu ku N fasi entri mi ku tudu ku tene vida na mundu.”
Noe ku si fijus
18Fijus di Noe ku sai na barku e seduba Sen, Kan ku Jafé. (Kan i seduba pape di Kanaan.) 19Ki tris fiju di Noe, se jorsons bin inci tera. 20Noe, ku seduba labradur di con, i paranta orta di pe di uva, 21i bibi biñu#Dit 20.1; Ef 5.18 di ki uva tok i cami, i dita nun na si tenda. 22Kan, ku sedu pape di Kanaan, oja manera ku si pape staba nun; i bai konta si dus ermon la fora. 23Asin Sen ku Jafé e toma panu, e pul na se ombra, e yanda ku tras, e kubri#Gal 6.1-2; 1 Ped 4.8 kurpu di se pape. Se rostu staba viradu na manera ke ka oja kurpu nun di se pape.
24Noe disperta di si biñu, i sibi ke ku si fiju pikininu fasil, 25i fala:
“Kanaan#Lei 27.16; Jos 9.23,27; 2 Kron 8.7-8 na maldisuadu!
I na sedu servu mas bas pa si ermons.”
26I fala tambi:
“SIÑOR Deus di Sen, pa i ngabadu!
Pa Kanaan sedu servu di Sen.
27Pa Deus buri terenu di Jafé;#9.27 Jafé parsi ku palabra ebraiku pa buri.
pa si jorson mora na tendas di Sen;
pa Kanaan sedu si servu.”
28Dipus di diluviu, Noe vivi trizentus i sinkuenta anu. 29Tudu vida di Noe i novsentus i sinkuenta anu. Dipus, i muri.
Currently Selected:
Kumsada 9: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
