Kumsada 8
8
Yagu baŝa
1Deus lembra di Noe ku tudu limarias ku staba ku el na barku. I fasi bentu pasa riba di tera; yagu kumsa na baŝa. 2Fontis fundu#Kap 7.11 para sai yagu. Janelas di seu fica; cuba di seu para cubi. 3Yagu fika i na baŝa puku puku tok i kaba baŝa tudu na fin di ki sentu i sinkuenta dia. 4Na dia 17 di setimu mis, barku sinta riba di montis comadu Arará.#2 Re 19.37; Jer 51.27 5Yagu kontinua na baŝa te na desimu mis; na purmeru dia di desimu mis montañas kumsa na ponta.
6Dipus di pasa korenta dia, Noe yabri janela di barku ki kumpu, 7i larga korvu, ku na bai, i na bin, tok yagu seku na tera. 8Dipus Noe larga mas un pumba, pa i bai jubi si kontra yagu seku. 9Pumba ka oja kau di sinta, pabia i tenba yagu na tudu parti di tera; i riba pa Noe na barku. Noe distindi mon, i tomal, i mitil na barku. 10I pera seti dia pasa, i torna largal pa fora. 11Oca ku pumba riba pa el di tardi, i teneba na si boka un foja di olivera ki rinkaba. Noe sibi logu kuma yagu baŝa. 12I pera mas seti dia pasa, i torna larga pumba, ma e bias i ka riba pa el.
13Na purmeru dia di purmeru mis di anu 601 di Noe, yagu seku ja. Noe tira kubertura di barku, i jubi, i oja con seku. 14Na dia 27 di sugundu mis, con kaba seku.
Noe ku si familia sai na barku
15Deus fala Noe: 16“Sai na barku, abo ku bu minjer, ku bu fijus ku se minjeris. 17Tira fora tudu limarias bibu ku sta la ku bo, suma kacus, ku limarias, ku tudu kilis ku ta rasta, pa e pudi padi#Kap 1.22 ciu, e inci mundu.”
18Asin Noe sai ku si fijus, ku si minjer, ku minjeris di si fijus. 19Tudu limarias, kilis ku ta rasta na con, ku tudu kacus, ku tudu ku ta yanda na con, kada un suma si koldadi, e sai na barku.
20Noe kumpu altar pa SIÑOR. I toma utru di tudu koldadi limaria ku kacu ku ta roniadu#Kap 7.2 ku el, i da Deus pa oferta, i kema elis riba di altar. 21SIÑOR sinti ki ceru#Sir 1.9,13,17; Num 28.2; Ef 5.2; Fil 4.18 sabi, i fala na si korson: “Nunka mas N ka na maldisua tera pabia di omi, nin ku si korson#Sal 51.5; 58.3; Dit 20.9; Ekl 7.20; Jer 17.9 ta jingi sempri pa mal, disna di si mininesa. N ka na torna#Is 54.9-10 mata tudu kriatura bibu, suma ku N fasi.
22“Tementi mundu ka kaba,
tempu di sumia, ku tempu di kebra,
tempu di kalur ku tempu di friu,
tempu di cuba ku tempu di seku,
di dia ku di noti
nunka e ka na para.”
Currently Selected:
Kumsada 8: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
