Kumsada 37

José ku si ermons

1Jakó mora na tera nunde ku si pape moraba, ku sedu tera di Kanaan.

2Asin ki kontisi na vida di Jakó.

Oca José teneba disaseti anu, i ta bakiaba karnelis ku si ermons, fijus di Bila ku fijus di Zilpa, minjeris di si pape. José sempri i ta bin konta se pape mau kusas aserka delis.

3Israel amaba José mas di ki tudu si fijus, pabia i padil kontra i beju ba ja. I fasil un kamisoti bonitu ku manga#2 Sam 13.18 di kor. 4Oca si ermons oja kuma se pape amal mas di ki elis tudu, e disgosta del; e ka pudiba ja papia ku el ku pas.

5José suña un suñu ki konta si ermons; kila bin pui e mas disgosta del. 6I fala elis: “Bo sukuta e suñu ku N suña. 7No na maraba miju na lugar. Ña maradura lanta i firma; bo maraduras rodial, e mpina#Kap 42.6,9; 43.26; 44.14; 50.18 pa el.”

8Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

9I suña inda utru suñu, i konta si ermons, i fala: “Bo sibi ke? N suña inda utru kusa, ku sol, lua ku onzi strela e mpina tudu ña dianti.” 10Oca i konta si pape ku si ermons, si pape bin raprindil, i puntal: “Es i kal suñu ku bu suña? Nta ami ku bu mame ku bu ermons no na bin mpina tudu na con bu dianti?” 11Si ermons nveẑaba#Mat 27.18; At 7.9; 13.45; Gal 5.21; Titu 3.3 del, ma si pape rakada ki kusa na si korson.

Ermons di José bindil

12Si ermons bai bakia koral di se pape pertu di Siken. 13Israel fala José: “Bu sibi kuma bu ermons e sta pertu di Siken, e na bakia. Bin, N na mandau pa elis.” I ruspundil: “N sta pruntu.”

14Si pape falal: “Bai, bu jubi kuma ku bu ermons sta, tambi kuma ku koral sta; bu tisin rasposta.” Asin i mandal desdi kobon di Ebron.#Jos 14.13,15

José ciga na Siken. 15Manera ki na yanda-yanda na buska si ermons, un omi kontra ku el, i puntal: “Ke ku bu na buska?” 16I ruspundil: “N na buska ña ermons. Di fabur, kontan nunde ke na bakia.”

17Ki omi falal: “E sai ja li. N obi e na fala kuma e na bai pa Dotan.” Asin José yanda tras di si ermons, i oja elis na Dotan.#2 Re 6.13 18E ojal di lunju, antis di i ciga nunde elis; e monta planu#Mat 21.38; 27.1; At 23.12 pa matal. 19E fala ŋutru: “Bo jubi, ala suñadur garandi na bin! 20Bo bin no matal, no botal na un de kobas; no na fala kuma un limaria mau di matu kumel. No na oja ke ku na bin sedu di si suñus!”

21Oca Ruben#Kap 42.22 obi ki palabra, i tenta kaplintil na se mon, i fala: “Ka no tiral vida. 22Ka bo darma sangi! Bo botal son ne koba li na lala, ma ka bo bota mon nel.” Ruben fala asin pa pudi kaplintil na se mon, pa ribantal pa si pape.

23Oca José ciga nunde si ermons, e tiral ki kamisoti bonitu di manga di kor ki bistiba, 24e paña José, e botal na koba, pabia ki koba ka teneba nada; nin yagu ka staba la.

25Oca ke sinta pa kume, e yalsa kabesa, e oja un grupu di ismaelitas na bin di Jilead. Se kamelus na tisiba purfumus, bálsamu ku mira ke na lebaba pa Ejitu. 26Judá fala si ermons: “Es i kal purbitu#Sal 30.9; Mat 16.26 ku no na ten si no mata no ermon, no sukundi si mortu? 27Bo bin no bindil pa ki ismaelitas. No mon ka na botadu riba del, pabia es i sedu no ermon, ku tene no sangi propi.” Si ermons seta. 28Oca ku nogosiaduris midianita#Kap 25.2; Ŝef 6.1 pasa, e yalsa José na koba, e bindil#Kap 45.4-5; Sal 105.17; Zak 11.12-13; Mat 26.15; 27.3-10; At 7.9 pa vinti mueda di prata pa ismaelitas, ku bin leba José pa Ejitu.

29Ruben bin riba pa koba, i oja kuma José ka staba ja la. I rumpi#Kap 37.34; 44.13; Num 14.6; Jos 7.6; Ŝef 11.35; 2 Sam 1.11; 3.31; 13.19; 2 Re 22.11,19; 2 Kron 23.13; Esd 9.3,5; Est 4.1 si ropa, 30i bai pa si ermons, i fala elis: “Rapas ka sta la! Nunde ku N pudi bai gosi?”

31-32E toma ki kamisoti bonitu di José, di manga di kor, e mata un kabritu, e tinji ki ropa ku sangi, e mandal pa se pape, e falal: “No oja e ropa. Jubi diritu, bu rapara si i sedu di bu fiju o nau.”

33I raparal, i fala: “Es i kamisoti di ña fiju! Un limaria di matu kumel.#Kap 44.28 Sertamenti José bidantadu padas padas!” 34Jakó rumpi ropa#Kap 37.29 ki bistiba, i pui saku na kurpu, i miskiña si fiju pa manga di dia. 35Tudu si fijus macu ku femia lanta pa konsolal, ma i nega pa i konsoladu.#Jer 31.15 I fala: “Na bardadi, N ten ku cora ña fiju te dia ku N bai#Kap 44.29-31 pa el na kau di jinti ku muri.” Asin si pape cora pa José.

36Midianitas bindi José na Ejitu na mon di Potifar, kapiton di guarda, ofisial di Faraó.

Currently Selected:

Kumsada 37: povB

Highlight

Copy