Kumsada 35

Deus manda Jakó pa Betel

1Dipus, Deus fala Jakó: “Lanta, bu bai pa Betel,#Kap 28.12-22 bu mora la, bu kumpu altar pa Deus ku bin parsi pa bo oca bu na kuriba di bu ermon Esaú.”

2Jakó fala si familia ku tudu kilis ku staba ku el: “Bo tira deusis strañu#Kap 31.19,34; Jos 24.23; Ŝef 10.16; 1 Sam 7.3 ku sta na bo metadi. Bo purifika,#Sai 19.10,14; 1 Sam 16.5; Ne 12.30; Eb 10.22 bo torkia bo ropa. 3No na lanta, no bai pa Betel. La N na kumpu altar pa ki Deus ku kudin#Kap 32.7,24; Sal 50.15; 91.15; 107.6 na ki dia ku N foronta, kil ku staba ku mi#Kap 28.15 na tudu kamiñu ku N yanda.” 4Asin e ntrega Jakó tudu deusis strañu ke teneba, ku tudu brinkus di se orejas. Jakó ntera elis bas di karvaju#Jos 24.26 ku staba juntu di Siken. 5E bai. Medu di Deus kai riba di ki prasas na roda delis. Asin e ka kuri tras di fijus di Jakó.

6Jakó ku tudu jinti ku staba ku el e ciga na kau comadu Luz (ku sedu Betel) ku sta na tera di Kanaan. 7I kumpu altar, i coma nomi di ki lugar El Betel,#35.7 El Betel signifika Deus di Betel. pabia i la ku Deus parsilba kontra i na kuri di si ermon.

Mortu di Debora

8Debora, minjer ku kria#Kap 24.59 Rebeka, muri, i nteradu pertu di Betel, bas di un karvaju. Pabia di kila ki arvuri i comadu Alon-Bakut.#35.8 Alon-Bakut signifika karvaju di cur.

9Dipus di Jakó bin di Padan Aran, Deus torna parsi pa el, i bensual, 10i falal: “Bu nomi i Jakó, ma disna di gosi bu ka na comadu mas Jakó. Israel#Kap 32.28 na sedu bu nomi.” Asin i pul nomi di Israel.

11Deus falal mas: “Ami i Deus ku ten tudu puder. Bu na padi, tok bu jorson ciu. Bu na sedu pape di un nason,#Kap 12.2,7 ku manga di nason. Reis na sai na bu jorson. 12Tera ku N da Abraon ku Isak, N na dau el. Dipus di bo N na dal pa bu jorson.” 13Deus disal na ki kau nunde ki na papiaba ku el.

14Jakó firmanta un kuluna di pedra na ki kau nunde ku Deus papiaba ku el; i darma oferta di biñu riba del, tambi i darma azeiti. 15I coma nomi di ki kau nunde ku Deus papiaba ku el Betel.

Benjamin padidu, Rakel muri

16E sai di Betel pa pega kamiñu. Oca ke faltaba inda pa ciga Efrata, Rakel padi, ma i teneba manga di kansera na partu. 17Oca ki na kansaba dimas, partera falal: “Ka bu medi, pabia bu na bin tene mas e fiju.” 18Oca Rakel sta kuas pa muri, na si folgu di kabantada, i coma nomi di si fiju Benoni,#35.18 Benoni signifika fiju di ña kansera. ma si pape comal Benjamin.#35.18 Benjamin signifika fiju di ña mon direita.

19Asin Rakel muri, i nteradu na kamiñu di Efrata,#Kap 48.7; Rut 1.2; 4.11; 1 Sam 1.1; 17.12; Mik 5.2 ku sedu Belen. 20Jakó firmanta un pedra di lembransa riba di kau ki nteradu nel. Te aos ki pedra sta la pa sinala kau#1 Sam 10.2 ku Rakel nteradu nel.

21Israel bai pa dianti, i torna yarma si tenda dianti di Migdal Eder. 22Oca Israel na moraba na ki tera, Ruben bai i durmi#Kap 49.4; 1 Kron 5.1; 1 Kor 5.1 ku Bila, kumadri di si pape. Israel bin sibil.

Fijus di Jakó

(1 Kron 2.1-2)

Jakó teneba dozi fiju macu. 23Fijus di Leia e sedu Ruben (purmeru fiju di Jakó), dipus Simeon, Levi, Judá, Isakar ku Zebulon.

24Fijus di Rakel e sedu José ku Benjamin.

25Fijus di Bila, katibu di Rakel, e sedu Dan ku Naftali.

26Fijus di Zilpa, katibu di Leia, e sedu Gad ku Aser. Esis e sedu fijus di Jakó ku padidu na Padan Aran.

27Jakó bin pa si pape Isak na Manre, ku sta pertu di Kiriat-Arba, ku sedu#Jos 14.15 Ebron, nunde ku Abraon ku Isak moraba. 28Isak vivi tok i ciga na idadi di sentu i oitenta anu. 29I da si folgu di kabantada, i muri, i rukujidu pa si papes, oca ki kompleta si dias. Si fijus Esaú ku Jakó e nteral.

Currently Selected:

Kumsada 35: povB

Highlight

Copy