Kumsada 34

Dina disonradu

1Dina, fiju ku Leia padi ku Jakó, i sai pa bai jubi minjeris di ki tera. 2Siken, fiju di Amor, eveu, ku seduba ŝef di ki tera, i ojal, i tomal, i disonral. 3Na si korson i sinti amor forti pa Dina, fiju di Jakó; i amal, i papia ku el ku bon manera. 4Siken rabida pa si pape Amor, i falal: “Toman es pa i sedu ña minjer.”

5Oca ku Jakó obi kuma si fiju Dina disonraduba, si fijus staba na kampu ku si limarias. I kala tok e bin. 6Amor, pape di Siken, i bin pa Jakó pa papia ku el. 7Fijus di Jakó bin di matu, e obi kila, e fika tristi dimas, e paña raiba ciu, pabia Siken fasi un kusa fiu dimas na uju di Israel, suma ki dita ku fiju di Jakó, kusa ki ka dibi di fasi. 8Amor fala elis: “Ña fiju Siken i sta namoradu di bo fiju. N pidi bos, bo dal el pa i kasa. 9Asin bo pudi sedu parenti ku nos, bo ta da bo fijus femia pa nos, bo toma no fijus femia pa bos. 10Bo pudi mora na no metadi. Ali tera bo dianti. Bo ta mora, bo fasi bo nogos; utru terenu pudi sedu di bos propi.”

11Siken fala pape ku ermons di Dina: “N misti oja fabur bo dianti. N na da bos kil ku bo pidin. 12Bo pudi buri pres di kasamenti, bo pidi pursentis. N na da bos tudu kil ku bo misti. N misti son pa bo dan e bajuda pa ña minjer.”

13Manera ku se irma Dina disonraduba, fijus di Jakó ruspundi Siken ku si pape Amor ku nganu, 14e fala elis: “No ka pudi fasi un kusa suma es, pa no da no irma pa un omi ku ka sirkunsidadu,#Kap 17.11 pabia es i ta sedu un borgoña pa nos. 15No na seta son si bo bida suma nos; tudu macus na bo metadi pa e sirkunsidadu. 16Asin no na da bos no fijus femia, no na kasa ku bo fijus femia. No na mora ku bos, no na sedu un pobu, 17ma si bo ka seta sedu sirkunsidadu, no na toma no irma, no bai.”

18Ki palabra i parsiba bon pa Amor ku si fiju Siken. 19Asin ki joven, ku seduba mas rispitadu na tudu familia di si pape, i ka tarda na fasi kil ke pidiba, pabia i gostaba ciu di fiju di Jakó. 20Amor ku si fiju Siken e bai pa porton di prasa, e papia ku omis di ki prasa, e fala elis: 21“Ki omis e misti sedu no amigus. No disa elis e mora ne tera, e fasi nogos li. E kau tene manga di lugar pa elis. No pudi kasa se fijus femia; e pudi kasa di nos. 22Ma ki omis e na seta mora ku nos, pa no sedu un pobu, son si tudu macu na no metadi sirkunsidadu suma elis. 23Nta tudu se limarias ku kusas ke tene ka na sedu di nos? No seta es ke na fala; e na mora ku nos.”

24Tudu omis ku moraba na ki prasa seta palabra di Amor ku Siken. Asin tudu macu sirkunsidadu.

Falsiamentu di Simeon ku Levi

25Na terseru dia, kontra e staba ku dur forti, dus fiju di Jakó, Simeon ku Levi,#Kap 49.5-7 ku junta mame ku pape ku Dina, e toma kada kin si spada, e yentra na prasa, nin jinti ka spera, e mata tudu macu. 26E mata Amor ku si fiju Siken ku spada; e toma Dina na kasa di Siken, e bai. 27Dipus di ki matansa, ki utru fijus di Jakó e bin toma tudu kusa na prasa, pabia la ku se irma disonradu. 28E paña se karnelis, se bakas, se burus, ku tudu kil ku tenba na prasa ku na pontas, e tomal. 29E leba tudu kusa di balur. Minjeris ku mininus lebadu prezu. E tira tudu kil ku tenba na se kasas.

30Jakó rabida i fala Simeon ku Levi: “Bo tisin un garandi kansera. Bo pui jinti de tera, ku sedu kananeus ku perizeus, pa e kuda mal di mi,#34.30 pa e kuda mal di mi o, pa N cera mal se dianti, Sai 5.21 suma anos i un pobu puku na numeru. E na bin junta tudu kontra mi, e na kaba ku mi ku tudu ña familia.”

31E puntal: “Nta el i pudiba trata no irma suma minjer di mau vida?”

Currently Selected:

Kumsada 34: povB

Highlight

Copy