Kumsada 11
11
Kunfuson di linguas
1Jinti di tudu mundu teneba un lingua son, e ta papiaba di mesmu manera. 2Oca ku omis na bai pa ladu di saida di sol, e oja un kau ku ka tene montaña, na tera di Babilonia, e mora la.
3E fala ŋutru: “No kumpu tiẑolus, no kema elis diritu.” E usa tiẑolu na lugar di pedra, alkatron na lugar di kal. 4E fala ŋutru: “No kumpu un prasa garandi pa nos, ku kasa kumpridu ku na toka na seu. No ta ranja nomi#Sal 49.11 pa no ka pudi pajigadu pa tudu mundu.”
5SIÑOR disi pa jubi#Kap 18.21; Sal 33.13-14 prasa ku kasa kumpridu ku omis na kumpuba. 6SIÑOR fala: “E pobu i un son; e tene mesmu lingua. Jubi gora ke ke kumsa na fasi! Pa dianti, tudu ke misti fasi, e na pudi fasil. 7No disi, no kunfundi#Sal 55.9 elis lingua, pa ka e pudi ntindi ŋutru.”
8Asin SIÑOR pajiga elis di ki kau pa tudu mundu. E para kumpu ki prasa. 9E ku manda e pui ki kau nomi di Babel,#11.9 Babel parsi ku palabra kunfuson na ebraiku. pabia la ku SIÑOR kunfundi lingua di jinti di tudu tera. I di la ku SIÑOR pajiga elis pa tudu mundu.
Jorson di Sen
(1 Kron 1.24-27)
10Es i jorson di Sen. Dus anu dipus di diluviu, oca ku Sen teneba idadi di 100 anu, i padi Arfasad. 11Dipus di padi Arfasad, Sen vivi 500 anu, i padi fijus macu ku femia. 12Arfasad vivi 35 anu, i padi Salá. 13Dipus di padi Salá, i vivi 403 anu, i padi fijus macu ku femia.
14Salá vivi 30 anu, i padi Eber. 15Dipus di padi Eber, i vivi 403 anu; i padi fijus macu ku femia.
16Eber vivi 34 anu, i padi Peleg. 17Dipus di padi Peleg, i vivi 430 anu; i padi fijus macu ku femia.
18Peleg vivi 30 anu, i padi Reú. 19Dipus di padi Reú, i vivi 209 anu; i padi fijus macu ku femia.
20Reú vivi 32 anu, i padi Serug. 21Dipus di padi Serug, Reú vivi 207 anu; i padi fijus macu ku femia.
22Serug vivi 30 anu, i padi Naor. 23Dipus di padi Naor, Serug vivi 200 anu; i padi fijus macu ku femia.
24Naor vivi 29 anu, i padi Tera. 25Dipus di padi Tera, Naor vivi 119 anu, i padi fijus macu ku femia.
26Tera vivi 70 anu, i padi Abron, Naor ku Aran.
27Es i jorson di Tera. Tera padi Abron, Naor ku Aran. Aran padi Lo. 28Oca ku si pape Tera staba inda bibu, Aran muri na tera nunde ki padidu, comadu Ur na tera di Babilonia. 29Abron ku Naor e kasa. Nomi di minjer di Abron i comadu Sarai.#Kap 17.15; 20.12 Nomi di minjer di Naor i comadu Milka,#Kap 22.20; 24.15 ku seduba fiju femia di Aran, pape di Milka ku Iská. 30Sarai ka teneba fiju, pabia i seba.
31Tera toma si fiju Abron, si netu Lo ku sedu fiju di Aran, ku Sarai, minjer di si fiju Abron, i sai ku elis di Ur#Ne 9.7; At 7.4 di tera di Babilonia, pa bai pa tera di Kanaan. E bin te na Aran, e mora la.
32Tudu vida di Tera sedu 205 anu; i muri na Aran.
Currently Selected:
Kumsada 11: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
