Luka 22

Wɔbɔ Yesu ho pɔw bɔne

(Mateo 26.1-5; Marko 14.1-2)

1Na Apiti afahyɛ a wɔfrɛ no Twam no bɛnee. 2#Luka 20.19 Na asɔfo mpanyimfo ne Akyerɛwfo no hwehwɛe sɛnea wɔbɛyɛ na wɔakum Yesu efisɛ wosuro ɔman no.

3 # Yoh 13.2; 13.27 Na Satan kɔhyɛn Yuda a wɔfrɛ no Iskariot a ɔyɛ dumien no mu biako no mu. 4Na ɔne asɔfo mpanyin ne asafohene no kɔkasae kyerɛe sɛnea ɔbɛyɛ na wayi no ama wɔn. 5Na ɛyɛɛ wɔn anigye, na wɔne no hyehyɛe sɛ wɔbɛma no sika bi. 6Na ɔpenee; na ɔhwehwɛe sɛnea obenya kwan ayi no ama wɔn wɔ nkurɔfokuw no akyi.

Twam no siesie

(Mateo 26.17-29; Marko 14.12-25)

7 # Eks 12.18-20 Na afei Apiti da a ɛsɛ sɛ wokum Twam guan no dui. 8Na ɔsomaa Petro ne Yohane sɛ: Monkɔ nkosiesie Twam no mma yɛn, na yemmedi. 9Na wobisaa no sɛ: Ɛhe na wopɛ sɛ yekosiesie? 10Na osee wɔn sɛ: Hwɛ, mudu kurow no mu a, onipa bi a ɔso ahina a nsu wɔ mu behyia mo; munni n’akyi nkɔ ofi a ɔbɛkɔ mu no mu. 11Na munse ofiwura no sɛ: Kyerɛkyerɛfo se wo sɛ: Ɛhe na ahɔhodan a me ne m’asuafo bedi mu Twam no wɔ? 12Na ɔbɛkyerɛ mo abansoro asa kɛse bi a wɔahyehyɛ mu; ɛhɔ na munkosiesie! 13#Luka 19.32 Na wɔkɔ kohui sɛnea ɔka kyerɛɛ wɔn no, na wosiesiee Twam no.

Adidi a edi akyiri

14Na dɔn no dui no, ɔbɛtenaa ase, na asomafo no ka ne ho. 15Na ɔka kyerɛɛ wɔn sɛ: Ɔpɛ na mepɛe sɛ me ne mo di Twam yi ansa na mahu amane. 16#Luka 13.29 Na mise mo sɛ, merenni bi bio, gye da a ɛbɛba mu Onyankopɔn ahenni mu. 17Na ɔfaa kuruwa no daa ase, na ɔkae sɛ: Munnye eyi, na monkyɛ mu! 18Na mise mo sɛ, merennom bobe aba no bi bio, gye da a Onyankopɔn ahenni no bɛba.

Adidi kronkron no asehyɛ

19 # 1 Ko 11.23-25 Na ɔfaa abodoo daa ase bubui, na ɔde maa wɔn kae sɛ: Eyi ne me honam a mo nti wɔde rema; monyɛ eyi mfa nyɛ me nkae. 20Saa ara nso na wowiee adidi no, ɔfaa kuruwa no kae sɛ: Kuruwa yi ne apam foforo me mogya mu, ɛno na mo nti wɔrehwie agu. 21#Yoh 13.21-22 Nso hwɛ, nea ɔreyi me ama no ne me te pon ho didi. 22Na Onipa Ba no rekɔ sɛnea wɔahyɛ no de, nanso onipa a obeyi no ama no nnue! 23Na wofii ase bisabisae wɔ wɔn mu sɛ, hena ara na ɔrebɛyɛ saa ade yi.

Yesu kasa tia ahomaso

(Mateo 20.25-27; Marko 10.42-44)

24 # Luka 9.46 Na akasakasa bi nso baa wɔn mu sɛ, wɔn mu hena na wobebu no kɛse. 25Na osee wɔn sɛ: Wiase amanaman ahemfo di wɔn so ahensɛm, na wɔn a wodi wɔn so tumi no, wɔfrɛ wɔn adɛɛfo. 26Na mo de, monnyɛ sa, na mmom nea ɔyɛ mo mu kɛse no, ɔnyɛ sɛ akumaa; na nea ɔyɛ otitiriw no nyɛ sɛ nea ɔsom. 27#Yoh 13.4-14 Na hena na ɔso, nea ɔte aduan ho anaasɛ nea ɔsom? Ɛnyɛ nea ɔte aduan ho? Na me de, mewɔ mo mu sɛ nea ɔsom. 28Na mone wɔn a wɔda so ka me ho me sɔhwɛ mu. 29Na me nso sɛnea m’agya ayi ahenni ama me no, saa ara na meyi mama mo, 30#Mat 19.28 na moadidi na moanom me pon so wɔ m’ahenni mu, na moatena nhengua so abu Israel mmusuakuw dumien no atɛn.

Petro pa ho nkɔmhyɛ

(Mateo 26.31-35; Marko 14.27-31; Yohane 13.36-38)

31 # 2 Ko 2.11 Simon, Simon, hwɛ, anka na Satan pɛ sɛ onya mo, na ohuhu mo so sɛ aburow. 32#Yoh 17.11; 17.15; 17.20; Nnw 51.13 Nanso masrɛ mama wo, na woampa wo gyidi. Na wo de, sɛ daakye wosan gyina a, hyɛ wo nuanom den! 33Na Petro see no sɛ: Awurade, masiesie me ho sɛ me ne wo bɛkɔ afiase ne owu mu. 34Na ose: Petro, meka mekyerɛ wo sɛ, ɛnnɛ, ansa na akokɔ bɛbɔn no, na woasan mprɛnsa sɛ wunnim me.

Kɔkɔbɔ bi

35 # Luka 9.3 Na osee wɔn sɛ: Mesomaa mo a na munkura sika kotoku ne akwantu bɔtɔwa ne mpaboa no, so biribi hiaa mo anaa? Na wose: Anhia yɛn hwee. 36Ɛnna osee wɔn sɛ: Afei de, nea ɔwɔ sika kotoku no, ɔmfa, ne akwantu bɔtɔwa saa ara; na nea onni bi no, ma ɔntɔn ne ntama mfa ntɔ nkrante. 37#Yes 53.12 Na mise mo sɛ, eyi a wɔakyerɛw nso, etwa sɛ ɛba mu wɔ me ho sɛ: Wɔakan no afra mmaratofo mu. Na nea ɛfa me ho no wɔ awiei. 38Na wose: Awurade, hwɛ, nkrante abien ni. Na osee wɔn sɛ: Ɛdɔɔso.

Getsemane awerɛhow

(Mateo 26.30; 26.36-46; Marko 14.26; 14.32-42)

39 # Yoh 18.1 Na ofii adi, na sɛnea ɔyɛ daa no, ɔkɔɔ Ngo Bepɔw so; na asuafo no nso dii n’akyi. 40Na oduu hɔ no, osee wɔn sɛ: Mommɔ mpae, na moankɔ sɔhwɛ mu! 41Na ɔtwee ne ho fii wɔn nkyɛn bɛyɛ sɛ nea wɔtow ɔbo a, ɛbɛtɔ no, ɔkotow ne nan anim bɔɔ mpae 42sɛ: Agya, sɛ wopɛ a, ma kuruwa yi ntwa me ho nkɔ, nanso ɛnyɛ nea mepɛ, na nea wopɛ na ɛnyɛ hɔ. 43#1 Ah 19.5 Na ɔbɔfo fii soro beyii ne ho kyerɛɛ no hyɛɛ no den. 44Na ɔwɔ owu yaw mu no, ɔmaa ne mpaebɔ mu yɛɛ den. Na ne ho fifiri yɛe sɛ mogya atɔwatɔw a ɛsosɔ fam. 45Na ɔsɔre fii mpaebɔ mu baa asuafo no nkyɛn no, obehuu wɔn sɛ awerɛhow nti wɔadeda, 46na osee wɔn sɛ: Adɛn na moda? Monsɔre mmɔ mpae, na moankɔ sɔhwɛ mu.

Yesu kyere

(Mateo 26.47-56; Marko 14.43-49; Yohane 18.2-11)

47Na ogu so kasa no, hwɛ, nnipakuw bi bae a dumien no mu biako a wɔfrɛ no Yuda di wɔn anim. Na otwiw bɛn Yesu befew n’ano. 48Na Yesu bisaa no sɛ: Yuda, wode mfewano na ɛreyi Onipa Ba no ama? 49Na wɔn a wɔwɔ ne ho no huu nea ɛrebɛba no, wobisaa no sɛ: Awurade, yɛmmobɔ wɔn nkrante anaa? 50Na wɔn mu biako bɔɔ ɔsɔfo panyin akoa, na otwaa n’aso nifa. 51Na Yesu buae sɛ: Momma no nso ha ara! Na ɔkaa n’aso no yɛɛ no yiye. 52Na afei Yesu ka kyerɛɛ asɔfo mpanyin ne asɔrefi asafohene ne mpanyimfo a wɔbaa no so no sɛ: Mobae sɛnea moreba odwowtwafo so na mukura nkrante ne mmaa yi? 53#Yoh 7.30; 8.20 Me ne mo wɔ asɔrefi hɔ daa no, moankyere me; na eyi ne mo bere ne sum tumi.

Petro pa ne wura

(Mateo 26.57-58; 26.69-75; Marko 14.53-54; 14.66-72; Yohane 18.12-18; 18.25-27)

54Na wɔkyeree no kɔe, na wɔde no kɔɔ ɔsɔfo panyin fi. Na Petro de, odi wɔn ntɛntɛnso wɔ akyirikyiri. 55Na wɔsɔɔ ogya adiwo hɔ na wɔtenaa ho no, Petro bɛtenaa wɔn mu. 56Na abaawa bi huu no sɛ ɔte gya no ho, na ɔhwɛɛ no dinn kae sɛ: Oyi nso ne no na ɛnam. 57Na ɔsanee sɛ: Ɔbea, minnim no. 58Na ankyɛ na ɔfoforo huu no, na ose: Wo nso wufi wɔn mu. Na Petro se: Barima, mimfi wɔn mu. 59Na ɛno akyi bɛyɛ sɛ dɔnhwerew biako no, ɔfoforo bi nso de bɛtoo so sɛ: Oyi nso ne no na ɛnam ampa, efisɛ ɔyɛ Galileani. 60Na Petro se: Barima, minnim nea wuse yi. Na amonom hɔ ara a ogu so kasa no, akokɔ bɔnee. 61#Luka 22.34 Na Awurade dan ne ho hwɛɛ Petro anim; na Petro kaee Awurade asɛm a ɔka kyerɛɛ no sɛ: Ɛnnɛ, akokɔ remmɔn na woapa me mprɛnsa no. 62Na Petro fii adi kosui yayaayaw.

Yesu ho fɛwdi

(Mateo 26.67-68; Marko 14.65)

63Na mmarima a wokura Yesu mu no goruu ne ho hwee no. 64Na wɔkataa n’ani bobɔɔ n’ani so, na wosee no sɛ: Hyɛ nkɔm, Hena na ɔbɔɔ wo no! 65Na abususɛm pii keka ho a wɔka guu no so.

Yesu gyina bagua mu

(Mateo 26.59-66; Marko 14.55-64)

66 # Yoh 18.24 Na ade kyee no, ɔman mpanyimfo ne asɔfo mpanyin ne Akyerɛwfo no behyiae, na wɔde no kɔɔ wɔn asennii 67kae sɛ: Wone Kristo no a, ka kyerɛ yɛn! Na ɔka kyerɛɛ wɔn sɛ: Sɛ mise mo a, morennye nni; 68na sɛ nso mibisa mo a, moremmua me. 69Na efi nnɛ, Onipa Ba no bɛtena Onyankopɔn tumi nifa so. 70Na wɔn nyinaa kae sɛ: Ɛnne na wone Nyankopɔn ba no anaa? Na ɔka kyerɛɛ wɔn sɛ: Moaka, na mene no. 71Na wose: Adanse bɛn na ehia yɛn bio? Na yɛn ankasa ate afi n’anom.

Currently Selected:

Luka 22: RATB

Highlight

Copy