Yohane 14

Kristo kɔ ne ne sanba

1 Mommma mo koma nntutu! Munnye Onyankopɔn nni, na me nso, munnye me nni. 2Tenabea pii wɔ m’agya ofi; sɛ ɛnte saa a, anka mɛka makyerɛ mo sɛ merekɔ makosiesie baabi mama mo anaa? 3#Yoh 12.26; 17.24 Na sɛ mekɔ na mikosiesie baabi mema mo a, mɛba bio, na mabɛfa mo makɔ m’ankasa me nkyɛn, na nea mewɔ no, mo nso moaba hɔ. 4Na faako a merekɔ no, munim hɔ kwan nso. 5Toma see no sɛ: Awurade, yennim faako a worekɔ, na ɛbɛyɛ dɛn na yebetumi ahu kwan? 6#Heb 10.20; Mat 11.27; Yoh 11.25; Rom 5.1-2 Yesu see no sɛ: Mene kwan ne nokware ne nkwa; obi mma Agya no nkyɛn, gye sɛ ɔnam me so. 7Sɛ munim me a, anka moahu m’agya no nso; na efi nnɛ munim no, na moahu no.

Kristo ne agya no yɛ biako

8Filipo see no sɛ: Awurade, kyerɛ yɛn Agya no, na ɛno ara dɔɔso ma yɛn. 9#Yoh 12.45; Heb 1.3 Yesu see no sɛ: Me ne mo wɔ hɔ dedaadaw yi, munhuu me anaa, Filipo? Nea wahu me no ahu Agya no, na adɛn nti na wuse: Kyerɛ yɛn Agya no? 10#Yoh 12.49 Wunnye nni sɛ mewɔ Agya no mu, na Agya no nso wɔ me mu? Nsɛm a meka mekyerɛ mo no, emfi m’ankasa me tirim ne meka, na Agya a ɔte me mu no, ɔno na ɔyɛ nnwuma no. 11#Yoh 14.20; 10.25; 10.38 Munnye me nni sɛ mewɔ Agya no mu, na Agya no nso wɔ me mu; na sɛ ɛnte saa a, nnwuma no ara nti munnye me nni! 12#Mar 16.19-20 Mereka akyerɛ mo nokware mu pa ara sɛ: Nea ogye me di no, nnwuma a meyɛ no, ɔno nso bɛyɛ, na ɔbɛyɛ akɛse asen eyinom, efisɛ me de, merekɔ m’Agya no nkyɛn. 13#Yoh 15.7; Mar 11.24 Na biribiara a mobɛsrɛ me din mu no, ɛno na mɛyɛ, na Agya no anya anuonyam ɔba no mu. 14#Yoh 16.23-24 Sɛ mobɛsrɛ biribi me din mu a, me de, mɛyɛ.

Honhom Kronkron ho bɔhyɛ

15 # Yoh 15.10; 1 Yoh 5.3 Sɛ modɔ me a, munni m’ahyɛde so! 16#Yoh 14.26; 15.26; 16.7 Na me de, mebisa agya no, na wama mo Okyigyinafo foforo, na ɔne mo abɛtena daa: 17#Yoh 16.13; 7.39 nokware honhom a wiase ntumi nnye no no, efisɛ enhu no, nanso ennim no; na mo de, munim no, efisɛ ɔte mo nkyɛn, na ɔbɛtena mo mu. 18Merennyaw mo nnyanka, mɛba mo nkyɛn. 19#Yoh 16.16 Ate kakraa na wiase nhu me bio; na mo de, muhu me, efisɛ mete ase, na mo nso mobɛtena ase. 20#Yoh 17.21-23 Da no ara mubehu sɛ mewɔ m’Agya no mu, na mowɔ me mu, na mewɔ mo mu. 21#2 Ko 3.18 Nea ɔwɔ m’ahyɛde na odi so no, ɔno ne nea ɔdɔ me; na nea ɔdɔ me no, m’Agya bɛdɔ no, na me nso mɛdɔ no, na mayi me ho makyerɛ no.

Osetie ne ɔdɔ

22Yuda (ɛnyɛ Iskariot no) see no sɛ: Awurade, ɛyɛɛ dɛn na worebeyi wo ho akyerɛ yɛn, na ɛnyɛ wiase? 23#Yoh 14.21; 13.34; Mmb 8.17; Efe 3.17 Yesu bua see no sɛ: Sɛ obi dɔ me a, obedi m’asɛm so, na m’Agya bɛdɔ no, na yɛbɛba ne nkyɛn, na yɛabɛyɛ yɛn tenabea ne nkyɛn. 24#Yoh 7.16 Nea ɔnnɔ me no nni me nsɛm so; na asɛm a mote no nyɛ me dea, na ɛyɛ Agya a ɔsomaa me no dea.

Honhom Kronkron yɛ ɔkyerɛkyerɛfo kɛse

25 Mewɔ mo nkyɛn yi na mereka mo eyinom; 26#Yoh 14.16 na okyigyinafo a ɔne Honhom Kronkron a m’Agya bɛsoma no me din mu no, ɔno na ɔbɛkyerɛ mo nneɛma nyinaa, na ɔbɛkae mo nea maka mo nyinaa. 27#Yoh 16.33; Flp 4.7 Asomdwoe na mede migyaw mo, m’asomdwoe na mede mema mo; ɛnyɛ sɛnea wiase ma na mema mo. Mommma mo koma nntutu, nanso mommma no mmɔ mo hu!

Kristo bɛkɔ Agya no nkyɛn

28 # Yoh 14.3; 14.18; 14.6 Moate sɛ meka mekyerɛɛ mo sɛ: Merekɔ na maba mo nkyɛn. Sɛ modɔ me a, anka mo ani begye sɛ merekɔ Agya no nkyɛn, efisɛ m’Agya no yɛ kɛse sen me. 29Afei maka makyerɛ mo ansa na aba, na sɛ enya ba a, moagye adi. 30#Yoh 12.31; Efe 2.2 Me ne mo renkasa pii bio; na wiase sodifo no reba, nanso ɔrennya me hɔ hwee. 31#Yoh 10.18 Nanso meyɛ sɛnea Agya no hyɛɛ me no, na wiase ahu sɛ medɔ Agya no. Monsɔre mma yemfi ha nkɔ!

Currently Selected:

Yohane 14: RATB

Highlight

Copy