Yohane 11

Lasaro yare

1 # Luka 10.38-39 Na ɔyarefo bi wɔ hɔ a wɔfrɛ no Lasaro a ofi Betania, Maria ne ne nuabea Marta kurow mu. 2#Yoh 12.3 Na ɛyɛ Maria a ɔde ngo huamhuam sraa Awurade na ɔde ne ti nwi popaa ne nan ho no, na ne nua Lasaro yare no. 3Enti ne nuanom soma baa Yesu nkyɛn sɛ: Awurade, hwɛ, nea wodɔ no no yare. 4#Yoh 9.3 Na Yesu tee no, ɔkae sɛ: Ɔyare yi nyɛ owuyare, na Onyankopɔn anuonyam ntia, sɛ wɔbɛfa so ahyɛ Onyankopɔn ba no anuonyam.

Yesu kɔ Betania

5Nso Yesu dɔ Marta ne ne nuabea no ne Lasaro. 6Na afei ɔtee sɛ ɔyare no, ɔtenaa faako a ɔwɔ hɔ ara nnanu. 7Na ɛno akyi no, osee n’asuafo no sɛ: Momma yɛnkɔ Yudea bio! 8#Yoh 8.59; 10.31 Asuafo no see no sɛ: Rabi, nnansa yi ara na Yudafo rehwehwɛ sɛ wosiw wo abo, na worekɔ hɔ bio yi? 9#Yoh 9.4-5 Yesu buae sɛ: Ɛnyɛ nnɔnhwerew dumien na ɛwɔ da biako mu? Sɛ obi nam awia a, onhintiw, efisɛ ohu wiase hann; 10#Yoh 12.35 na sɛ obi nam anadwo a, ohintiw, efisɛ hann nni no mu. 11#Mat 9.24 Ɔkaa eyinom, na ɛno akyi no, osee wɔn sɛ: Yɛn adamfo Lasaro ada; na merekɔ makonyan no. 12Ɛnna n’asuafo no kae sɛ: Awurade, sɛ wada de a, ɔbɛsɔre. 13Na Yesu de, ɔkaa ne wu ho asɛm; na wɔn de, wosusuwii sɛ nna pa ho asɛm na ɔreka. 14Ɛnna afei Yesu see wɔn pefee sɛ: Lasaro awu; 15na mo nti ɛyɛ me dɛ sɛ minni hɔ, na moagye adi. Nanso momma yɛnkɔ ne nkyɛn! 16Ɛnna Toma a wɔfrɛ no Ata no ka kyerɛɛ ne mfɛfo asuafo no sɛ: Yɛn nso, momma yɛnkɔ na yɛne no nkowu!

Lasaro wu ne ne sie

17Ɛnna Yesu duu hɔ no, obehui sɛ wadi ɔda mu nnanan dedaw. 18Nso Betania bɛn Yerusalem, ɛbɛyɛ sɛ akwansin abien, 19na Yudafo no mu pii aba Marta ne Maria nkyɛn sɛ wobegyam wɔn, wɔn nua no nti. 20Ɛnna Marta tee sɛ Yesu reba no, okohyiaa no; na Maria de, ɔte fie. 21Ɛnna Marta see Yesu sɛ: Awurade, sɛ wowɔ ha a, anka me nuabarima anwu. 22Na seisei po minim sɛ biribiara a wubebisa Onyankopɔn no, ɔde bɛma wo.

23Yesu see no sɛ: Wo nuabarima no bɛsɔre bio. 24#Yoh 5.29; 6.40; Luka 14.14 Marta see no sɛ: Minim sɛ owusɔre mu, da a edi akyiri no, ɔbɛsɔre. 25Yesu see no sɛ: Mene owusɔre ne nkwa; nea ogye me di no, sɛ wawu mpo a, obenya nkwa. 26#Yoh 8.51 Na obiara a ɔte ase na ogye me di no renwu da. Wugye eyi di anaa? 27#Yoh 6.69 Osee no sɛ: Yiw, Awurade, migye midi sɛ wone Kristo no, Onyankopɔn Ba a ɔreba wiase no. 28Na ɔkaa saa no, osiim kɔfrɛɛ ne nua Maria kokoam sɛ: Kyerɛkyerɛfo no aba na ɔrefrɛ wo. 29Ɔno nso tee no, ɔsɔree ntɛm baa ne nkyɛn. 30#Yoh 11.20 Nanso na Yesu nnya nhyɛn kurow no mu ɛ, na ɔwɔ nea Marta behyiaa no hɔ. 31Ɛnna Yudafo a wɔne no wɔ ofie hɔ regyam no no hui sɛ Maria asɔre ntɛmntɛm afi adi no, wodii n’akyi kae sɛ: Ɔrekɔ ɔda no so hɔ akosu.

Lasaro nyan

32Ɛnna Maria duu faako a Yesu wɔ hɔ na ohuu no no, ɔkotow ne nan ase ka kyerɛɛ no sɛ: Awurade, sɛ wowɔ ha a, anka me nuammarima anwu. 33#Yoh 13.21 Ɛnna Yesu huu no sɛ ɔresu na Yudafo a wɔne no bae no nso resu no, oguu ahome honhom mu, na ne ho yeraw no, 34na ɔkae sɛ: Ɛhe na mode no toe? Wosee no sɛ: Awurade, bra bɛhwɛ! 35#Luka 19.41 Yesu sui. 36Ɛnna Yudafo no kae sɛ: Hwɛ ɔdɔ a ɔdɔ no! 37Na wɔn mu binom se: Oyi a obuee onifuraefo no ani no, sɛ anka obetumi agye oyi afi owu mu? 38#Mat 27.60 Ɛnna Yesu guu ahome ne mu bio, na ɔbaa ɔda no so; ɛyɛ ɔbodan, na ɔbo hini ano. 39Yesu kae sɛ: Munyi ɔbo no! Nea wawu no nua Marta see no sɛ: Awurade, sesɛɛ de, wabɔn, na wadi nnanan. 40#Yoh 11.4; 11.23; 11.25-26 Yesu see no sɛ: Manka mankyerɛ wo sɛ wugye di a, wubehu Nyankopɔn anuonyam? 41Ɛnna woyii ɔbo no. Na Yesu maa n’ani so kae sɛ: Agya, meda wo ase sɛ woatie me. 42#Yoh 12.30 Na me de, minim sɛ wutie me daa; na nkurɔfokuw a wogyina ho no nti na meka saa, na wɔagye adi sɛ wo na wosomaa me. 43Na ɔkaa saa no, ɔde nne kɛse teɛɛm sɛ: Lasaro, fi bra! 44Na nea wawu no fii adi, ɔda no mu, ntama kyekyere ne nan ne ne nsa, na dukuu kyekyere n’anim. Na Yesu see wɔn sɛ: Monsan no, na momma ɔnkɔ! 45Ɛnna Yudafo no mu pii a wɔbaa Maria nkyɛn na wohuu ade a Yesu yɛe no gyee no dii.

Kaiafa nkɔmhyɛ

46Na wɔn mu binom siim kɔɔ Farisifo no nkyɛn, na wɔkɔkaa wɔn nea Yesu yɛe no. 47Ɛnna asɔfo mpanyin ne Farisifo no ma wokohyiaa baguafo no, na wɔkae sɛ: Dɛn na yɛbɛyɛ, efisɛ onipa yi yɛ nsɛnkyerɛnne pii. 48Sɛ yegyaa no saa a, nnipa nyinaa begye no adi, na Romafo aba abɛfa yɛn ha yi ne yɛn man. 49Na wɔn mu biako bi, Kaiafa a odi sɔfo panyin afe no mu no, see wɔn sɛ: Mo de, munnim hwee, 50#Yoh 18.14 nanso munnwen sɛ eye ma mo sɛ onipa biako bewu ama ɔman, na ɔman no nyinaa ansɛe. 51#Eks 28.30; Num 27.21 Na eyi de, emfi n’ankasa ne tirim na ɔkae, na mmom sɛ ɔyɛ ɔsɔfo panyin afe no ara mu nti, na ɔhyɛɛ nkɔm sɛ Yesu rebewu ama ɔman no, 52#Yoh 10.16 na ɛnyɛ ɔman no nko, na sɛ ɔbɛka Onyankopɔn mma a wɔapete no nyinaa nso abom ayɛ wɔn biako. 53Ɛnna efi da no ara wotutuu agyina wɔn mu sɛ wobekum no.

Yesu twe ne ho kɔ Efraim

54Enti Yesu anyi ne ho adi pefee annantew Yudafo no mu bio, na ofii hɔ kɔɔ asase bi a ɛbɛn sare so, kurow bi a wɔfrɛ no Efraim mu, na ɔne n’asuafo no tenaa hɔ. 55#2 Be 30.17 Na Yudafo Twam no abɛn; na nnipa pii fii asase no so kɔɔ Yerusalem ansa na Twam no dui, sɛ wokodwira wɔn ho. 56Ɛnna wɔhwehwɛɛ Yesu, na wogyina asɔrefi hɔ sisee wɔn ho sɛ: Dɛn na mususuw? Sesɛɛ ɔremma afahyɛ yi ase anaa? 57Na asɔfo mpanyin ne Farisifo no ahyɛ mmara nso sɛ, sɛ obi nim nea ɔwɔ a, ɔmmɛkyerɛ, na wɔnkɔkyere no.

Currently Selected:

Yohane 11: RATB

Highlight

Copy