Gyenesis 15
15
Onyankopɔn ne Abraham yɛ Apam
1 #
Nnw 3.3; 84.11; 119.114 Nsɛm yi akyi no, AWURADE asɛm baa Abram nkyɛn anisoadehu mu sɛ: Nsuro, Abram, mene wo kyɛm, na w'akatua bɛdɔɔso pii.
2Na Abram se: AWURADE Nyankopɔn, ɛdɛn na wode bɛma me? Minni ba na menam, so nea obedi m'ade ne Damaskoni Eliesa anaa? 3Na Abram kae se: Ao, me de, woamma me asefo, na hwɛ, me fienipa na obedi m'ade.
4Na AWURADE asɛm baa ne nkyɛn sɛ: Ɛnyɛ oyi na obedi w'ade, na nea obefi wo ankasa asen mu no na obedi w'ade. 5#Gye 22.17; Eks 32.13; Deut 1.10 Na ɔde no fii adi kae sɛ: Hwɛ ɔsoro ɛ, na kan nsoromma sɛ wubetumi akan anaa? Na ɔka kyerɛɛ no sɛ: Sɛ w'asefo bɛyɛ nen.
6 #
Rom 4.3-5, 18-22; Yak 2.23 Na Abram gyee AWURADE dii, na obuu eyi sɛ trenee maa no. 7#Gye 11.31 Na Awurade ka kyerɛɛ no sɛ Mene AWURADE a ɔde wo fii Ur a ɛwɔ Kaldea sɛ mede asase yi mɛma wo sɛ awunnyade. 8#2 Ah 20.8; Luka 1.18 Na ose. AWURADE Nyankopɔn, ɛdɛn na mede mehu sɛ menya? 9Na AWURADE ka kyerɛɛ no sɛ: Fa nantwi ba a wadi mfe abiɛsa ne abirekyi a wadi mfe abiɛsa ne odwennini a wadi mfe abiɛsa ne aturukuku ne aborɔnoma ba brɛ me. 10#Yer 34.18-19 Na ɔde eyi nyinaa brɛɛ no, na ɔpaepaee wɔn mu abien abien, na ɔde afaafa no kyerɛkyerɛɛ anim totoo hɔ; na nnomaa no de, wampaepae wɔn mu. 11Na nnomaa a wodi nam besisii mmoa afunu no so, na Abram pam wɔn. 12#Hiob 4.13-14 Na owia reyɛ akɔtɔ no, Abram daa nnahɔɔ, na hwɛ, ehu ne esum kabii duruu no so. 13#Eks 12.40; Aso 7.6 Na AWURADE ka kyerɛɛ Abram sɛ: Ohu na hu sɛ w'asefo bɛyɛ ahɔho asase a ɛnyɛ wɔn de so, na wɔasom wɔn, na wɔbɛhaw wɔn mfirihyia ahannan. 14#Eks 3.21-22 Na ɔman a wɔbɛsom wɔn no, mebu wɔn atɛn, na akyiri no, wɔde ahode pii befi hɔ akɔ. 15Na wo de, wobɛkɔ w'agyanom nkyɛn asomdwoe mu, na wɔasie wo nkwakorabere pa mu. 16Na awo ntoatoaso anan mu na wɔbɛsan aba ha, efisɛ Amorifo amumɔyɛ nnya nnui ɛ.
17Na owia tɔe na esum kusuu durui no, hwɛ, biribi a ɛte se gyaframa a efi wusiw ne gyatɛn a ɛdɛw bɛfaa afaafa no ntam. 18#Gye 12.7 Da no ara na AWURADE ne Abram pamee sɛ: W'asefo na mede asase yi mama wɔn, efi Misraim asubɔnten ho de kosi asubɔnten kɛse, Eufrate asubɔnten, no so: 19#Gye 10.15-18 Kenifo, Kenisifo, Kadmonifo, 20#Num 13.33 Hetifo, Perisifo, Refaimfo, 21Amorifo, Kanaanfo, Girgasifo, ne Yebusifo.
Currently Selected:
Gyenesis 15: RATB
Highlight
Share
Copy
Want to have your highlights saved across all your devices? Sign up or sign in
Revised Akuapem Twi DC Bible © Bible Society of Ghana, 2017.
