Zis INTRODIKSION
INTRODIKSION
Zistwar Bann Apot vinn apre Bonn Nouvel dapre Lik. Sa liv la finn ekrir expre pou rakonte kouma bann premie dimoun ki ti swiv Zezi, ti dirize par Lespri Sin pou sem Bonn Nouvel Zezi ‘dan Zerizalem, dan Zide ek Samari e partou lor later.’ Li rakont zistwar bann Kretien depi ki sa mouvman la pran nesans parmi lepep Zwif ziska ki li vinn enn lafwa pou lemonn antie. Sa dimoun ki ekrir sa zistwar la ti anvi donn lasirans so bann lekter ki bann Kretien pa ti enn group ki reprezant enn menas politik pou Lanpir Romin, e ki lafwa Kretien ti akonplisman larelizion Zwif.
Kapav diviz Zistwar Bann Apot an trwa parti prinsipal pou montre kouma proklamasion Bonn Nouvel lor Zezi ti pe avanse e kouma Legliz ti pe etablir limem: 1) Komansman mouvman Kretien dan Zerizalem apre ki Zezi ti mont dan lesiel; 2) Mouvman la debord dan bann lezot rezion dan Palestinn; 3) Mouvman la grandi dan bann rezion Mediterane pou al ziska Rom.
Dan sa liv la ena enn pwin bien inportan: aktivite Lespri Sin ki vinn avek pwisans lor bann krwayan dan Zerizalem zour Lapantkot, e ki kontigne gid Legliz ek fortifie so bann dirizan. Mesaz bann premie Kretien rezime dan plizir sermon, e bann evennman ki rakonte dan sa liv la montre pwisans sa mesaz la dan lavi bann krwayan ek dan kominion ki ti ena dan Legliz.
Plan sa liv la
Preparasion pou temwagnaz 1.1-26
a. Dernie lord ek promes Zezi 1.1-14
b. Ranplasan Zida 1.15-26
Temwagnaz dan Zerizalem 2.1-8.3
Temwagnaz dan Zide ek Samari 8.4-12.25
Minister Pol 13.1-28.31
a. Premie vwayaz misioner 13.1-14.28
b. Konferans dan Zerizalem 15.1-35
c. Deziem vwayaz misioner 15.36-18.22
d. Trwaziem vwayaz misioner 18.23-21.16
e.Pol prizonie dan Zerizalem, Sezare ek Rom 21.17-28.31
Currently Selected:
Zis INTRODIKSION: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.