1 Tes INTRODIKSION
INTRODIKSION
Tesalonik ti kapital enn provins Romin Masedwann. Pol ti ouver enn legliz laba apre ki li ti kit Filip. Me enn ti letan apre, bann Zwif ti fer opozision. Zot ti zalou sikse ki Pol ti pe gagne dan so kanpagn evanzelizasion parmi bann non-Zwif, ki ti finn montre lintere pou Zidaism. Pol ti oblize kit Tesalonik e li ti al Bere. Plitar letan li ariv Korint, Pol gagn enn rapor ki so kamarad ek koleg Timote ti avoy li lor sitiasion dan legliz Tesalonik.
Pol ekrir sa premie let la pou donn kouraz ek lasirans bann Kretien ki ti laba. Li remersie zot pou zot lafwa e zot lamour; li rapel zot ki kalite lavi li ti pe amene lepok ki li ti ar zot laba. Apre li reponn detrwa kestion ki zot ti poze lor retour Zezi Kris: eski enn krwayan ki mor avan ki Lekris retourne kapav touzour gagn drwa lavi eternel ki so retour pou amene? Kan eski Lekris pou retourne? Pol servi sa lokazion la pou dir zot kontigne travay letan ki zot pe atann avek lesperans ki Lekris retourne.
Plan let la
Introdiksion 1:1
Rekonesans ek louanz 1:2-3:13
Ankourazman pou viv kouma Kretien 4:1-12
Instriksion lor retour Lekris 4:13-5:11
Ankourazman final 5:12-22
Konklizion 5:23-28
Currently Selected:
1 Tes INTRODIKSION: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.