PALABURU 22
22
I Pue Ala mancongka i Burahima da mampanyombaka i Saki
22:1-19
1 #
Ib. 11:17-19
Bareʼe masae ungka njairia i Pue Ala mangaʼuji peaya ndaya i Burahima. Meboo i Pue Ala ndatoʼo, “Burahima!” Nepa mesono i Burahima, “Seʼi yaku Pue.”
2 #
2 Taw. 3:1
Ndatoʼo i mPue Ala, “Kanjoʼumo ri tana Moria pai i Saki, anamu anu sambaʼa-mbaʼa anu maʼai nupampomawo setu. Njairia ri sambaʼa buyu anu dakutujuka siko, panyombakamo anamu da mewali sambaʼa panyomba anu ndaʼombasi ri yaku.”
3Bangke reme mowuro-wuro, naweso i Burahima kaju anu da ndapoʼayuta ri paʼombasi panyomba setu, nauju kaju setu nepa napateke ri kalidenya. Malaimo siʼa pai i Saki sangkani pai anamayununya radua njoʼu ri tana anu ndatoʼoka siʼa i mPue Ala. 4Ri eo anu katatogo pelinja ntau seʼe nakitamo i Burahima tampa setu ntongo lawa-lawapa. 5Nepa natoʼoka anamayununya anu radua setu, “Ndikaroo-roomo komi ireʼi sangkani pai kalide seʼi. Yaku pai anaku da njoʼu manyomba ri Pue, ane roomo nepa kadadu muni komi ireʼi.”
6Natima i Burahima kaju apu setu napapasaʼaka i Saki, siʼa mangkeni tibo mponyampa pai waa apu anu da ndapatuwuka apu. Sindara mpelinja ntau seʼe, 7natoʼo i Saki, “Papa!”
Mesono i Burahima, “Nunjaa, anaku?”
Mesoasi i Saki natoʼo, “Kita seʼi mangkenimo apu pai kaju, paikanya mbeʼimo ana bimba anu da mewali panyomba anu ndaʼombasi setu?”
8Mesono i Burahima natoʼo, “I Pue Ala ngkalioa anu da mampatoka ana bimba setu.” Nepa melinja mpaliu tauseʼe radua setu.
9 #
Yak. 2:21
Kajela ntau seʼe di tampa anu ndapakanoto i mPue Ala ri Burahima setu, nawangu sambaʼa lampaʼani nepa nalango kaju apu ri wawonya. Nepa napungu ananya napapombole ri wawo ngkaju anu ndalango ri wawo lampaʼani setu. 10Roo setu, natima tibonya da nasambaleka ananya. 11Paikanya meboo malaeka i mPue ungka ri yangi ri siʼa natoʼo, “Burahima, Burahima!”
Mesono i Burahima natoʼo, “Seʼi yaku Pue!”
12“Neʼe nuwelai ananggodi setu pai neʼe boi nukuja ananggodi setu,” mompau i Pue mampoliu malaeka setu ndatoʼo. “Seʼi-seʼi kuincanimo ewambeʼi petubunakamu pai pepoʼinayamu ri yaku, maka bareʼe nupepurungi mampepombaika anamu anu sambaʼa-mbaʼa setu ri yaku.”
13Nepa napeole i Burahima sape-sape, nakita sambaʼa bimba laki anu towewe tondunya ri wayaa. Natima i Burahima bimba setu napanyombaka ri Pue mewali panyomba anu ndaʼombasi nasawanika ananya. 14Inceʼe painaka napapotoʼo i Burahima tampa setu, “I Pue anu mampatoka anu da ndapake.” Pai rantani wawaseʼi seʼe natoʼo ntau, “Ri wawo buyua i Pue mampatoka anu da ndapake.”
15Sangkani woʼu meboo malaeka i mPue ungka ri yangi ri Burahima natoʼo, 16#Ib. 6:13-14 “Ndatoʼo i mPue: Montandokoro yaku mamposabi toʼoku ngkalioku, ua nupawianakamo inceʼi, bareʼe nupepurungi mampepombaika anamu anu sambaʼa-mbaʼa setu ri yaku, 17#Ib. 11:12 yaku da madonco siko ri gana-gananya pai da mampakasondo mulimu ewa bimba betuʼe ri yangi pai ewa kasondo bone ri wiwi ntasi. Waʼa ana pai makumpumu da manganangi waʼa iwali ntau seʼe. 18#Pwn. 3:25 Pura-pura banca ri lino da merapi popadonco ri yaku ewa kupangadonco waʼa mulimu – maka siko mepoʼinayamo ri songkaku.” 19Roo setu mewalilimo i Burahima ri kareʼe mpopea anamayununya radua setu, nepa malai sangkani-ngkani tau seʼe njoʼu ri Beriseba, maroo-roomo i Burahima njairia.
Muli i Nahori
22:20-24
20I Burahima reĘĽe sambaĘĽa tukakanya i Nahori toĘĽonya. Karoonya mewali anu ri Buyu Moria setu, nadonge i Burahima i Mika rongo i Nahori, reĘĽemo uayu ananya anu tuama, inceĘĽemo: 21anu uyue i Usi; nepa tuaĘĽinya i Busi; nepa Kemueli, anu mampoana i Arami; 22i Kesedi, i Haso, Pilidasi, Yidaya, pai Betueli 23anu mampoana i Ribeka 24I Nahori mampokaraduaka i Reuma, i Reuma setu anu mampoana i Teba, i Gahami, i Taha pai Maaka.
Currently Selected:
PALABURU 22: LAIPMF
Highlight
Share
Copy
Want to have your highlights saved across all your devices? Sign up or sign in
