1Mos. 36

Muntogat Esau

(1Taw. 1:34-37)

1 # 1Taw. 1:35-37 Nene te punuteteu Esau kuanen leuet Edom. 2#1Mos. 26:34 Si Esau mutalimou pasamba telu tainanalep tai Kanaan, iate: Ada, togat Elon tai Het; Oholibama, togat Ana samba punuteteu Zibeon tai Hewi, 3#1Mos. 28:9 Basmat, togat Ismael samba bagit Nebayot. 4Ada masitu'tu'ake matat Elifas, Basmat masitu'tu'ake matat Rehuel, 5samba Oholibama masitu'tu'ake matat Jeus, Jaelama samba Korah. Sangamberi toga nenda mutu'tu' mata ka laggai Kanaan.

6Lepa geti tuitui si Esau kaddiuakenangan si Jakob ei nia ka laggai bagei ambitnangan sangamberi sinanalepnia, tatogania samba sangamberi sirimanua ka lalepnia, pasamba sangamberi tarimeu samba paukayoat sinesenia ka Kanaan. 7Si Esau pasara kai Jakob kalulut makope poi igi pukayoatra pat taioinangan rapurimanua simakere. Sara pei laggai kudduatdra nenda ta'iaili komen tarimeura kalulut iginia. 8Iageti si Esau leu oniakenen Edom, mukuddu ka leleu Seir.

9Nene punuteteu Esau taikebbukadda tai Edom. 10Onin tatogania iate, Elifas, togat Ada sinanalep Esau; Rehuel, togat Basmat sinanalep Esau. 11Tatogat Elifas iate, T'eman, Omar, Zefo, Gaetem samba Kenas. 12Si Timna iate sinanalepnia kabebe si Elifas; tutuakenangan matat Amalek rubeiat Elifas. Nenda te punuteteu Ada sinanalep Esau. 13Nene te' tatogat Rehuel: Nahat, Zerah, Syama samba Miza. Nenda te' punuteteu Basmat sinanalep Esau. 14Sinanalep Esau sipuoni si Oholibama, iate togat Ana samba punuteteu Zibeon, masitutuake mata telu tatoga simanteu iate Jesu, Jaelam samba Korah.

15Nene te sikebbukat suku muntogat Esau; Elifas, togat Esau sikebbukat iate taikebbukat uma nene: Téman, Omar, Zefo, Kenas, 16Korah, Gaetam samba Amalek. Sangamberidra punuteteu Ada sinanalep Esau.

17Si Rehuel, togat Esau iate taikebbukat suku nene: Nahat, Zerah, Syama samba Miza. Sangamberidra punuteteu Basmat, sinanalep Esau.

18Sangamberi suku nene iate punuteteu Esau sibara kasinanalepnia sipuoni Oholibama togat Ana, iate: Jeus, Jaelam samba Korah. 19Sangamberi suku nenda punuteteu Esau.

Muntogat Seir

(1Taw. 1:38-42)

20 # 1Taw. 1:38-42 Nene te tatogat Seir, tai Hori, sipulaggai ka laggai nenda: Lotan, Syobal, Zibeon, Ana, 21Disyon, Ezer, Disyan; nenda te utet muntogatda tai Hori, tatogat Seir, ka laggai Edom. 22Tatogat Lotan iate si Hori samba Herman, samba sarainan Lotan sinanalep iate Timna.

23Nene te tatogat Syobal: Alwan, Manahat, Ebal, Syefo samba Onam.

24Ai rua tatogat Zibeon iate: si Aya samba si Ana. (Si Ana nene te amasisese bubuakat oinan simaoloi ka su'su', kateteret ai jajago kalidei ukkuinia). 25Nene te tatogat Anan: Disyon samba Oholibama togat Ana sinanalep. 26Nene te tatogat Disyon: Hemdan, Esyban, Jetran samba Keran. 27Nene te tatogat Ezer: Bilhan, Zaawan samba Akan. 28Nene te tatogat Disyan: Us samba Aran. 29Nenda te saute' muntogat Hori: Utet muntogat Lotan, utet muntogat Syobal, utet Zibeon, utet muntogat Ana, 30utet muntogat Disyon, utet muntogat Ezer samba utet muntogat Disyan; nenda te sautet muntogat Hori, muntogat ka muntogat, ka laggai Seir.

Tai rimatat Edom

(1Taw. 1:43-54)

31 # 1Taw. 1:43-54 Kepei bara rimata sipupaparenta ka Israel, tai rimata nene muparenta ka laggai Edom sipurereddenan: 32si Bela togat Beor sibara ka Dinhaba. 33Jobab togat Zera'sibara ka Bozra. 34Husyam sibara ka laggai Téman. 35Hadad togat Bedad sibara ka Awit (nia te amasikalaake tai Median ka pasaggangan ka laggai Moab). 36Samla siabara ka Masreka. 37Saul sibara ka Rehobot ka bebet bagat oinan. 38Baal-Hanan togat Akhbor. 39Hadar sibara ka Pahu (sinanalepnia sipuoni Mehetabeel, togat Matred samba punuteteu Mezahab).

40Si Esau iate taikebbukat suku Edom nene: Timna, Alwa, Jetet, 41Oholibama, Elha, Pinon, 42Kenas, T'eman, Mibzar, 43Magdiel samba Iram. Senen suku masikau oninia kakupkumen kudduatnia.

Currently Selected:

1Mos. 36: MWV

Highlight

Copy