रोमि 13

राज राः प्रति करतब

1सगोरकू ससानेःकू अधिकारिकू राः अधीन रेपे दोहोनू; कहेकि नेकू अधिकारिकू भनगवान अधिकार ओवड कुआ; अवुर नेकू हें-नी ठहरो केडकुआ। 2हेनाते कनय हो अधिकारिकू राः टेबोः मेने कू मनो रेदो, हेंकू भगवान ठहरो केडा नियम कू बिरोध यडा, अवुर बिरोधेः हेंकू सजा कू ञाँमा। 3कहेकि जे जे बढ़ियाँः काम कू कामा, हेंकू अधिकारिकू मेने कू एर बोरो कुआ, लेकिन जे जे कू बेजायेआ, हेनकुकू एर बोरोआ। हेनाते अपे अधिकारिकू अलोपे बोरो वकू मेनते पे चहोः तन रेदो, अलोपे बेजाये, हेंडे हेंकू बडेय वपे अकू; 4कहेकि हेंकू अपेकू ञेंल अँजोम लगड भगवान रेनकू सेवेखियाकू हवे। लेकिन अपे बेजय यड रेदो, हेंकू बोरो वकू पे; हेंकू बिना कारन ते सजा मेने कू एमेया, भगवान राः खीस तिब लगड, बेजायेः हेंकू सजा ओवाकू लगड नेकू अधिकारिकू भनगवान ठहरो केडकुआ, नेकू भगवान रेनकू सेवेखियाकू हवे। 5हेनाते सजा कू ओवा लेआ मेनाः बोर ते भर अलो, लेकिन नआँ टेबोः सही गिआ मेनाआँ, अपे होपे पपाड़िआ, हेनाते अपे हेंकू राः अधीन रेपे दोहोनू।

6हेनाते मलगुजारी हो एमेय पे, कहेकि अधिकारिकू भगवान रेनकू सेवेखियाकू हवे, अवुर हेंकू जिमा वडकुआ हेना काम कू पूरा यडा।#मत्ती 22:21; मरकुस 12:17; लूका 20:25 7हेनाते नेकू अधिकारिकू जे जे देहेक इदाना, हेना ओवा कुपे, मलगुजारी देहेक इदाना, हेना भरोवे पे, कनारा सरकारी मलगुजारी भभरो इदान हेना भरोवे पे; अवुर जे बोरोवय घियाअय, बोरो वयपे; अवुर जे आदर देहेक इदाना, हेंय आदारिय पे।

मया ओड़ेंग पे

8मया मिलन छोड़ ते कनर टेबोः रे अपे कनय राः करजा अलोपे जोम बगिता; जे एटाः कुय परेमा, हें-नी धरम निमय मनो यडा। 9नियम कहनियाँ, “अलोपे लंद फाँदुऊ, अलोपे ञेंड गोजकू, अलोपे चोचोरा, अवुर कनय राः चीज रे अलोपे ललचोऊ।” नेंदोरा छोड़ ते अवुर एटाः हुकूम इदान रेहो, हेना सींड़ नआँ टेबोः रे मेज्जोमा, “अमाअय परोसी अनम घयतेम परेमियूँ।” 10मया मिलन तेय दोहोन हेनी, एटाःकू राः कनर एरोई बेजय तेडा, हेनाते जे मया मिलन ते दोहोन हेंय, धरम नियामिय पूरा यडा।

11अब जे-जेंञ लाय वडपेआ, हेना करोवे पे, कहेकि अपे करा घियाआ समय रे इदान पेआ हेना पे पपाड़ी तना, हेनाते अपे गितीज वरी जगो रिमुः राः बेला मेजियाना। कहेकि अबू बिसवास तेडा, हेना तोलोगाआ सोंच तेदो अब अबुय उबर हेना तयाः बंचो केना। 12अखीर रात बितो यना, अवुर अँगा बंचोः तना, हेनाते अबू अंधरा ओत राः काम बगी वते, जेयसे सयनिक हथियार लेयते तयारिय दोहोना, हेन घयते अबू हो इंजोत राः बढ़ियाँ काम, काम लगड तयार बू दोहोनू। 13अवुर जेयसे होड़कू सींञ गलत काम मेने कू कामेआँ, हेन घयते अबू गलत काम अलोबू कामे, अबू ञूँ-जोम कोःते मस्ति अलोबू ञें-डू, अवुर अबू अलोबू लंद फाँदुऊ, अवुर अलोबू लुच्चा लफंगाऊ, अवुर अलोबू कलाहुऊ, अवुर अलोबू हिसकाऊ। 14लेकिन अपे परभु ईसु मसीह तुसींञिंय पे मतलोब जेयसे हेंय राः चाल बेहवार दोहो एना, हेन घयते अपे राः चाल बेहवार हो होयाऊ, अवुर अपे देंह राः ललसा पूरा लगड अलोपे कोसीसे।

Currently Selected:

रोमि 13: ksz

Highlight

Copy