मत्ती 20

बबानिकू राः उदाहरड़

1“सरग राज मियाँहोड़ ओड़ाः मुँवर घयगिआ, हेंय अंगूर बरितय रे बुता लगड ञींदाते बनियाँरकू छपा हनतेय उडूंग एना। 2हेंय बनियाँरकू एक दिन राः बनी एक दीनारिंञ#20:2 दीनार हेना तोलोगाआ पेयसा दोहो एना, मियाँटंग दीनार एक दिन राः बनी दोहो एना। ओवा पेआ मेनतेय कहनी वडकू, अवुर हेंकू अनेज राः अंगूर बरी रे बुता लगाडिय कुलतेड कुआ। 3लगभग नव बजे हेंय फेरेच ओड़ाः वरिय उडूंग एना, तहाँ बाजार रे कुछ होड़कू फलतू ते चड़ाँ बेड़ाः कुय ञेंलवाडा। 4हेना वरी हेंकू थरेय कहनी तेडा, ‘अपे हो ईञाः अंगूर बरी रे बुता लगड सेनुःपे, अवुर जेतना ना ईञाः मन इदाना हेना मेन मोटिंञ ओवा पेआ।’ तहाँ हेंकू होकू सेनेना। 5फेरेच हेंय बारह बजे अवुर तीन बजे आस पास छछापय उडूंग एना, अवुर हेनेन याःतेय राः अगतेड कुआ। 6पाँच बजे फेरेचिय उडूंग एना, तहाँ फेरेच चड़ाँ तनकुय ञेंल ञँमतेडा, हेना वरी हेंय हेंकुय होंबोर तेडा, ‘ना रे अपे ची लगड अँधेर बहेर तेपे चड़ाँ अयुब यडा?’ हेना वरी हेंकू कहनी तेडा, ‘बुता रे अले दो कनय मेने लगो गड लेआ।’ 7हेना वरी हेंय हेंकू थरेय कहनी तेडा, ‘दाव अपे हो ईञाः अंगूर बरी रेपे बुता।’” 8“सिंगड़ जुवर अंगूर बरी रेनिय गिरहत अनेज रेनिय बराहील थरेय कहनी तेडा, ‘बनियाँरकू राःके कुते, तयोमाःकू वरी बोंहड़ी केते सुरू रे मेजेन कू अँगम, बनी तकुम एम गोत्ते।’ 9तहाँ पाँच बजेय लगो तेडकुआ हेंकू मेजेना, अवुर हेंकू मियाँड टंग दीनार ञँमेना। 10मड़ंग ते मेजेन हेंकू अले दो बगरा बगराय ओवा लेआ मेनते कू अड़ींग दोहो एनु, लेकिन हेंकू हो मिनियेंड टंग दीनार ञँमेना। 11ञँमेन तहाँ गिरहतकू कुरू बुसू वते कू कहनी यडु, 12‘नेकू तयोमाःकू एके घंटा कू बुता एना, अम हेंकू हो अले राः बरोबर तेम ओवड कुआ, अले दो दिन भर सीतोंग सहो तींग तेले बुता एना।’ 13लेकिन गिरहत हेंकू मेंडे रे मियाँहोड़ीय जबाब वडा, ‘ए मित, इंञ अम सुदा कनर बेगारिंञ बेजाया। मियाँटंग दीनार ओवा मी लगड मेनेंञ खरा पखा गडमिआँ किदो? 14जेतनांञ कहनी वडमिआँ हेना मेन तिला केते चलोःमी; आँमिंञ ओवड मेनमोट तयोमाः कुहोंञ ओवाकू लगड ईञाः मन हवे। 15ईञाः पेयसा जेयसे मन तेयसे करोवे लगड हँक कोवाआ किदो? इंञ बढ़ियाँ होड़ हवे तेम धकोवंञ तन किदो?’”

16 # मत्ती 19:30; मरकुस 10:31; लूका 13:30 न उदाहरड़ कहनी केते ईसु कहनी तेडा, “नआँ उदाहरड़ रे घयते तयोमाःकू मड़ाँगुआकू; अवुर मड़ाँगाःकू तयोमुआँकू।”

ईसु अनेज कू ञेंड गो-जा हेना राः बारे ते तीसरा बारिय भविस्यवाड़ी तेडा

(मरकुस 10:32-34; लूका 18:31-34)

17हेना वरी ईसु एरुसलेम सहर हनतेय चलोः तोलोग होर वरी बारहो झन चेला कुय अड़ी तेडकुआ, अवुर हेंकू थरेय कहनी तेडा, 18“अँजोम पे, अबू एरुसलेम हनतेबू चलोः तना; हेना रे इंञ होड़ होपोन बड बडे आजककू अवुर एहूदी नियम चेचेडकू राः हाँथ रेकू एर पकड़ो विञाँ, अवुर हेंकू नेय होड़ ञेंड गोजेय लायिक गिअय मेनते कू फसलाया। 19अवुर ईञाः मजाक कू उड़ो लगड अवुर कोड़ा ते ञेंडेंञ लगड अवुर कुरूस रेकू रकाबिंञ लगड अनजातकू राः हाँथ रेकू जिमाञाँ, अवुर तीसरा दिन रे भगवान जियो विञाँ।”

एहुन्‍ना अवुर एकूब इंगत राः अरजी

(मरकुस 10:35-45)

20तहाँ जबदी कोड़ा होपोन कींञ इंगत, कोड़ा होपोन तुकींञ सुदा मेजकेन तेय जोहार वडिया, अवुर हेंय थरे कनाराय असी दोहो एनु। 21हेना वरी हेंयिय होंबोर तेडा, “अम चीम ञँम बेड़ा यडा?” हेना वरी हेंय कहनी तेडा, “नेकींञ कोड़ा होपोनिंञ कींञ, अमाः राज रे मियाँहोड़ अमाः जोम गतर रे मियाँहोड़ कोंञ गतर रेम एनेम दुड़ूब वकिञूँ।” 22हेना वरी ईसु जबाब वडियू, “अपे ची पे असी यडा, हेना मेने पे पपाड़ी तना। इंञ अखीर ते दुख ञँमुआँ दुबहा#20:22 डुबहा वरी ञुँय मतलोब दुख रीमू वरिंञ ञुँय मेनते, हेना अपे ञूँ सको अपे किदो?” हेना वरी हेंकींञ कहनी तेडा, “अलिंञ ञूँ सको अलिञूँ।” 23हेना वरी हेंय हेंकू थरेय कहनी तेडा, “अपे ईञाः दुख राः डुबहा वरी दोपे ञूँया, लेकिन ईञाः जोम कोंञ गतर रे कनय दुड़ूब कू लगड ईञाः काम कोवाआ, इंञ अपुंञ मतलोब भगवान चुनो केडकिञाँ हेन कींञ लगाडिय तयार केडा।” 24नआँ अँजोम केते दसो झन चेलाकू हेंकींञ मगियाकू धको वडा। 25#लूका 22:25,26हेनाते ईसु हेंकू राःकेड कुतेय कहनी तेडा, “अपे पपाड़ी तना कि अनजात रे अधिकारिकू हेंकू थरे कू राजेआ, अवुर बडे बडे कू हेंकू थरे हुकूम कू चलोआ। 26#मत्ती 23:11; मरकुस 9:35; लूका 22:26लेकिन अपे थरे न घयते अलो होयाऊ; अपे मेंडे कनय बडेअय बनोईय चहोः तन रेदो, हेंय अपे सेवा अयिय बनोऊ; 27अवुर कनय अपे मेंडे बडेअय बनोईय चहोः तन रेदो, हेंय अपे सेवा अयिय बनोऊ। 28हेंय होड़ इंञ घयतेय बनोऊ; इंञ होड़ होपोन इंञ एर सेवाः लगड बेगारिंञ मे-जा, लेकिन इंञ एटाःकू सेवा लगड अवुर अखीर होड़कू छडो कू लगड ईञाः जीव दाम राः रूप ते एमेय लगाडिंञ मेजकेना।”

बा होड़ अंद्हा कींञ चिकन एना

(मरकुस 10:46-52; लूका 18:35-43)

29हेना वरी ईसु अवुर चेला कुतय एरीहो सहर वरी उडूंग केनतेकू चलोः दोहो एनु, तहाँ हेंय तयोम ते अखीर होड़कू सेनतेडा। 30अवुर बा होड़ अंद्हा कींञ सँड़क अड़ी रेकींञ दुड़ूब तना, ईसु चलोः तना मेनाआँ अँजोम केते, हेंकींञ हाक हाक तेकींञ कहनी तेडा, “ओ परभु, दाऊद खनदान रेनियू, अलींञ थरेम दयाऊ।” 31होड़कू जपनो कोः लगड कू दबेट तेडकिञाँ; लेकिन हेंकींञ अवुर हाक हाक तेकींञ कहनी तेडा, “ओ परभु, दाऊद खनदान रेनियू, अलींञ थरेम दयाऊ।” 32हेना वरी ईसु चड़ाँ केनतेय राःतेड किञाँ, अवुरिय कहनी तेडा, “अबा चीबा ञँम बेड़ा यडा, अबा लगड चिंञ बनोआँ?” 33हेना वरी हेंकींञ कहनी तेडा, “ओ परभु, अलिंञ मेड मी जिज गोत्ते।” 34ईसु सोग वडकींञ ते हेंकींञ मे-डिय छुयों तेडा, अवुर हेंकींञ मेड तुरेत्ते जीजयानू; हेना वरी हेंय तयोम तेकींञ सेनतेडा।

Currently Selected:

मत्ती 20: ksz

Highlight

Copy