लूका 17

पाप रे फफसोकू

(मत्ती 18:6-7,21-22; मरकुस 9:42)

1फेर ईसु चेला कुतय थरेय कहनी तेडा, “नआँ दुनिया रे होड़कू भगवान वरी अलग कू लगड पाप राः परिक्छा मेज सकोआ। लेकिन पाप रे लोलोजोराय हेंय अखीर दुख रेय पड़ोआ! 2जे होड़ नेकू होड होडिंञकू मेंडे कनय मियाँहोड़ मेनिय एर पापू, हेंय होटोः तुरे जनता चकी तोलकेते, समुन्धर रे अटड़ गोत्तेयू, हेना हेंय लगड भला गिआ। 3#मत्ती 18:15हेनाते इंञ अपे सँवचेती तेपे दोहोन लगाडिंञ कहनी यडा, कनय भाई पापे रेदो हेंय दबेट केय तेपे समझो वियू, अवुर हेंय पाप वरिय पसतोः रेदो माफिय पे। 4अगर दिन भर रे सात छेव अपे राः बिरूध रेय पापे रेदो, सातो छेव अपे थरे मेजकोः तेय कहनियूँ, ‘इंञ पाप केड हेना वरिंञ पसतोः तना’ मेनतेय कहनिय रेदो हेंय सातो छेव पे माफियू।”

5तहाँ परेरितकू परभु थरे कू कहनी तेडा, “अम थरे बगरा ते बिसवासे लगड सहेतम ओवा ले।” 6परभु कहनी तेडा, “अपे राः बिसवास सरसों दना मेनमोट दोहोन रेदो, ‘तुड दुबी पटुः कोःते समुन्धर रे सेनकोःते जड़ी चुवेरुऊ’ मेनते पे कहनी वा रेदो, हेना अपे राः टेबोः अँजोम तेड मेनू।”

मियाँहोड़ हरवाह राः बुता

7ईसु कहनी तेडा, “मान ले अपे मेंडे कनय रेनिय हरवाह नंगारिय सी सी चहे भेड़ीं कुय चरो। अवुर हेंय खेत वरिय मेजुऊ, अपे हेंय थरे ‘तुरेत्ते मेजुः सी लेटे जोम लगड दुड़ूब मी’ मेनते एरो पे कहनी तेडा किदो? 8अवुर हेंय हँडेः तेय कहनियाँ, ‘इंञ लगड लेटेम इसीनू अवुर अनायीनिंञ जोमुः चरोः मेन दिन खियो पियोविंञ मी, हेना वरी तयोम ते अम होम जोमुऊ?’ 9हरवाहकू जिमा वडकुआ हेना काम कू काम हनिय रेहो मालिक हेंकू धन्यावाद एरोय ओवड कुआ। 10नेन घयते अपे हो भगवान राः सींड़ टेबोःपे मनो रेदो, अपे नआँ याःतेपे कहनियूँ, ‘अले आदर ञँम लायिक कोवा लेआ, अले दो हरवाहकू हवे, जे बुताम जिमा वडलेआ हेना भर ले बुता केडा’।”

ईसु दस झन कुड़गा तनकुय चिकन तेडा

11ईसु सामरिया अवुर गलील जिला मँझर ते एरुसलेम हनतेय चलोः दोहो एनु। 12हेन तोलोग मियाँटंग गाँव रेय बोल तोलोगू दस झन कुड़गा तनकुय ञँमतेडा। 13हेंकू सँगिंञ वरी हाक केनतेकू कहनी तेडा, “ओ ईसु, ओ मालिक, अले थरेम दयाऊ!” 14ईसु हेंकू थरेय कहनी तेडा, “चलोः पे, सेनकोःते अपन देंह आजककू पे तिःवा।” अवुर हेंकू चनालोः तोलोग कू सुद्ध यनु।

15हेंकू मेंडे रे मियाँहोड़ चिकन यनाञूँ मेनाः पपाड़ी केनते, अच्छाते भगवान बडेयवा तींग तेय मिड़ाः एना। 16अवुर हेंय ईसु कटा दुबी रे उकड़ुम केनतेय धन्यावाद वडिया। नेय होड़ सामरी देस रेनिय दोहो एना। 17तहाँ ईसु होंबोर तेडा, “दसो झन मेने पे सुद्ध गना किदो, फेर हेंकू नव झन करे कुआ? 18भगवान बडेयवा लगड नेय एटागी जात छोड़ अवुर कनय मेने दोहो गना किदो?” 19तहाँ ईसु हेनी थरेय कहनी तेडा, “अम इंञ थरेम बिसवास तेडा, हेनातेम चिकन यना रिमकोःते चलोःमी।”

बिसवास

(मत्ती 24:23-28,37-41)

20भगवान होड़कू थरे तिमीसीय राजेआ मेनते, मियाँ एस फरीसिकू ईसु कू होंबोर तेडा, हेना वरी ईसु हेंकुय लाय वडा, “भगवान राः राज मेड ते ञें-लेआ हेना घयते मेन ञेंलुआ। 21अवुर अँजोम पे, भगवान राः राज अपे जीवि पेरे इदाना, हेनाते होड़कू ‘न रेआ, मेना रेआ,’ मेनते एरो कू कहनी सको एना।”

22हेना वरी फेर चेला कुतय थरेय कहनी तेडा, “एयसा समय मेजुआ, अपे इंञ होड़ होपोन मेजुआ हेना दिन ञें-ले लगड पे पसींदेआ, लेकिन एरो पे ञेंल सको एना। 23इंञ होड़ होपोन मिड़ाः मेजियन मेनते अपे खभेर ञँमुआ, ‘हेंय न रेया’ चहे ‘मेना रेया’ मेनाः खभेर रे अलोपे बिसवासे, अवुर हेंकू तयोम ते अलोपे से-ने। 24पिलकेडवा तोलोग सींड़ कुकू ञें-लेआ, हेन घयते इंञ होड़ होपोन मेजुः चेका सींड़ कुकू ञेंलेञाँ। 25लेकिन हेना वरी पहील ते इंञ होड़ होपोन अखीर दूखिंञ सहोआ, अवुर न जुग रेनकू होड़कू इंञ कू नहकारिञाँ। 26इंञ होड़ होपोन फेरिंञ मिड़ाः मेजुः रे, दुनियाँ रेनकू होड़कू थरे, नूह#17:26नूह लेमेक कोड़ा होपोन दोहो एना, नूह राः जबाना रे सींड़कू उजड़ यन दोहो एनकू, लेकिन नूह धरमी होड़ दोहो एना। राः जबाना रे होया एना, हेन घयते होयाआ। 27नूह जहाज रे अनायीनिय रकब मेन दिन होड़कू जोमुः चरोःकू अवुर बर बियाहुः दोहो एनकू, तहाँ दाः भरो तिलतेड कुआ, अवुर कू बिलो यनु। 28अवुर लूत#17:28 लूत सदोम देस रेय दोहोन दोहोनू, लूत राः जबाना रे सदोम देस रेनकू होड़कू अखीर कू उजड़ यन दोहो एनु। राः जबाना रेहो होड़कू जोमुः चरोः दोहो एनु। लेन देनुऊ अवुर कू खेती बरीयू अवुर ओड़ाः कू बनो दोहो एनु। 29जे देवह सदोम देस वरी लूत उडूंग एना, तहाँ अगस वरी सलगोः हेना दिरी अवुर सेंगेल लोजोर केनते सींड़कू भूरटो गोजतेड कुआ। 30इंञ होड़ होपोन मेजुः चेका हो नेन घयते होयाआ।

31 # मत्ती 24:17,18; मरकुस 13:15,16 हेना चेका जे छत अगस रेय दोहोना, अवुर हेंय राः समान ओड़ाः रे दोहोनू, हेंय हेना उडूंग लगड अलोय अगड़ुऊ, नेन घयते कनाय खेत रे काम हेनी हो ओड़ाः हनते अलोय मिड़ाऊ। 32लूत इंगत कू ची एनायू उहयर तपे, सदोम राः चीज उहयर केते तयोम हनतेय तको तेड दो बूलुंग राः खुटाय बनो यनु। 33#मत्ती 10:39; 16:25; मरकुस 8:35; लूका 9:24; एहुन्‍ना 12:25कनय हो नआँ दुनियाँ राः जीवन बंचोवे मेनतेय पसींदेआ, हेंय अनेज राः जीव एरोय बंचो तेडा, अवुर कनय हो ईञाः चलते ते जीवितिय गँवों रेदो हेंय राः जीव बंचोआ। 34इंञ अपेंञ लाय वताना, हेना चेका बा होड़ मियाँ टंगाआ परकोम रेकींञ गितीज कोआ, मियाँहोड़ीय रिम गोगेया, मियाँहोड़ीय बगी अटु वया। 35अवुर बा होड़ कोड़ीकींञ मियाँ तेकींञ ददाड़ोआ, मियाँहोड़ीय रिम गोगेया, मियाँहोड़ीय बगी अटु वया। 36अवुर बा होड़ खेत रेकींञ बुताआ, मियाँहोड़ीय रिम गोगेया अवुर मियाँहोड़ीय बगी अटु वया।”

37नआँ अँजोम तेड सी हेंकू ईसु कू होंबोर तेडा, “परभु न करे होयाआ?” हेना वरी ईसु हेंकू थरेय कहनी तेडा, “जे जघा रे मड़ी मठी दोहोना, हें-डे गीद्धकू जवारुःआ।”

Currently Selected:

लूका 17: ksz

Highlight

Copy