ZEKARIA 4
4
1Mungelo yoze wahanjikile ni yami yeza nawa yangukasumuna, ngwe umwé yoze mamukasumuna ku tulo. 2Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali. 3Mitondo yiali ya olevwe yiliko, umwe ha chindume cha musenge ni ukwo ha chimeso. 4Yingwamba kuli mungelo yoze wahanjikile ni yami ngwami, Mwene wami, ajo jika? 5Mungelo yoze wahanjikile ni yami yamba ngwenyi, Kwajinyingikine? Yingwamba ngwami, Ka mwene wami. 6Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami. 7Ena mulundu unene, kuchi wapwa? Kumeso ja Zorobabele kumuupwa chana, mba kumakakundamisa luliwe lwa helu hakachi ka maliji a kukololoka ngwo, Vumbi, lukapwe ni vumbi! 8Chikwo nawa liji lia Yehova liejile kuli yami ngwenyi, 9Moko ja Zorobabele hasa fundamentu ja zuwo lino, ni moko jenyi mwene malimanuna. Henaho mununyingika Yehova-wa-Tujita wangutumine kuli yenu. 10Mumu iya halelesa tangwa lia yuma yikepe? Kumakawahilila; kumakamona prumo#4.10 Prumo—kamuhipu ka kweseka. mu kwoko lia Zorobabele.
Wano shimbiali o meso ja Yehova kakwendangana hashi heswe. 11Yingwamba kuli iye ngwami, Mitondo yino yiali ya olevwe yili ha chindume cha ndeya ni ha chimeso, ayo kuchi yapwa? 12Kamuchiali yingumuhula ngwami, Yino mitango yiali ya olevwe yili ku mihembo yiali ya oru kuze kunatuhukila maji a oru kuchi yapwa? 13Yamba kuli yami ngwenyi, Kwayinyingikine? Ngwami, Ka, mwene wami. 14Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.
Currently Selected:
ZEKARIA 4: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
