ZEKARIA 2
2
1Yinguhetula meso jami, yingumona umwe lunga ni muhipu wa kweseka nawo mu kwoko lienyi. 2Yingwamba ngwami, Kuli unayi? Aye yangukumbulula ngwenyi, Ngunayi mukweseka Yerusaleme, ngunyingike utohe wayo ni usuhe wayo. 3Mwe mungelo yoze te unahanjika ni yami yakundama, ni mungelo mukwo yakundama akatakane nenyi. 4Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna. 5Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.
6Ivwenu! Ivwenu! Yehova kanambe ngwenyi, Chinenu chifuchi cha ku Norte. Mumu nanumwangine mwamwa ngwe fuji jiwana ja malilu. Chocho kanambe Yehova. 7Ivwenu yenu nwakutwama mu mwana-pwo Babilonia, chinyinenu ku Zaione. 8Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso), 9wambile ngwenyi, Mungukapula kwoko liami hali ayo mba malumuka upite wa kupupa kuli waze aavumbikile. Henaho mununyingika Yehova-wa-Tujita wangutumine. 10Mwana-pwo Zaione, imba! Wahilila! Mumu Yehova kanambe ngwenyi, Mungwiza ngutwame hakachi kenu. 11Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu. 12Mba Yehova mahinga Yunda ngwe chihinga chenyi mu chifuchi chisandu, matongola Yerusaleme nawa.
13Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.
Currently Selected:
ZEKARIA 2: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
