Mabandela 15
15
1Na mbis’e mambi maye munya mombe Yawe moyi ombe Abalama sub’o mobonono, bolobak’ete, “T’oyokake bongo, Abalama: Ngai nanga ngub’e yo, mpe likonda li yo li ebali bone nguya.” 2Abalama alobi ete, “E, Mokonzi Yawe, okoyis’ompe nde, enga ngai bolongwaka mwana bosengaka, mpe yeye okotuka bomboka bo ngai anga O‐Damaseke Eliezele?” 3Abalama alobi ete, “Bakeka, ombe ngai Y’oliki nde o pe libota ka: nde, bakeka, mok’obotibwi o ndako e ngai anga motuki o ngai.” 4Mpe, bakeka, munya mombe Yawe moyi ombe Abalama, bolobak’ete, “Mot’oyo akozala nde o zala motuki o yo ka; nde yeye okopim’o moi mo yo momene, yeye akozala motuki o yo.”
5Amokambi sei, mpe alobi ete, “Kekaka miso co na likolo, mpe bekeke mioto mituya, ndiki y’okoyisa nomibeke:” mpe amolobeli ete, “Libota li yo likozala se bongo.”
6Mpe Abalama ayambeli Yawe; mpe Yawe asekisi bong’ombe yeye ete nde boyengebeni. 7Amolobeli Yeye ’te, “Ngai nanga Yawe okopimisi o Ula e Ba‐Kasada, nokopese nc’eye oituka se libula.” 8Abalama yeye ’te, “E, Mokonzi Yawe, nakoyeb’ete nakoituka na nde?”
9Mpe amolobeli, Yeye ’te, “Onkweela ngombo e mwene eka mibu misato, mpe ntab’e mwen’eka mibu misato, mpe mbat’e bwele eka mibu misato, mp’empompo, mpe liasa li ebenga.” 10Amokweeli biye bincoki, mpe abiyatoli bing’o ntantei, mpe atandoli biyeti‐biyeti nconga‐nconga: nde mileke aliki nde o miyatola ka. 11Nkombembele lisundi o bibembe, mpe Abalama alibengisi.
12E kweti nkumba Abalama akiti ngoli bo: mpe, bakeka, mangei ma liti line mamokiteli. 13Yawe alobi ombe Abalama, Yeye ’te, “Yebaka se solo ete libota li yo likozala babutu o nc’enga nd’e bango ka, mpe bakobasalela; mpe bango bakobanyokolo mibu minkama minei; 14mpe liboko linya, li kosalela bango, Ngai nakolitendele: mpe na mbisa bango bakopima na bikatela biyike. 15Nde y’okoke ombe basango ba yo na nyile; y’okokundibwa na bokokoto bolamu. 16Mpe o ndemb’e libota li manei bakoya weni bisa: nowela bosoki bombe Ba‐Amola bonga nde nani o koka ka.”
17Eliki ete, e sili nkumba nokwete, mp’eka liti, bakeka, eleng’e meya etutwaki misila, mpe mwendi bololaka moleki o ntantei e biyeti binya. 18Se o busa bonya Yawe abengoli mbengu na Abalama, bolobak’ete, “Naopese libota li yo nc’eye, kum’o ebal’e Ezipeto we ki o ebal’ene, ebal’e Pelata: 19Ba‐Kene, mpe na Ba‐Keneze, mpe na Ba‐Kadamona, 20mpe na Ba‐Ete, mpe na Ba‐Peleze, mpe na Ba‐Lepa, 21mpe na Ba‐Amola, mpe na Ba‐Kanana, mpe na Ba‐Giligasa, mpe na Ba‐Yebusa.”
Currently Selected:
Mabandela 15: BANGI
Highlight
Share
Copy
Want to have your highlights saved across all your devices? Sign up or sign in
Published by the Baptist Missionary Society 1905-1916.