Markus 7

Su bo iil le ndro Jesu le nongen asu.

1Bersi su Pharisi e su ndremda bohernou ber Jerusalem su me ndro Jesu. 2Su ilndri su lao ad Jeus su da ian gan su de surhi nemesu hanu bui, su habai su. 3Su Pharisi e su Juda masi su surhi nemesu sidesi be su gain gan, dogoro su hinen nongen asu labenen ber goru. 4Dogoro su iao bah, su me lie su surhi su hanu, boen su ian gan. Dogoro su hinen longu mabosanged su surhi lumiandran, boged, lus ma geao asu. 5Malabo su Pharisi e su ndremda bohernou su boi me ndro Jesu: Desa su lao adem su de hinen nongen asu labenen ber goru bui, su ian gan ansu, su ma de surhi nemesu? 6Jesu i bode: Uomu ndremda bahilou, nongen ad Jesaia monen ge, i hondre dogoru: Su ndramed ogo su bamugueni io le bohosu ge, su hangaini io le bergolsu. 7Longu asu e mburer asu molhege, su henunuen su lao le nongen asu ndramed ge, ad Jehova bui. 8Uomu gin bieni nongen ad Jehova mu hinen nongen asu ndramed ge, a mu surhi longu ademu sidesi ma longu mabosanged dagara. 9Boen i boi me ndro su lie: Ndangen uomu gin bieni nongen ad Jehova, boen mu ghinen nongen ademu lie. 10Mose gin bai: Orgulue dam orgulue nanem, e: Homo i habai damen sor nanen, hian su daii, i na gmed ge. 11Uomu bode: Homo i gboi le ndro damen sor nanen: Korban, i vonei: Longu hendre ogo ademor, io dohor Jehova leri lie aga hian. 12Dagara mu henunuen su, su de gulue damsu e nanesu bui, 13mu bieni nongen ad Jehova, mu surieni le nongen ademu, nongen molhege. Mu hinen longu mabosanged dege ogoro. 14Boen Jesu i loh su masi beg henunuen su, i boi: Mu ghirong, mu ghanguruen nongen ogo: 15Longu masi hom ndramed ieni, i de hinen ndramed momen bui, longu masi i meher mendi, aga i hinen ndramed momen. 16Homo ma delegan, hian i ghirong nongen ordo! 17Muren su gin me um su lao aden su ndemani i le nongen dohongein aden. 18Jesu i boi me ndro su: Uomu hisa, danmu bui e? Mu de hirong bui, longu masi me le ndrne ndramed i danen de hinen i ndramed momen bui. 19I de me la bergoln bui, le ge ndrnen, muren me lendi lie, le iao sal aden! Dagara i bosou gan masi hian ge. 20Longu masi meher le boho ndramed, i hinen i, i momen. 21Bergoln i hangungrou longu masi momen, i beg sungsou, i beg rui bihin, i beg rii homou, 22beg i behena, i meruan soln, i bahilou, i rodi i, ngongong. 23Longu masi momen meher bergoln, i hinen i ndramed momen.

Jesu ma hom bihin ber Tirus.

24Boen i dne i la gor asu Tirus e Sidon. Le um hom, i mbueren dansu i dari, i danen de gohoni bui. 25Hom bihin hirong le Jesu, ndurn, snel i da ndro i, i me godurhu le ngondrnegen. 26I bihin hom bihin Grek Sirovanisi, me ndemani i, a i robuldi snel ir ndro ndurn. 27Jesu i boi me ndro i: Hian su glug gan me ansu ndurn hanu su mosesu. I de monen bui su hur gan ansu ansu ndurn su bieni le ndro su mui. 28I bihin, i boi: Ndangen, Ndorlaben, gan ansu ndurn gsou, nogden ge i los le boan, ndurmui gieni. 29Jesu i boi me ndro i: Nongen adem hian, aiu al um aden, snel ad ndurm gineao. 30I la um aden i ilndri ndurn, i da medir berle, snel gineao.

Jesu sobani homo bohon ma delengan bui.

31Muren Jesu i bieni gor asu Tirus e Sidon i mul le gor asu Galilea Degabolis. 32Su la hur hom gamel me ndro i, delengan bui, danen nongen bui, su ndemani i, i regurdueni le hian. 33Jesu hedi i, sor la heb lendi, ilgi gobnemen le delengan, i rogumbunhi, i dori germen, 34i dendrai le belengan le ndro Jehova, i ngundr, i boi: Hevata! i vonei: Audi! 35Malabo delengan i deh, germen i ruai i danen nongen monen. 36Jesu sendraini su i boi: Mbue su gabsou gle ndro homo. Sidesi i sendraini su, sidesi su boharni le ndro su masi. 37Meluasu masi i ieb su boi: I hinen longu masi hian ge, delengasu bui su hirong lie, bohosu bui, dansu nongen.

Currently Selected:

Markus 7: LLENT

Highlight

Copy