Matthew 17

Yesuusa Malay Laametteedda

(Mar 9:2-13; Luq 9:28-36)

1Yesuusi usuppun gallassaappe guyyiyan, barenanna Phexiroosa, Yayiqoobanne, Yayiqooba ishaa Yohaannisa akkiide, unttunttu xalalaa wogga deriyaa huuphiyaa kesseedda. #2Phx 1:17-18 2Qassi unttunttu xeellishshin, unttunttu sinthaan laametteedda; A deemuu awayfiyaadaan poo7eedda; A mayuukka poo7uwaadan phooleedda. 3Musenne Eelaas Yesuusanna haasayishshin, ha heezzu A kaalliyawanttu be7eeddino. 4Phexiroosi Yesuusa, <<Ta Godaw, nuuni hawaan de7iyaawe nuussi lo77a; neeni dosooppe, nuuni hawaan heezzu daasiyaa ittuwa new, ittuwa Musew, ittuwa Eelaasaw keexxana>> yaageedda.

5I haasayishshin, poo7iyaa shaarii yiinne unttuntta kammi aggeedda; shaariyaa giddoppe, <<Hawe taani siiqiyaa taana nashechchiyaa ta Na7aa; I giyaawaa sisite>> giya qaalay yeedda. #Dom 22:2; Zar 18:15; Maz 2:7; Isa 42:1; Mat 3:17; 12:18; Mar 1:11; Luq 3:22

6A kaalliyawanttu he qaalaa siseedda wode, daro yayyiide, guufanni aggeeddino. 7Yesuusi unttunttukko yiide, unttuntta bochchiide, <<Denddite; yayyoppite>> yaageedda. 8Unttunttu dhoqqu giide xeelliyaa wode, Yesuusa xalalaappe attin, hara asaa oonanne be7ibeykkino.

9Unttunttu deriyaappe wodhdhishshin, Yesuusi unttuntta, <<Taani Asa Na7ay, hayquwaappe denddana gakkanaw, ha hinttenttu be77eeddawaa oossinne odoppite>> yaagiide azazeedda.

10A kaalliyawanttu Yesuusa, <<Yaatina, higgiyaa tamaarissiyaawanttu ayissi, <Eelaas kasetiide yaanaw bessee> giinoo?>> yaagiide oochcheeddino. #Mil 4:5

11I zaariide yaageedda; <<Eelaas kaset yiide, ubbabaa giigissanawaa. 12Shin taani hinttenttoo oday; Eelaas hawaappe kase yidiggeedda. Hewode asay A, barenttoo koyyeeddawaadan ubbaa ootheeddawaappe attin A eribeykkino; hewaadankka, qassi taana, Asa Na7aa, asay waayissanawaa>> yaageedda.

13A kaalliyawanttu he wode barenttoo Yesuusi Xammaqiyaa Yohaannisabaa odiyaawaa akeekeeddino.

Yesuusi Iita ayyanay Oyqqeedda Na7aa Patheedda

(Mar 9:14-29; Luq 9:37-43)

14Unttunttu daro asaakko yeedda wode, itti bitani Yesuusakko yiide, A sinthaan gulbbatiide, 15<<Ta Godaw, ta na7aa wozanaa bayizziyaa harggii oyqqina, I daro wode tamaan, qassi daro wode haathaan kunddiyaa diraw, I darii sakettee; A pathaarikki. 16Neena kaalliyaawanttukkokka A ahaaddi; shin pathanaw danddayibeykkino>> yaageedda.

17Yesuusi zaariide unttuntta, <<Ammanenna ha wodiyaa geella asaw! Taani hinttenanna awude gakkanaw de7anee? Qassi hinttenttubaa awude gakkanaw danddayanee? Na7aa taakko haa akkiide yiite>> yaageedda. 18Yesuusi iita ayyaana, <<Aappe kesa>> giide azazina, iita ayyanay na7aappe kesi aggeedda; ellekka na7ay paxi aggeedda.

19Hewaappe guyyiyan, A kaalliyawanttu barenttu xalala Yesuusakko yiide, <<Nuuni iita ayyaana kessanaw ayissi danddayibeykkoo?>> yaageeddino.

20Yesuusi unttuntta yaageedda; <<Hewe hinttenttu ammanuu guuxxeedda diraassa; taani hinttenttoo tumuwaa oday; hinttenttoo sannaaficiyaa geetettiyaa guutha mithatti ayfiya keena ammanuu de7intto, hinttenttu ha deriyaa, <Hawaappe yaa shiiqa> yaagintto I shiiqana; hinttenttu ayaanne oothanawukka danddayanita. 21Shin hawaa malaa woosaappenne xoomaappe harabay kessanaw danddayenna>> yaageedda.

Yesuusi Bare Hayquwaabaa Laa7enthuwaa Odeedda

(Mar 9:30-32; Luq 9:43-45)

22A kaalliyawanttu Galiilaan, ittippe shiiqi utti de7ishshin, Yesuusi unttuntta, <<Taana, Asa Na7aa, asay asaw aathiide immana. 23Asay taana wodhanawaa; hewaappe guyyiyan taani heezzenthiyaa gallassi hayquwaappe denddana>> yaageedda. A kaalliyawanttu daro qaretteeddino.

Geeshsha Golliyaa Giiraa Giiriyaawaa

24Yesuusinne A kaalliyawanttu Qifirinaahooma katamaa yeedda wode, Geeshsha Golliyaassi qaraxaa akkiyawanttu Phexiroosakko yiide, <<Hinttentta tamarissiyaawe Geeshsha Golliyaa giiraa giirennee?>> yaageeddino. #Kes 30:13; 38:26

25I zaariide, <<Giiree>> yaageedda.

Phexiroosi soy geleedda wode, Yesuusi kasetiide A, <<Simoonaa, ne qofay ayee? Ha sa7aa kaatatuu qaraxaa woy giiraa ooppe akkiinoo? Barenttu gadiya asaappe akkiinoo woy hara gadiya asaappe akkiinoo?>> yaageedda.

26Phexiroosi, <<Hara gadiya asaappe akkiino>> yaageedda.

Yesuusi Phexiroosa, <<Yaatooppe, gadiya asay giiranaw bessenna. 27Shin nuuni ha asatuwa hanqqethanaw koyyokko; neeni abbaa baade aani dabbaa yegga; yaataade koyro kesiyaa moliyaa oyqqaade, A doonaa pooqiyaa wode, giiraw gidiyaa miishshaa neeni demmana. Hewaa akkaade, ta giiraanne ne giiraa unttunttoo imma>> yaageedda.

Currently Selected:

Matthew 17: dwrNT

Highlight

Copy