Markus 12:29-31

Antua jawab dia kata, “Parenta yang paleng panting, yang partama tu bagini, ‘Hoe orang-orang Israel e, pasang talingang la dengar bae-bae! Tuhan tu katong pung Allah. Tuhan tu cuma ada satu areng-areng sa. Kamong musti sayang Tuhan Allah yang kamong somba tu deng kamong pung hati antero-antero, kamong pung jiwa antero-antero, kamong pung pikirang antero-antero, deng kamong pung kuat antero-antero.’ La parenta yang kadua tu bagini, ‘Sayang orang laeng macang deng kamong sayang kamong pung diri sandiri.’ Seng ada parenta laeng yang labe panting dari dua parenta tu.”