যোহননা 5

দা·আও সাকসা সাগিবা নামজক

1ইয়ারাংনি জা·মানো যীশু যিরূশালেমচানা রি·য়াংজক, মুয়ানা উয়া সময়ও যিহূদীরাংনি গি·সা পর্ব দংআমিং। 2যিরূশালেমো মেষ দ·গাচিলনি সেফাংও চিবল গি·সা দংআ; উনো নকখিমগ্মাং চিগাত দামবংআ দংআ। ইব্রীয় খু·সুকচা উখো বৈথেস্‌দা মিংআ। 3উয়া হা·দামরাংও বাং·বিয়া সাগিবা মান্দিরাং গা·আকে দংনুয়ামিং। কানা, জা·খোরা, আরো বে·এন সিক্রেপগিবারাংবা উরাংও দংআমিং।

4সাকসা সা·গ্রে মিত্তাম সময়ও রি·বাএ উয়া চিবলো হং·খাতে চিখো মজিমেতনুয়ামিং, আরো উনি জা·মানোন জে সাগিবা মান্দি চিও স্খাং হং·খাতনুয়ামিং বিনি সাবিসিরাং নাম্মাংনুয়ামিং। উয়া সাগিবারাং উয়ো চি মজিমানা নিচাকসোএ দংনুয়ামিং।

5বিলসি খলাৎচিচেৎনা সাএ দংগিবা সাকসা মান্দিবা উনো দংআমিং। 6বাং·বিয়া সালোনি বিনি ইন্দাকে গা·আকে দংআখো হা·আইএ যীশু বিখো সিং·জক, “না·আ নামনা হা·সিকামা?”

7সাগিবা মান্দি আগানচাকজক, “চি মজিমমিত্তিংও আংখো চিবলও হং·খাতেতনা গিত্তা আংনি মান্দি সাকসাবা দংজা। আংনি রি·য়াংনা স্খাংআন সাকগিপ্পিন চিও হং·খাতারিংআ।”

8যীশু বিখো আগানজক, “চাখাতবো, নাং·নি থুচাকানিখো দি·থমে রামা রি·বো।” 9উনোন উয়া মান্দি নামজক আরো বিনি থুচাকানিখো দি·থমে রামা রি·না হা·বাচেংজক।

উয়া সাল নেং·থাকানি সালমিং। 10ইনি গিম্মিন যিহূদীনি দাল·বাৎগিবারাং উয়া নাম্মেতগিবা মান্দিখো আগানজক, “দা·আল নেং·থাকানি সাল; থরমনি নিয়াম গিত্তা থুচাকানিখো দি·থমে রা·না খ্রাজা।”

11উনোন বিয়া উয়া দাল·গিবারাংনা আগানজক, “ইন্দিবা আংখো নাম্মেতগিবান আংনা আগানজক, ‘নাং·নি থুচাকানিখো দি·থমে রামা রি·বো।’ ”

12বিসং উয়া মান্দিখো সিং·জক, “ ‘নাং·নি থুচাকানিখো দি·থমে রামা রি·বো,’ ইন্নে আগানগিবা উয়া মান্দি সা?” 13ইন্দিবা উয়া মান্দি বিয়া সা উখো হা·আইজামিং, মুয়ানা উয়া হা·দামও বাং·বিয়া মান্দি দংআনি গিম্মিন যীশু উয়োনি রি·য়াংজকমিং।

14উনি জা·মানো যীশু উয়া মান্দিখো থরম নক্কো গ্রংএ আগানজক, “নিবো, না·আ নামজক। দা·আ পাপ দাক্কাবো, জেদাক্কে নাং·নি নামগিজানি হং·জা।” 15উনোন উয়া মান্দি যিহূদীনি দাল·বাৎগিবারাংচা রি·য়াংএ বিখো নাম্মেতগিবা যীশু ইন্নে আগানজক।

দেফান্থিনি বিল

16নেং·থাকানি সালো যীশু ইয়া কামরাংখো দাক্কিংআমিং ইন্নে যিহূদী দাল·গিবারাং বিখো স·ওতে গালনা হাম·জকমিং। 17উনোন বিয়া উয়া দাল·গিবারাংনা আগানজক, “আংনি ফা ফাংনান কাম দাক্কিংআ আরো আংআবা দাক্কিংআ।”

18যীশুনি ইন্দাকে আগানানি গিম্মিন যিহূদীরাংনি দাল·গিবারাং বিখো স·ওতে গালনা হাম·জক, মুয়ানা বিয়া নেং·থাকানি সালনি নিয়ামখো ফি·ইংআমিং ইয়াসান হং·জা, ইসলখো আন·থাংনি ফাগিবা ইন্নে রিক্কামে আন·থাংখো ইসল গিত্তা দাল·নিকজকমিং।

19উনি গিম্মিন যীশু উয়া দাল·গিবারাংনা আগানজক, “আংআ বিবিন না·সংনা আগানিংআ, দেফান্থি আন·থাংওনি মামুংখোন দাকনা মান·জা। ফাগিবাখো জেখো দাক্কাখো নিক্কা উখোসান দাকনা মা·ন্না, মুয়ানা ফাগিবা জেখো দাক্কা দেফান্থিবা উখোন দাক্কা। 20ফাগিবা দেফান্থিনা খা·সাআ আরো বিয়া আন·থাং জেখো দাক্কা উখো দেফান্থিনা ফিন্নিকা। বিয়া ইরাংনাবা দাল·বাৎগিবা কামরাংখো দেফান্থিনা ফিন্নিকনুয়া, জেদাক্কে দেফান্থিনি উয়া কামরাংখো দাক্কাখো নিক্কে না·সং আইয়াও ইনমানা। 21ফাগিবা জেদাক্কে সিগিবারাংনা জাংগিখো হ·ন্নে চাখাত্তেতা উয়ানদাক্কেন দেফান্থিবা জেনা হা·সিকা বিনা জাংগিখো হ·ন্না। 22ফাগিবা দারাংখোবা বিচাল দাকজা, ইন্দিবা গিম্মিক বিচাল দাক্কানিখো দেফান্থিনা হন·জক, 23ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

24“আংআ না·সংনা বিবিন আগানিংআ, আংনি আগানাখো জে খিন্নাচাকা আরো জে আংখো ওয়াত্তেতগিবাখো বিবিরা·আ বিয়া ফাংনাজলনি জাংগিখো মান·জক। বিখো গ্রো নাংগিবা ইন্নে ফতজানুয়া; বিয়াদে সিয়াওনি জাংগিওনা গা·বাতজক। 25আংআ না·সংনা বিবিন আগানিংআ, ইন্দাকগিবা সাল রি·বাংজক, ইন্দিবা দা·আওন সকজক, জে সময়ও সিগিবারাং ইসলনি দেফান্থিনি খু·রাংখো খিন্নানুয়া আরো খিন্নাগিবারাং থাংচানুয়া। 26মুয়ানা জেদাক্কে ফাগিবা আন·থাংআন জাংগি মান·রিকগিবা হং·আ উয়ানদাক্কেন বিয়া দেফান্থিখোবা জাংগি মান·রিকগিবা হং·খানা হন·জক।

27ফাগিবা দেফান্থিনা মান্দিরাংখো বিচাল দাকনা বিল হন·জক, মুয়ানা বিয়া মান্দিনি দেফান্থি হং·আ। 28ইখো খিন্নাএ দা·আ আইয়াও ইনমানাবো, মুয়ানা ইন্দাকগিবা সাল রি·বাংজক, জেরাং গোপরামও দংআ বিসং দিমদাকান মান্দিনি দেফান্থিনি খু·রাংখো খিন্নাএ হং·খাতে রি·বানুয়া। 29নামগিবা কামখো দাকগিবারাং জাংগিখো মা·ন্না চাখাতনুয়া, আরো নামগিজা কামখো দাকগিবারাং শাস্তিখো মা·ন্না চাখাতনুয়া। 30আংআ আন·থাংওনি মামুংখোবা দাকনা মান·জা; জেদাক্কে খিন্না উগিত্তান বিচাল দাক্কা। আংআ খাকখেৎ দাক্কে বিচাল দাক্কা, মুয়ানা আংআ আংনি হা·সিকা গিত্তা কাম দাকনা হাম·জা ইন্দিবা আংখো ওয়াত্তেতগিবানি হা·সিকা গিত্তান কাম দাকনা হা·ম্মা।

গিত্তেল যীশুনি গিম্মিনো সাক্ষি

31“আংআ আন·থাংনি গিম্মিন সাক্ষি হ·ন্নোদে আংনি উয়া সাক্ষি হ·ন্না বিবি হং·জা। 32আংনি গিম্মিন সাক্ষি হন·গিবা সাকগিপ্পিন দংআ, আরো আংআ হা·আইয়া আংনি গিম্মিন বিনি সাক্ষি হ·ন্না বিবি হং·আ। 33না·সং যোহনচা সিং·না ওয়াত্তেতামিং, আরো বিয়া বিবিনি হং·এ সাক্ষি হন·জক। 34আংআ মান্দিনি সাক্ষি হ·ন্নাও ফাংচাকজা, ইন্দিবা না·সং জেদাক্কে পাপওনি জকনা মা·ন্না উনি গিম্মিন ইয়া খাৎথারাংখো আগানিংআ। 35যোহনআন থেং·সুয়াখো হন·গিবা উয়া চিং·গিবা চাক্কি হং·আমিং; না·সং বাং·গিজা সালনা উয়া থেং·সুয়াও হান·সেংনা হা·ম্মামিং। 36ইন্দিবা যোহননি সাক্ষিনা বাত্তে দাল·বাৎগিবা সাক্ষি আংচা দংআ, মুয়ানা ফাগিবা আংনা জে কামরাংখো দাকনা হ·ন্না উরাংখোন আংআ দাক্কিংআ। আরো ফাগিবান আংখো ওয়াত্তেতজক ইন্নে উরাং আংনি গিম্মিন সাক্ষি হ·ন্না। 37আংখো ওয়াত্তেতগিবা, উয়া আপফা, বিয়া আন·থাংআন আংনি গিম্মিন সাক্ষি হন·জক। না·সং মামুং সালোবা বিনি খু·রাংখো খিন্নাখুজা, মিকখাং বিমাংখোবা নিকখুজা। 38ইনাআগ্রেবা বিনি খাৎথা না·সংনি খা·থংও দংখামজা, মুয়ানা বিয়া জেখো ওয়াত্তেতজক বিখো না·সং বিবিরা·জা। 39না·সং রংথালগিবা শাস্ত্রখো গিসিক নাংএ পড়িয়া, মুয়ানা উয়োন না·সং ফাংনাজলনি জাংগিখো মা·ন্নুয়া ইন্নে চানচিয়া। ইন্দিবা উয়া শাস্ত্রদে আংনি বিদিংওন সাক্ষি হ·ন্না; 40ইন্দাকোবা জাংগি মা·ন্না গিত্তা না·সং আংচানা রি·বানা হা·সিকজা।

41“আংআ মান্দিনি রাসংখো মা·ন্না হাম·জা, 42ইন্দিবা আংআ না·সংখো হা·আইয়া। আংআ হা·আইয়া না·সংনি খা·থংও ইসলনা খা·ফাক্কা দংজা। 43আংআ আংনি ফাগিবানি বিমুংও রি·বাজক আরো না·সং আংখো রা·চাকজাংআ; ইন্দিবা সাকগিপ্পিন আন·থাংনি বিমুংও রি·বাওদে বিখো না·সং রা·চাকনুয়া। 44না·সং সাকসা সাকগিপ্পিনচাখো রাসংখো মা·ন্না হা·ম্মা, ইন্দিবা সাকসানগিবা ইসলোনিখো মান·গিবা রাসংখো হাম·জা। ইনি জা·মানো না·সং বাদিকে দাক্কে বিবিরা·না মা·ন্না? 45আপফাচা আংআ না·সংখো গ্রো নাংগিবা ইন্নে ফতনুয়া ইন্দাকে দা·আ চানচিয়াবো; ইন্দিবা জে মোশিনা না·সং খা·দংএ দংআ উয়া মোশিন না·সংখো গ্রো নাংগিবা ইন্নে ফতজক।

46না·সং মোশিখো বিবিরা·ওদে আংখোবা বিবিরা·নুয়ামিং, মুয়ানা মোশিদে আংনি বিদিংওন চকজক। 47ইন্দিবা না·সং বিনি চক্কাখোন বিবিরা·জাওদে বাদিকে দাক্কে আংনি আগানাখো বিবিরা·নুয়া?”

Currently Selected:

যোহননা 5: GLNT

Highlight

Copy