Jean 15

Jesus la yibibili yimuiri aguiburi mirayisan

1Menu la yibibili yimuiri aguiburi mirayisan na Tata ami la muvaritsi. 2Yitayi yiotsu ayivu yika bimfiamfili eyitabuli na yitayi yiotsu ayivu na magaji eyibali yiri yiubura buranga. 3Malongi ama nyimadulonsa mamaduliomisa mirima kala. 4Fubana mirima nami na nyufubana murima nenu. Yitayi yigorungula ubura milunda pa yigaa yinama mu yibibili yimuiri; munongu mosi jenu dugorungula ufunanga pa dusakafubana murima nami.

5Menu la yibibili yimuiri, jenu la bitayi. Jandi omafubana murima nami orungula uAinanga mu mbari nyimafubana muiima nandi. 6Nana bebuayili bitayi bigumuga o muji munongu mosi pa mutu asakafubana murima nami obuagu o muji. 7Pa dumafubana mirima nami na pa mambu mami megulunu nenu wivulanu adi duvu na nsala na dionyi diuduvagulu. 8Taji ami ododusu pa jenu dufunanga nobanganga badukitsi bami. 9Nana Tata amatondila menu wami nyimaduronda. Jabanu durondu duami. 10Pa jenu duikelisingi maruma mami, dujaba durondu duami; munongu mosi nyinokelisa maruma maTata ami nyimajaba durondu duandi.

11Nyimadutsingula mambu meni yiri dulaba nsangu nana nyijilabili na nsangu enu jiuba jineni. 12Maruma mami amama rie: Rondasananu nana nyimadurondila. 13Durondu aduvu tindi durondu dulasu ava mutu oveyila monyu andi mu diambu dibambatsi bandi. 14Jenu duji bambatsi bami pa duikelisi maruma mami. 15Ngemuedunengila basalitsi mu mbari musalitsi agejabi adi fumu andi evayi tumba nyidunengili bambatsi mu mbari nyimadujabisa motsu ama nyimagulu ombu Tata ami. 16Tsiri jenu adumansola tumba menu nyimadusola. Nyimadusindiga ufunanga. Diwendi rie: Ama duwivula Tata mu diina diami oduvega. 17Kabogu nyidurumi rie: Rondasananu.

Bisi bulongu bamavina Jesus na batu bandi

18Pa bisi bulongu beduvini, jabanu yiri bamalepina. 19Mbe duji bisi bulongu mbe dumarondu nogu tumba nyimadusola la dibandu beduvinini. 20Rangiminanu diambu adi nyimadutsingula rie: Musalitsi agevioyi fumu andi buneni. Pa bamakuana kabogu bodukuananga wandi; mbe bamakulungu mbe bodugulungu wandi. 21Tumba bodulasa uvura mu motsu mu diambu didiina diami mu mbari bagejabi omansindiga. 22Mbe nyisamaruga uyibalonsa mbe bagaa na mbela tumba nyimaruga kabogu besaa na ndunga. 23Jandi oyipini evini Taji ami wandi. 24Mbe nyisamabalasa bisahi abisakasalu na batu basusu mbe bagaa na mbela tumba banondaba na bisalu biami bamatuvina, jetu na Tata. 25Tumba dionyi dimalabana yiri mbembu ajimasonugu mu mugaga ogu jiudugusu rie: Bamapina na nyisamabavaga diambu, diwendi rie: divina diogu disamaba na dibandu.

26Muwamusi oruga, jandi la Yinyunyi Yingensa agunigasana ombu Tata. Nyumusindiga mu diina diTata na jandi oposila amami. 27Onsingisila bumbeji na jenu wenu dubusingisila mu mbari duji nami ubanda va dibandu.

Currently Selected:

Jean 15: PUU1992

Highlight

Copy