'Olic 46
46
Mikapot ko Kawas i Titaanan
O nitilidan no tloc no ngasaw ni Korah a radiw. Mapatorod i kakridan no paradiway. O no <<O Kaying>> a hacong ko saparadiw.
1O piki'adingan ita ko Kawas ato 'icel ita,
yo mapades kita i, ira Cingra a mipadama.
2Orasaka, ano mangerngernger ko sra,
ano mapraprar ko tokos a talasifo' no riyar,
3ano harenghengheng#46.3 harenghengheng -- o roma i, macowaco' (ka'amis), mahenghenghengheng. ko riyar a cifolang a mingernger to tokos i,
caay ko katalawan ita.
4Ira ko ccay a 'alo,
mapalipahak no kalidkid no nanom ko niyaro' no Kawas,
oya Fangcalay Kaitiraan no Isatakaraway a Kawas.
5Maro' tora niyaro' ko Kawas,
caay ko mamangiyangi konini a niyaro',
ta^ngad saho i, irato ko Kawas a mipadama tonini a niyaro'.
6Marawraw ko kasafinacadan,
mangiyangi ko kasakitakit,
palimo'ot han no Kawas cangra i,
laso'or sato ko sra.
7Mikapot ko mikomoday a Tapang i titaanan,
o pilimekan ita Cingra o Kawas ni Yakop.
8Katayni a minengneng to nidmakan no Tapang,
o kafahka'an ko nidmakan Ningra i tini i hkal.
9Piteken no Tapang ko pana' ato 'idoc,
todohen Ningra ko sapilood a paliding a patrep to kalalood i tini i cowacowa no hkal.
10Sowal sa Cingra, <<Katomrep, akato ka lalood,
kafana' to nika o Kawas Kako.
O kangodoan no kasakitakit Kako, o kangodoan no polong no hkal Kako,>> saan.
11Mikapot ko mikomoday a Tapang i titaanan,
o pilimekan ita Cingra o Kawas ni Yakop.
Currently Selected:
'Olic 46: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
