'Olic 36
36
O Faloco' no Tatiihay a Tamdaw
O 'olic ni Tafiti, o matayalay no Tapang. Mapatorod i kakridan no paradiway.
1Paoraor a pasowal ko raraw i faloco' no tatiihay a tamdaw,
<<Hamamaan ko Kawas, aka ka talaw i Cingraan!>> saan.
2Misalata'ata'ang ko ciraraway a tamdaw,
caay ka hapinang no Kawas ko raraw ako, caay ko mamitfoc Cingra to raraw ako, saan cingra.
3Sahto o tatiihay ato misafana'ay ko sowal ningra,
malasawadto ko sakafana' ningra a miharateng to nga'ayay a dmak.
4Ano i kafoti'anto cingra i,
misahalaka cingra to tatiihay a dmak,
caayto ka sapisawadan cingra to tatiihay a dmak.
O Nika Nga'ay no Kawas
5 Tapangaw, maldef i kakarayan ko caay ka falic a olah Iso,
tangasato i to'em ko nika takaraw no so'lin Iso.
6Matiya o nika tanektek no takaraway a lotok ko nika tanektek no mo^celay a dmak Iso.
Matiya o nika talolong no riyar ko nika talolong no pihapinang Iso.
Tapangaw, madipot Iso ko tamdaw ato pina'orip a ma^min.
7Kawasaw, wata: ko nika tadamaan no caay ka falic a olah Iso.
Miki'ading a ma^min ko tamdaw i laloma' no sapikpik Iso.
8Mitahka cangra to kadofahay a kakaenen i loma' Iso,
pananomen Iso cangra toya sakalipahak a nemnem Iso.
9O tatapangan no 'orip Kiso,
o nano nipatdian Iso ko sakata^ngad niyam.
10Nanay mararid ko pidipot Iso to mafana'ay i Tisowanan,
nanay mararid ko pisanga'ay Iso to mo^celay a tamdaw.
11Aka haydaen ko pisamsam no malata'angay a tamdaw i takowanan,
aka haydaen ko pilaplap no tatiihay a tamdaw i takowanan.
12Nengnengen, matolo'to ko tatiihay a tamdaw.
Mawakangto cingra itira, caayto ko lalomowad cangra.
Currently Selected:
'Olic 36: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
