'Olic 11
11
O Piti'er to Tapang
O 'olic ni Tafiti. Mapatorod i kakridan no paradiway.
1O Tapang ko piki'adingan ako.
Nawiro maapa ko sowal namo i takowanan, <<Kamatiya o ma^feray a 'ayam a talalotok,
2nawhani misa'imer i to'manay ko tatiihay a tamdaw a sapipana'an to mo^celay a tamdaw.
3Ano maprar ko paranaan no mo^celay a tamdaw i,
pakapimaanho cingra saw?>> saan kamo.
4Ira i Fangcalay Pita'ongan Ningra ko Tapang,
ira i kakarayan a matli ko tadamaanay a kamaro'an no Tapang.
Mitapal Cingra to tamdamdaw i hkal,
mafana' Cingra to nidmakan nangra a ma^min.
5Mihapinang ko Tapang to mo^celay a tamdaw ato tatiihay a tamdaw,
Ka'intelen Ningra ko mari'angay a tamdaw.
6O tatfaden no Tapang i tatiihay a tamdaw ko malikatay a 'afel ato miwarakay a 'acfel.
O papakaynien no Tapang i micorafay#11.6 micorafay -- ano ^ca i, fa^detay, mitodohay. O namo katlangay a tilid, to no Hipray a sowal i, o sa^lid sanay. a fali ko pitfoc i cangraan.
7O mo^celay ko Tapang saka,
maolah Cingra to mo^celay ko dmak,
o mo^celay a tamdaw i,
o papaka'araw i Cingraan.
Currently Selected:
'Olic 11: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
