Matay 17

O Nika Falic no Tireng ni Yis

(Maroko 9.2-13; Luka 9.28-36)

1I ikor no ^nem a romi'ad i, dokdok han ni Yis a mikrid ci Pitiro ato tosaay a malikaka ci Yakop aci Yohani a tayra a macokacok i takaraway a lotok. 2Itiya i, mafalic ko tireng ni Yis i ka'ayaw nangra, mato cidal a ma'dil ko pising Ningra, haloriko' a malikat a tomli'. 3Itiyasato, fahal sa a ma'araw no tatoloay a nisawawaan ci Mosi aci Iliya a masasicaciyaw i ci Yisan. 4Pasowal sa ci Pitiro i ci Yisan, <<Tapangaw, tadanga'ay ko nika i tini ita. Ano mangalay Kiso i, sanga'en ako ko tolo a talo'an i tini. O ccay i, o malomiso. O ccay i, o malo ni Mosi. O ccay i, o malo ni Iliya,>> han ningra.

5Yo somowalho ci Pitiro i, fahal sa ira ko ma'dilay a carofacof#17.5 carofacof -- o roma i, carapong (katimol). a mitahpo i cangraan. Matngil ko ngiha' i carofacof, sowal sa, <<O kakaolahan Ako a Wawa konini. O kakahmekan Ako Cingra. Pitngil kamo to sowal Ningra,>> saan.

6Matngil no nisawawaan konini i, talaw sato cangra. Saka, hinokop sa cangra. 7Raod hanto ni Yis cangra a mikapa. <<Kalomowad. Aka ka talaw,>> han Ningra. 8Saka, ca'ngaw sa cangra a minengneng i, awaayto ko cimacima, dengto ci Yis a ccay ko iraay.

9Yo maloklon cangra haw i, palimo'oten ni Yis cangra a somowal, <<Ano caho ka lomowad a ma'orip nai patay ko Wawa no Tamdaw i, akaho ka somowal i cimacimaan to pakayniay i ma'araway namo a mapolosi#17.9 mapolosi -- o no Ripon a sowal konini, o no roma a sowal i, o mafolosi han.,>> han Ningra.

10Saka, licay sa ko nisawawaan i ci Yisan, <<Nawiro, caay ka ^ca o a i 'ayaw a tayni ci Iliya, saan ko sowal no pasifana'ay to Rikec saw?>> han nangra.

11Paca'of sa ci Yis, <<So'linay, o a i 'ayaw a tayni ci Iliya a mipatala to polong no dmak. 12Nikawrira, sowalen Ako kamo, iraayto a tayni ci Iliya, kirami, caay ka fana' ko tamdamdaw cingraan, patdo han nangra a mikari'ang cingra. O hahaenento nangra a mikari'ang ko Wawa no Tamdaw,>> han ni Yis.

13Itiyato a mafana' ko nisawawaan to nika ci Yohani o Paino'ay ko nisowalan ni Yis.

O Piadah ni Yis to Maaro'ay no Palafoay a Wawa

(Maroko 9.14-29; Luka 9.37-43)

14Yo tahirato cangra i finawlan i, ira ko ccay a tamdaw a miraod, pitosor sa i ka'ayaw ni Yis 15a somowal, <<Tapangaw, kasini'adaen ko wawa ako! Nawhani o mafori'akay cingra saka, tata'ang ko nipisemsem ningra. Kinapinapi:nato cingra a mapolin i namal ano ^ca i, i nanom. 16Nikridanto ako cingra a patayra i nisawawaan Iso a papiadah i, nikawrira, caay pakaadah cangra,>> han ningra.

17Paca'of sa ci Yis, <<Aya: ko nika ^ca paso'lin namo o aniniay a ma'akongay ko faloco' a tamdaw! Tahacowa ko nipikapot Ako i tamowanan saw? Tahacowa ko nipihadidi Ako i tamowanan saw? Pataynien koya wawa i Takowanan!>> han Ningra. 18Ta kakter han ni Yis koya palafoay i, sadak sato koya palafoay nai tireng noya wawa, itiya i, tangsol sa a maadah koya fa'inayan a wawa.

19Dokdok sa ko nisawawaan a tayra i ci Yisan a milicay, <<Nawiro caay pakafahfah kami a pasadak toya palafoay saw?>> han nangra.

20Paca'of sa ci Yis, <<O nika tadanca no piti'er namo. So'linen Ako a somowal kamo, ano ira ko hato faloay no kolang a nika tata'ang no piti'er namo i Kawas i, <Nanitini kalinah a tayra i ti:raw,> ano han namo konini a lotok a pasowal i, o mamalinahto. Awa ko caay ka filo namo a masamaamaanay a dmak,#17.20 Ira ko katlangay a cudad matongal i 21 a tosir Ano caay pakaynien i pitolon ato pisaliway ko nipifahfah to matiniay a palafoay i, caay ka filo a mipasadak. (tiri'en i Maroko 9.29).>> han Ningra.

O Piliyaw ni Yis a Pali'ayaw a Somowal to Patay Ningra

(Maroko 9.30-32; Luka 9.43-45)

22Yo masa'opo ko nisawawaan ni Yis a ma^min i Kalili i, sowal sa ci Yis i cangraan, <<O mamapatorod i kamay no cisakowanay a tamdaw ko Wawa no Tamdaw, 23o papatayen nangra Cingra, nikawrira, sakatolo a romi'ad i, o lalomowad Cingra a ma'orip nai patay,>> han Ningra.

Rarom sato ko nisawawaan Ningra a mitngil.

O Pipasata to Saki Fangcalay Pita'ongan

24Nanoya, yo tahira cangra i Kapirnaum i, tayra i ci Pitiroan ko misorotay to saki Fangcalay Pita'ongan a sata. <<Caay pasata ko singsi namo to saki Fangcalay Pita'ongan a sata haw?>> han nangra a milicay.

25Paca'of sa ci Pitiro, <<Pasatato,>> han ningra.

Yo micomod ci Pitiro i loma' i, ki'ayaw saan ci Yis a milicay cingraan, <<Simonaw, maan saan ko harateng iso? I cimaanan a miala ko hongti no i hkalay to sata ato sorot saw? I finawlan ningra haw? Ano ^ca i, i finawlan no roma a kitakit haw?>> han Ningra.

26<<I finawlan no roma a kitakit,>> han ni Pitiro a paca'of.

Sowal sa ci Yis, <<Ano hatira i, caay ko papasata ko no tireng a tamdaw. 27Nikawrira, o saka^caaw ka kter nangra titaanan i, katayra i fanaw a mipatiked#17.27 mipatiked -- o roma i, mipacmot (katimol).. Alaen ko sa'ayaway a nipatikedan iso a foting. Towa'en ko ngoyos noya foting, ta ma'araw iso ko ccay a payci to malosapasata to no miso ato no Mako a sata no Fangcalay Pita'ongan, alaen korira a pafli i cangraan,>> han ni Yis.

Currently Selected:

Matay 17: AMIS2019

Highlight

Copy