Luka 18

O Tinako to Maponengay ato Misawkitay

1O sakararidaw no nisawawaan a mitolon ato saka^caaw ka toled nangra saka, patinako han ni Yis cangra a somowal, 2<<Ira i ccay a niyaro' ko ccay a misawkitay a tamdaw. Caay ka talaw to Kawas, caay ka ngodo to tamdaw cingra. 3Ira tora niyaro' ko ccay a maponengay. Mararid cingra a tayra toya misawkitay a tamdaw a somowal, <Padamaen kako a pa'ading. Ta caay pisamsam ko misatatiihay takowanan,> han ningra. 4Halafin koya misawkitay a caay pihai to sowal noya fafahiyan. Nikawrira, harateng sa cingra, <Talacowa caay ka talaw kako to Kawas, caay ka ngodo to tamdaw, 5nikawrira, caay pitolas konini a maponengay a miharara saka, padamaen ako cingra. Ano ^ca haenen i, caay pisawad cingra a tayni a micara i takowanan,> saan cingra,>> han Ningra.

6Ta sowal sa ko Tapang, <<Haratengen ko sowal nonini a caay ka mo^cel a misawkitay a tamdaw. 7Mangalef ko no Kawas a nipipatado to tomangicay a milongoc i Cingraan to romi'ad to dadaya a nipili'an Ningra a tamdaw. 8Sowalen Ako kamo, o raranikay ko Kawas a patado cangraan. Nikawrira, ano miliyaw a tayni koya Wawa no Tamdaw i, ma'araw Ningra hakiya ko miti'eray Cingraan i tini i hkal?>> han ni Yis.

O Tinako to Farisay a Tamdaw ato Milisataay

9Paini haca ci Yis to roma a tinako i pakomo^celay to tireng ato mi^pecay to tao a tamdaw ko nisowalan. Sowal sa Cingra, 10<<Ira ko tatosa a tamdaw. Macokacok cangra a tayra i Fangcalay Pita'ongan a mitolon. O Farisay a tamdaw ko ccay. O milisataay a tamdaw ko ccay. 11Tomireng koya Farisay a tamdaw a misiiked a mitolon#18.11 Tomireng koya Farisay a tamdaw a misiiked a mitolon -- ira i roma a katlangay a cudad a matilid, Tireng sa koya Farisay a tamdaw misarango^ngo a mitolon. (tiri'en i Matay 6.5). <Kawasaw, mikansiya kako i Tisowanan. Nawhani caay ka matiya o tao kako a macoos, caay ka mo^cel, caay ko ma'odangay a tamdaw kako. Caay ka matiya ora milisataay a tamdaw kako. 12Kinatosa kako a misaliway to lipalipay. Pacakaten ako i Tisowanan ko ccay no mo^tepay no kinaira ako a ma^min,> saan.

13<<Nikawrira, tomireng i ra:ay koya milisataay a tamdaw. Mangodo cingra a pasikakarayan. Pekpek sa cingra to falohang ningra a somowal, <Kawasaw, kasini'adaen kako o ciraraway a tamdaw!> saan. 14Sowalen Ako kamo, yo minokay i loma' koya tatosa a tamdaw i, onini a milisataay a tamdaw ko i mataay no Kawas a mo^celay a tamdaw, caay ka oya Farisay a tamdaw. Nawhani o misatakaraway ko faloco' a tamdaw i, o mamasrer. O misapo^neray ko faloco' a tamdaw i, o mamapacakat,>> han Ningra.

O Pipakalmed ni Yis to Ka^mangay

(Matay 19.13-15; Maroko 10.13-16)

15Ira ko patayraay i ci Yisan to nihofocanho a wawa nangra, mangalay cangra a papikapa ci Yisan to wawa nangra. Manengneng no nisawawaan konini i, kakteren nangra cangra. 16Nikawrira, tahidangen ni Yis koya wawawawa a papiraod i Cingraan, sowal sa, <<Pakoningra han ko nika tayni no wawa i Takowanan, aka lalangen cangra, nawhani o matiniay a wawa ko finawlan no Kitakit no Kawas. 17Haratengen namo, ano caay ka matiya o no ka^mangay a wawa ko pilayap to pikowan no Kawas i, caay ko mamalafinawlan Ningra,>> han Ningra.

O Rawraw no Cidafongay

(Matay 19.16-30; Maroko 10.17-31)

18Ira ko ccay a kakridan no Yutaya a tamdaw a milicay ci Yisan, sowal sa, <<Nga'ayay a singsi, samaanen ako ko dmak, ta ci'orip kako to mida'ocay a 'orip saw?>> han ningra.

19Licay han ni Yis cingra, <<Nawiro nga'ayay han iso Kako saw? Awaay ko nga'ayay a tamdaw, deng o Kawas a ccay ko nga'ayay. 20Mafana'ayto kiso to limo'ot. <Aka ka 'odang, aka pipatay to tamdaw, aka pitakaw, aka patdo a pakokot to tamdaw, kangodoen ko mama ato ina saan,> >> han ni Yis.

21Paca'of sa koya tamdaw, <<Nano ka^mangan ako a mido^do tonini a limo'ot a ma^min,>> saan.

22Mitngil ci Yis tonini a sowal i, pasowal haca i cingraan, <<Iraho ko caay ka lahci iso to ccay. Olili, pacakayen ko dafong iso a ma^min, ta palada'en ko pakoyoc a tamdaw to payso iso, nga'ay a mana'ang ko dafong iso i kakarayan. Ta katayni haca a mitoor i Takowanan,>> han Ningra. 23Yo pakatngil koya tamdaw tonini a sowal i, sa 'ickoy sa a mararom a miliyas, nawhani adihay ko dafong ningra.

24Nengneng sa ci Yis i cingraan, sowal sa, <<Caay ka rahoday ko cidafongay a tamdaw a malafinawlan no Kitakit no Kawas! 25Ano malafinawlan no Kitakit no Kawas ko cidafongay a tamdaw i, ikakaho no pimomok no lakota a micomod to tangila no rinom ko nika ^ca ka rahoday,>> han Ningra.

26Licay sa ko pakatngilay tonini a sowal a tamdaw, <<Ano hatira i, cima ko mamapa'orip saw?>> saan cangra.

27Sowal sa ci Yis, <<Talacowa o caayay ka filo no tamdaw i, mafilo no Kawas a ma^min,>> han Ningra.

28Itiya i, pasowal sa ci Pitiro, <<Nengnengen, masawadayto no niyam ko loma' a mitoor i Tisowanan,>> han Ningra.

29Sowal sa ci Yis, <<Hai! So'linen Ako a somowal kamo, ano pakayniay i Kitakit no Kawas ko sakapisawad ningra to loma', to fafahi, to salikaka to fa'inayan, to mama, to ina, ano^ca o wawa i, 30caay ka ^ca o mamilayap cingra anini to adihayay a sapakaolah, o romasato, o mamarnec haca cingra to mida'ocay a 'orip i aira a hkal,>> han Ningra.

O Sakinatolo ni Yis a Mipali'ayaw to Patay Ningra

(Matay 20.17-19; Maroko 10.32-34)

31Papiingiden ni Yis ko tosa ko safaw a tarokos, sowal sa i cangraan, <<O mamacokacok kita a tayra i Yirusalim imatini. O mamalahci itira ko nitilidan no pali'ayaway to sowal no Kawas a ma^min to pakayniay i Wawa no Tamdaw. 32O mamapatorod Cingra i roma a finacadan. O lalokesen nangra Cingra, o papakangodoen Cingra, o sasasopa'en Cingra, 33o sasti'en haca Cingra, patayen Cingra. Nikawrira, sakatolo a romi'ad i, o lalomowad Cingra a ma'orip nai patay,>> han ni Yis.

34Nikawrira, caay ka fanafana' ko nisawawaan to tatodong no sowal ni Yis. Nawhani o pakakmoday konini a sowal saka, caay pakahapinang cangra to tatodong nonini a sowal ni Yis.

O Piadah ni Yis to Mapohaway a Miki'a'amay

(Matay 20.29-34; Maroko 10.46-52)

35Yo mangatato ni Yis ko Yiriko i, ira ko ccay a mapohaway a tamdaw a maro' i lawac no lalan a miki'a'am. 36Matngil ningra ko nika pita'lif no finawlan i, <<O maan a dmakan konini?>> saan cingra a milicay.

37<<Ira i matini ci Yis no Nacali a mita'lif i tini,>> han nangra a pasowal.

38Cli' sa cingra a somowal, <<O Wawa ni Tafiti Yisaw, kasini'adaenho kako!>> saan cingra.

39Katomrep han no i 'ayaway a romakat cingra a mikakter. Nikawrira, mangalef a mangalef ko nipicli' ningra. <<O Wawa ni Tafiti, kasini'adaenho kako!>> saan.

40Saka, tireng sa ci Yis, palimo'oten Ningra ko tamdaw a papikrid toya mapohaway a patayni. Yo miraod cingra i ci Yisan i, licay han ni Yis cingra, 41<<O maan ko lalongocen iso i Takowanan saw?>> han Ningra.

Paca'of sa cingra, <<Tapangaw, o sapaka'arawaw ako!>> han ningra.

42Sowal sa ci Yis i cingraan, <<Paka'arawto kiso. O paso'lin iso ko sakaadah iso,>> han Ningra.

43Tangsol sa koya mapohaway a paka'araw, ta mitoor i ci Yisan, ta sakaromakat han ningra ko pipahmek to Kawas. Ma'araw no finawlan konini a dmak i, hmek sato to Kawas cangra a ma^min.

Currently Selected:

Luka 18: AMIS2019

Highlight

Copy