Yohani 9

O Nika Adah no nai Kahofocanho a Mapohaway

1Yo romakat ci Yis i lalan i, ma'araw Ningra ko nai kahofocanho a mapohaway. 2Licayen no nisawawaan ci Yis, <<Singsiaw, o sakapohaw nonini a tamdaw nai kahofocanho i, o no nima a raraw hakiya? O nonini a tamdaw hakiya? Ano ^ca i, o no mama ato ina ningra hakiya?>> han nangra.

3Paca'of sa ci Yis, <<Caay ko nano raraw nonini a tamdaw, caay ko nano raraw no mama ato ina ningra. O sapatalahkalaw to 'icel no Kawas i tireng ningra. 4Caay ka nga'ay a misaloya kita to romi'ad a matayal to tayal no miocoray i Takowanan. Ano to'manto i, caayto ka nga'ay a matayal ko cimacima. 5Yo i tiniho Kako i hkal i, o likat no hkal Kako,>> han Ningra.

6Mahrek ci Yis a somowal tonini i, sopa' sa to sra a misasota'. Ta sadit han Ningra i mata noya mapohaway. 7Ta sowal sa, <<Olili, katayra i Siloam a fanaw a milali'op,>> han Ningra. (O tatodong no Siloam hananay i, o niocoran sanay.) Tayra sato cingra a milali'op i, paka'arawto, ta nokay sato cingra.

8Sasowasowal sa ko fiyafiyaw ato nano paka'araway a tamdaw to nipiki'a'am ningra i 'ayaw, <<Caay ka onini a tamdaw hakiya koya maro'ay a miki'a'am?>> saan.

9Sowal sa ko romaroma, <<Hai, orira a tamdaw,>> saan. O sowal no roma a tamdaw i, <<Caay. O miringiay cingraan,>> saan.

Saka, sowal sa koya nano mapohaway a tamdaw, <<Hai, kako koya tamdaw,>> han ningra.

10<<Ano hatira i, nisamaanan iro macngawto ko mata iso?>> han nangra a milicay cingra.

11Paca'of sa koya tamdaw, <<Sasota' han ni Yis hananay a tamdaw ko sra a misadit i mata ako, ta <Katayra kiso i Siloam a fanaw a milali'op,> saan cingra i takowanan. Saka, tayra sato kako a milali'op i, paka'arawto kako,>> han ningra.

12<<I cowato koya tamdaw?>> han nangra a milicay i.

<<Caay ka fana' kako,>> han ningra a paca'of.

O Piliclic no Farisay a Tamdaw Toya Nano Mapohaway

13Itiya i, krid hanto nangra koya nano mapohaway a patayra i Farisay a tamdaw. 14Itiya i Pasla'an a Romi'ad ci Yis a misasota' to sra a miadah to mata ningra. 15Orasaka, liyawen haca no Farisay a tamdaw a milicay cingra, <<Nisamaanan iro paka'araw kiso saw?>> han nangra. Pasowal sa cingra, <<Saditen noya tamdaw to sota' ko mata ako, ta lali'op han ako i, paka'arawto kako i matini,>> han ningra.

16Sowal sa ko romaroma a Farisay a tamdaw, <<Caay ko nai Kawasay a tamdaw koya miadahay. Nawhani caay ka 'imer cingra to Pasla'an a Romi'ad,>> saan.

Nikawrira, sowal sa ko roma a tamdaw, <<Mafilo no ciraraway a tamdaw ko hatiniay a kafahka'an a dmak saw?>> saan cangra a malaliyaliyang. Saka, latosa sato cangra.

17Saka, liyawen haca nangra a milicay koya nano mapohaway a tamdaw, <<Tona maadah noya tamdaw ko mata iso saka, maan saan ko harateng iso to pakayniay i cingraan?>> han nangra.

Paca'of sa cingra, <<O pali'ayaway to sowal no Kawas cingra,>> han ningra.

18Caay paso'lin ko kakrikridan no Yutaya a tamdaw to nika o nano mapohaway koya tamdaw ta paka'arawto. Saka, tahidang hanto nangra ko mama ato ina noya mapohaway a tamdaw. 19Licay han nangra, <<O wawa namo konini, oya nai kahofocanho a mapohaway hananay namo a wawa haw? Nisamaanan iro paka'arawto i matini saw?>> han nangra.

20Paca'of sa koya mama atoya ina, <<Hai, o wawa niyam konini. Mafana' kami to nika o nai kahofocanho a mapohaw cingra. 21Nikawrira, caay ka fana' kami to nika nisamaanan ko sakapaka'araw ningra anini. Caay ka fana' kami to nika cima ko miadahay to mata ningra. Tngilen cingra. Mato'asto cingra i, ma^dengto cingra a pasowal to dmak ningra,>> han nangra. 22O sakasaan no mama ato ina ningra a mikilif i, o nika talaw nangra to kakrikridan no Yutaya a tamdaw. Nawhani niktonanto no kakrikridan no Yutaya a tamdaw ko sowal to nika ano ira ko patalahkalay to nika o Kristo ci Yis ano saan i, o lalaplapen koya tamdaw a pasadak nai kasa'opoan a loma' saan. Caayto ko sasa'osien cingra. 23Mahaenay, saka, <<Mato'asto cingra. Tngilen cingra,>> saan ko sowal no mama ato ina ningra.

24Liyawen haca nangra a mitahidang koya nano mapohaway a tamdaw, <<Ka o so'linay ko sowal iso i ka'ayaw no Kawas. Mafana' kami to nika o ciraraway koya miadahay tisowanan a tamdaw,>> han nangra.

25Paca'of sa cingra, <<Caay ka fana' kako to nika o ciraraway ato caay ko ciraraway koya tamdaw. Deng ccay aca ko kafana'an ako, o nano mapohaway kako i, paka'arawto kako i matini,>> han ningra.

26Pasowal sa cangra, <<Nisamaanan ningra kiso? Nisamaanan ningra ko nipiadah to mata iso?>> han nangra.

27Pasowal sa cingra i cangraan, <<Mapasowalto ako kamo i, caay pitngil kamo kyami. Nawiro sapitngilan haca kamo saw? Halo amo a mangalay a malanisawawaan ningra saw?>> han ningra.

28Lokesen nangra cingra a somowal, <<O nisawawaan ningra kiso. Kami i, o ni Mosi a nisawawaan. 29Mafana' kami to nipipasowal no Kawas ci Mosian. Nikawrira, onini a tamdaw i, caay ka fana' kami to nika o nai cowaay cingra,>> han nangra.

30Paca'of sa koya nano mapohaway a tamdaw, <<Fahka' kako tamowanan to nika fokil namo to nika o nai cowaay cingra. Nikawrira, cingra ko miadahay to mata ako. 31Mafana' kita to nika caay pitngil ko Kawas to pitolon no ciraraway a tamdaw. Nikawrira, ano mangodo to Kawas ko tamdaw, ano milahci cingra to nafaloco'an no Kawas i, tngilen no Kawas ko pitolon ningra. 32Naniti:yaho i, awaho a matngil ko pakayniay i nika adah no nai kahofocanho a mapohaway. 33Ano caay ko nai Kawasay konini a tamdaw i, caay ka filo ningra ko maan aca a dmak,>> han ningra.

34Sowal sa cangra, <<O lafo no raraw ko 'orip iso nai kahofocan i, sapasifana'an kiso tamiyanan saw?>> han nangra. Saka, laplap hanto nangra cingra a pasadak nai kasa'opoan a loma'.

O Nika Pohaw no Faloco'

35Yo matngil ni Yis ko nipilaplap nangra toya namapohaway i, kilimen ni Yis cingra a somowal, <<Paso'lin kiso toya Wawa no Tamdaw saw?>> han Ningra.

36<<Singsiaw, cima koya Tamdaw saw? Nga'ay paso'lin kako i cingraan,>> han ningra a pasowal.

37Pasowal sa ci Yis i cingraan, <<Ma'arawayto iso koya Tamdaw. Ora sakasasowal iso i matini a Tamdaw koya Tamdaw,>> han Ningra.

38<<Tapangaw, paso'lin kako,>> saan cingra. Ta pitosor sa cingra a mita'ong ci Yisan.

39Pasowal sa ci Yis, <<O misawkitay ko sakatayni Ako i hkal, o sakaadah no mapohaway a paka'araw ato o sakapohaw no paka'araway,>> han ningra.

40Pakatngil ko i tatihitihiay ni Yis a papinapina a Farisay a tamdaw tonini, sowal sa, <<Halo ami a o mapohaway saw?>> han nangra.

41Pasowal sa ci Yis i cangraan, <<Ano o mapohaway kamo i, kona awaay ko raraw namo. Nikawrira, <Paka'araway kami,> tona saan kamo saka, cirarawayho kamo,>> han Ningra.

Currently Selected:

Yohani 9: AMIS2019

Highlight

Copy