Yohani 15

O So'linay a Fadisoso' a Kilang ci Yis

1<<O so'linay a fadisoso' a kilang Kako. O maomahay ko Wama Ako. 2O caay ka cihci a ca'ang Ako a ma^min i, ktonen no Wama a mifalah. O cihciay a ca'ang a ma^min i, songila'en Ningra to sakaloficaw#15.2 sakaloficaw -- adihay ko hci, o roma i, mahpik (katimol). no hci. 3Malcad tonini, o makoracayto kamo pakayni toya nisowalan Ako i tamowanan. 4Kararid kamo a misiket i Takowanan ta mararid Kako a misiket i tamowanan. Ano caay ka rarid a misiket i kilang ko ca'ang i, caay ko cacihci koya ca'ang. Malcad tonini ano caay ka rarid kamo a misiket i Takowanan i, caay ko cacihci kamo.

5<<O fadisoso' a kilang Kako. O ca'ang kamo. Ano mararid ko tamdaw a misiket i Takowanan, ano mararid Kako a misiket i cingraan i, o cacihci koya tamdaw to adihayay. Nikawrira, ano miliyas kamo i Takowanan i, caay pakafilo kamo a mimaamaan. 6Ano caay ka rarid ko tamdaw a misiket i Takowanan i, matiya o niktonan a ca'ang cingra a mafalah ta ma'icang. Sa'opoen no tamdaw ko matiniay a mi^feng i namal a mitodoh. 7Ano mararid kamo a misiket i Takowanan, ano mararid a ira i faloco' namo ko sowal Ako i, nga'ay kamo a mingitangit to maan a kangalayan namo. O mamalayap namo konini. 8Ano adihay ko hci namo i, mapahmek ko Wama Ako. Onini ko sapahapinang namo to nika o nisawawaan Ako kamo. 9Matiya o nika olah no Wama i Takowanan ko nika olah Ako i tamowanan. Kararid kamo a mikala'orip to olah Ako. 10Ano mido^do kamo to limo'ot Ako i, kala'orip han namo ko olah Ako. Malcad tonini ko nipido^do Ako to limo'ot no Wama Ako ato nipikala'orip Ako to olah Ningra.

11<<O nika somowal Ako i tamowanan tonini i, nga'ay matiya o lipahak Ako ko lipahak namo ato sakatadamaan no lipahak namo. 12Samatiyaen o nika olah Ako i tamowanan ko nika sasiolaolah namo. O limo'ot Ako i tamowanan konini. 13O nika kinafalah no tamdaw to 'orip no tireng to saki widawidang i, o sakakaay a olah konini i hkal. 14Ano mido^do kamo to limo'ot Ako i, o salikaka Ako kamo. 15Caayto ko koli han Ako kamo a mitahidang. Nawhani caay ka fana' ko koli to dadmaken no tawki. O salikaka hanto Ako kamo a mitahidang. Nawhani mapakafana'to Ako kamo to nano nitngilan Ako i ci Wamaan a dmak a ma^min. 16Caay ko amo ko mipili'ay i Takowanan, Kako ko mipili'ay i tamowanan, ta ocoren Ako kamo to sakacihciaw to caay ka lasawad a hci. Ano o maamaan to ko nilongocan namo ci Wamaan pakayni i ngangan Ako i, caay ka ^ca paflien Ningra kamo. 17O limo'ot Ako i, kasasiolaolah kamo.

O Pi'intel no Tamdamdaw

18<<Ano mi'intel i tamowanan ko tamdamdaw i, kafana' kamo to nika i 'ayaw namo a maka'intel nangra Kako. 19Ano o no hkalan a tamdaw kamo i, kona kaolahen no i hkalay a tamdamdaw kamo. Nikawrira, caay ko no hkalan a tamdaw kamo. O nipili'an Ako kamo a micidek nai tamdamdaw no hkal. Orasaka, ka'intelen no i hkalay a tamdaw kamo. 20Haratengen koya nano sowal Ako tamowanan to, <Caay pikikaka to tawki ko koli,> sanay. Ano makari'ang no tamdaw Kako i, o mamakari'ang nangra kamo. Ano mido^doay cangra to sowal Ako i, o mamido^do cangra to sowal namo. 21O sakapihaen nangra i tamowanan tonini a dmak a ma^min i, o nano nipitoor namo Takowanan. Onini i, o nika^caan ka fana' nangra toya miocoray Takowanan. 22Ano caay ka tayni Kako a pasowal i cangraan i, kona awaay ko raraw nangra. Nikawrira, awaayto anini ko pakayraan nangra a pa'ading to tireng to nika ciraraw nangra. 23O mi'intelay i Takowanan i, o mi'intelay to Wama Ako. 24Ano caay ka itira Kako i cangraan a patiri' to caay ka filo no tao a dmak i, kona awaay ko raraw nangra. Ma'araw nangra ko nidmakan Ako. 'Arawhani, mi'intel cangra i Takowanan ato Wama Ako. 25Onini i, o nika lahci no matiliday i Rikec nangra a sowal toya, <Awaay ko lalngatan no nipi'intel nangra i Takowanan,> sanay.

26<<Nikawrira, o tatayni a nai ci Wamaan a Padamaay, oya so'linay a 'Adingo Cingra, o a ocoren Ako Cingra a patayni i tamowanan. Ta Cingra ko pawacayay to pakayniay i Takowanan. 27Kamo ko roma a pawacayay to pakayniay i Takowanan. Nawhani nani satapangan a mikapot kamo i Takowanan.>>

Currently Selected:

Yohani 15: AMIS2019

Highlight

Copy