Kenesis 23
23
1Dūti nevi sū omwi sū iran Sēra, wun hunder ĭm twenti seven. 2Im Sēra yimas ra Kĭrsatarba mori oti Hebron ra Kēnan; ĭm Ebraham yive ūnesog worakūr memageri tovuni.
3Im Ebraham itūok marugi nĭpmi eni nasiven eni okemas, memenūwi pun ōra ōvun nĭtnĭme eni Het memokū, 4Yx dōmō, ĭm ya kum morokote lap dal‐e‐kĭmi, ūvo‐yx nūrū woretĭneme dal‐e‐kĭmi woretĭnemi nemas enyx marugi nĭmtug. 5Mōvun nĭtnĭme eni Het dūtamsi pugi Ebraham mūmokū, Orĭgi kam, 6narisah enyx, Kĭk natemonok ra nūsian dal‐e‐kam, Tampoli sī neveli nūsian aremī woretenemi nemas enugkĭk, tawi sī kam osiugi neveli eni marug kĭk woretūtĭ?-?nemi nemas enugkĭk,
7Im Ebraham yitūok sah mō ĭm telasep iranda netevokontū ra nūrū iyūi iyi yitelasep iranda ōvun nĭtnĭme eni Het. 8Miyi yam dal irora memokū, Nagkū kūmagkū aremī yx woretĭnemi nemas enyx marugi nĭmtug, ūrĭgi yx im wosenog pugi Efron nĭtni eni Sōar nĭsekog, 9ma iyi ampo‐yx neveli eni mori ra Makpila ra navlūtni nūrū eni; iyi ampasi po yx, ĭm ya kampugi muni nĭpmi nūrū mori worentĭnemi ra mumpon.
10Im Efron yitesep dal ōvun nĭtnĭme eni Het mori dūvelum ūnesog ra pūketampet ūntĭmne memenūwi memokū. 11Tawi, narisah enyx, orĭgi yx, ya ontalokugi nūrū mori pug kĭk, ĭm neveli sugkū ya kampug kĭk wokon ūnimĭnda ōvun nĭtnĭme en irora netevokontū enyx, ya ontalokug kĭk ugi, Etĭnemi iyi nemas enugkĭk.
12Im Ebraham itelasep ūnimĭnda netevokontū ra nūrū iyūi. 13Mō menūwi pugi Efron ran telĭgunda netevokontū mori yūi, memokū, Nagkū kĭk andĭgi yx lap ya kampunok muni ra nūrū mori; vī pe sū maroko‐yx ĭm ya antĭnemi nemas enyx iyūi. 14Im Efron yitamsi pugi Ebraham memokū, 15Narisah enyx, orĭgi?-?yx, aremī kĭk ampo‐yx muni sĭlver fōr hunder, tiē imō irag miram? penūri kĭk ontĭnemi nemas enugkĭk.
16Im Ebraham yevendagugi nam eni Efron, ĭm Ebraham yĭmtī nīsekon Efron sĭlver mori iyi yĭpmenūwi ugi ra nimĭnda ōvun nĭtnĭme eni Het, muni sĭlver fōr hunder, aremi ūnimĭnda ōveteme nevasi. 17Im nūrū mori eni Efron ra Makpila ūnĭpmi Mamre ĭm neveli ra mumpon, ĭm nē sū ra nūrū mafeli ra ōvun avlūtni nūrū mori nagkxugi Ebraham yivī woreti eni ĭndōwi, 18ūnimĭnda ōvun nĭtnĭme eni Het mūnimĭnda sū mori dūmūve ūnesog pūketampet ra ūntĭmne eni.
19Penūri iyi Ebraham yitĭnemi Sēra retepon eni ūneveli ra nūrū Makpila ūnĭpmi Mamre mori oti Hebron ra nūrū Kēnan. 20Nūrū mori ĭm neveli ūnesog irora nĭtnĭme eni Het duvasĭgi pugi Ebraham, eni ĭndōwi, nūrū worentĭnemi ov nemas eni.
Currently Selected:
Kenesis 23: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
