Numeri 6
6
1 Cyfraith y Nasaread. 24 Y dull y bendithir y bobl.
1Llefarodd yr Arglwydd hefyd wrth Moses, gan ddywedyd, 2Llefara wrth feibion Israel, a dywed wrthynt, Pan ymneilltuo gŵr neu wraig i addo adduned Nasaread, #6:2 Neu, i ymnasareiddio.i ymneilltuo i’r Arglwydd: 3Ymneilltued oddi wrth win a diod gref; nac yfed finegr gwin, na finegr diod gref; nac yfed chwaith ddim sugn grawnwin, ac na fwytaed rawnwin irion, na sychion. 4Holl ddyddiau ei Nasareaeth ni chaiff fwyta o ddim oll a wneir o winwydden y gwin, o’r dincod hyd y bilionen. 5Holl ddyddiau adduned ei Nasareaeth ni chaiff #Barn 13:5; 1 Sam 1:11ellyn fyned ar ei ben: nes cyflawni’r dyddiau yr ymneilltuodd efe i’r Arglwydd, sanctaidd fydd; gadawed i gudynnau gwallt ei ben dyfu. 6Holl ddyddiau ei ymneilltuaeth i’r Arglwydd, #Pen 19:11na ddeued at gorff marw. 7#Lef 21:1Nac ymhaloged wrth ei dad, neu wrth ei fam, wrth ei frawd, neu wrth ei chwaer, pan fyddant feirw; am fod Nasareaeth ei Dduw ar ei ben ef. 8Holl ddyddiau ei Nasareaeth, sanctaidd fydd efe i’r Arglwydd. 9Ond os marw fydd un yn ei ymyl ef yn ddisymwth, a halogi pen ei Nasareaeth; yna eillied ei ben #Act 18:18; 21:24ar ddydd ei buredigaeth, ar y seithfed dydd yr eillia efe ef. 10Ac #Lef 5:7; 14:22; 15:14, 29ar yr wythfed dydd y dwg ddwy durtur neu ddau gyw colomen, at yr offeiriad, i ddrws pabell y cyfarfod. 11Ac offrymed yr offeiriad un yn bech‐aberth, ac un yn boethoffrwm, a gwnaed gymod drosto, am yr hyn a becho wrth y marw; a sancteiddied ei ben ef y dydd hwnnw. 12A neilltued i’r Arglwydd ddyddiau ei Nasareaeth, a dyged oen blwydd #Lef 5:6yn offrwm dros gamwedd; #6:12 Heb. a chwymped.ac aed y dyddiau cyntaf yn ofer, am halogi ei Nasareaeth ef.
13A dyma gyfraith y Nasaread: pan gyflawner dyddiau ei Nasareaeth, dyger ef i ddrws pabell y cyfarfod. 14A dyged yn offrwm drosto i’r Arglwydd, un hesbwrn blwydd, perffaith‐gwbl, yn boethoffrwm; ac un hesbin flwydd, berffaith‐gwbl, #Lef 4:2, 27, 32yn bech‐aberth; ac un hwrdd perffaith‐gwbl, #Lef 3:6yn aberth hedd; 15Cawellaid o fara croyw hefyd, sef #Lef 2:4teisennau peilliaid wedi eu tylino trwy olew, ac afrllad croyw wedi eu heneinio ag olew, a’u bwyd‐offrwm, a’u diod‐offrwm hwy. 16A dyged yr offeiriad hwynt gerbron yr Arglwydd, ac offrymed ei bech‐aberth a’i boethoffrwm ef. 17Offrymed hefyd yr hwrdd yn aberth hedd i’r Arglwydd, ynghyd â’r cawellaid bara croyw; ac offrymed yr offeiriad ei fwyd‐offrwm a’i ddiod‐offrwm ef. 18Ac #Act 21:24eillied y Nasaread wrth ddrws pabell y cyfarfod ben ei Nasareaeth; a chymered flew pen ei Nasareaeth, a rhodded ar y tân a fyddo dan yr aberth hedd. 19Cymered yr offeiriad hefyd balfais o’r hwrdd wedi ei berwi, ac un deisen groyw o’r cawell, ac un afrlladen groyw; a rhodded ar ddwylo’r Nasaread, wedi eillio ohono ei Nasareaeth; 20A chyhwfaned yr offeiriad hwynt #Exod 29:27, 28 yn offrwm cyhwfan gerbron yr Arglwydd: sanctaidd yw hyn i’r offeiriad, heblaw parwyden y cyhwfan, a phalfais y dyrchafael. Ac wedi hyn y caiff y Nasaread yfed gwin. 21Dyma gyfraith y Nasaread a addunedodd, a’i offrwm i’r Arglwydd am ei Nasareaeth, heblaw yr hyn a gyrhaeddo ei law ef: fel y byddo ei adduned a addunedo, felly gwnaed, heblaw cyfraith ei Nasareaeth.
22Llefarodd yr Arglwydd hefyd wrth Moses, gan ddywedyd, 23Llefara wrth Aaron ac wrth ei feibion, gan ddywedyd, Fel hyn y bendithiwch feibion Israel, gan ddywedyd wrthynt, 24Bendithied yr Arglwydd di, a chadwed di: 25A llewyrched yr Arglwydd ei wyneb arnat, a thrugarhaed wrthyt: 26#Salm 4:6Dyrchafed yr Arglwydd ei wyneb arnat, a rhodded i ti dangnefedd. 27Felly y gosodant fy enw ar feibion Israel, a mi a’u bendithiaf hwynt.
Currently Selected:
Numeri 6: BWM1955C
Highlight
Share
Copy
Want to have your highlights saved across all your devices? Sign up or sign in
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
