Numeri 27
27
1 Merched Salffaad yn ceisio etifeddiaeth. 6 Cyfraith etifeddiaethau. 12 Moses, wedi ei rybuddio am ei farwolaeth, yn ymbil am gael un yn ei le. 18 Apwyntio Josua i gael ei le ef.
1Yna y daeth merched #Pen 26:33; 36:1, 11; Jos 17:3Salffaad, mab Heffer, mab Gilead, mab Machir, mab Manasse, o dylwyth Manasse mab Joseff; (a dyma enwau ei ferched ef; Mala, Noa, Hogla, Milca, a Tirsa;) 2Ac a safasant gerbron Moses, a cherbron Eleasar yr offeiriad, a cherbron y penaethiaid, a’r holl gynulleidfa, wrth ddrws pabell y cyfarfod, gan ddywedyd, 3Ein tad ni #Pen 14:35; 26:64, 65a fu farw yn yr anialwch; ac nid oedd efe ymysg y gynulleidfa a ymgasglodd yn erbyn yr Arglwydd #Pen 16:2yng nghynulleidfa Cora, ond yn ei bechod ei hun y bu farw; ac nid oedd meibion iddo. 4Paham y #27:4 Heb. lleihéir.tynnir ymaith enw ein tad ni o fysg ei dylwyth, am nad oes iddo fab? #Jos 17:4Dod i ni feddiant ymysg brodyr ein tad. 5A dug Moses eu hawl hwynt gerbron yr Arglwydd.
6A llefarodd yr Arglwydd wrth Moses, gan ddywedyd, 7Y mae merched Salffaad yn dywedyd yn uniawn; #Pen 36:2gan roddi dyro iddynt feddiant etifeddiaeth ymysg brodyr eu tad: trosa iddynt etifeddiaeth eu tad. 8Llefara hefyd wrth feibion Israel, gan ddywedyd, Pan fyddo marw un, ac heb fab iddo, troswch ei etifeddiaeth ef i’w ferch. 9Ac oni bydd merch iddo, rhoddwch ei etifeddiaeth ef i’w frodyr. 10Ac oni bydd brodyr iddo; yna rhoddwch ei etifeddiaeth ef i frodyr ei dad. 11Ac oni bydd brodyr i’w dad; yna rhoddwch ei etifeddiaeth ef i’w gâr nesaf iddo o’i dylwyth; a meddianned hwnnw hi: a bydded hyn i feibion Israel yn ddeddf farnedig, megis y gorchmynnodd yr Arglwydd wrth Moses.
12A dywedodd yr Arglwydd wrth Moses, #Deut 3:27; 32:49; 34:1Dring i’r mynydd Abarim hwn, a gwêl y tir a roddais i feibion Israel. 13Ac wedi i ti ei weled, tithau a gesglir at dy bobl, fel y casglwyd #Pen 20:24, 28; 31:2; Deut 10:6Aaron dy frawd. 14Canys yn anialwch Sin, wrth gynnen y gynulleidfa, #Pen 20:12, 24; Deut 1:37; Salm 106:32y gwrthryfelasoch yn erbyn fy ngair, i’m sancteiddio wrth y dwfr yn eu golwg hwynt: dyma #Exod 17:7ddwfr #27:14 Meriba.cynnen Cades, yn anialwch Sin.
15A llefarodd Moses wrth yr Arglwydd, gan ddywedyd, 16Gosoded yr Arglwydd, #Pen 16:22; Heb 12:9 Duw ysbrydion pob cnawd, un ar y gynulleidfa, 17#2 Cron 1:10Yr hwn a elo allan o’u blaen hwynt, ac a ddelo i mewn o’u blaen hwynt, a’r hwn a’u dygo hwynt allan, ac a’u dygo hwynt i mewn; fel na byddo cynulleidfa’r Arglwydd #1 Bren 22:17; Sech 10:2; Mat 9:36; Marc 6:34fel defaid ni byddo bugail arnynt.
18A dywedodd yr Arglwydd wrth Moses, Cymer atat Josua mab Nun, y gŵr #Gen 41:38; Barn 3:10; 11:29; 1 Sam 16:13, 18 y mae yr ysbryd ynddo, a #Deut 34:9gosod dy law arno; 19A dod ef i sefyll gerbron Eleasar yr offeiriad, a cherbron yr holl gynulleidfa; a dod orchymyn iddo ef yn eu gŵydd hwynt. 20A #Edrych Pen 11:17, 28; 1 Sam 10:6, 9; 2 Bren 2:15dod o’th ogoniant di arno ef, fel y gwrandawo holl gynulleidfa meibion Israel arno. 21A #Edrych Jos 9:14; Barn 1:1; 20:18; 1 Sam 22:10; 30:7safed gerbron Eleasar yr offeiriad, yr hwn a ofyn gyngor drosto ef, #Exod 28:30yn ôl barn Urim, gerbron yr Arglwydd: wrth ei air ef yr ânt allan, ac wrth ei air ef y deuant i mewn, efe a holl feibion Israel gydag ef, a’r holl gynulleidfa. 22A gwnaeth Moses megis y gorchmynnodd yr Arglwydd iddo: ac a gymerodd Josua, ac a barodd iddo sefyll gerbron Eleasar yr offeiriad, a cherbron yr holl gynulleidfa. 23Ac efe a osododd ei ddwylo arno, ac a roddodd orchymyn iddo; megis y llefarasai yr Arglwydd trwy law Moses.
Currently Selected:
Numeri 27: BWM1955C
Highlight
Share
Copy
Want to have your highlights saved across all your devices? Sign up or sign in
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
