St. Maheu 14
14
Pennad XIV.
1En amzér‐zé, Herod en Tetrark e gleuas er vrûd a Jesus,
2Hag e laras d’é hoasiet: Yehan er Badehour é‐ma hennéh: sàüed é varhue de vihue; ha dré‐zé ean e hra quement a vurhudeu.
3Rac Herod en doé laquet tud de guemér Yehan, ha d’en derhiel ér rangenneu, dré en arben a Herodiad moès Philip é vrér.
4Rac Yehan e laré dehou: El lézen e zihuen doh‐oh a hi havouèt.
5Hag ean en doé hoant d’el laquat d’er marhue, mæs eun en doé dirac en dud, rac queméret e oé guet‐hai aveid ur profæd.
6Mæs en dé a ganedigueah Herod, merc’h Herodias e gorollas dirac en dud, hag hi e pligeas de Herod.
7Diarben quement‐cé, ean e hras é guir dehi guet lé, penaus e rehé dehi quement hi e houlennehé guet hou.
8Hag hi, goudé bout bet quelenned araug, guet hi vam, Reit‐d’eign bremen, émé‐hi, pén Yehan er Badehour, én ur plat.
9Hag er roué e oé glaharet guet quement‐cé: neoah, rac touïet en doé, hag aveid pligein d’er ré e oé guet‐hou doh taul, ean e hourhemennas en rein dehi.
10Hag ean e gassas unan ag é berh de ziben Yehan ér rangenneu.
11Hag é ben e oé digasset én ur plat, ha reit d’er plac’h youaneq, péhani en digassas d’hi vam.
12Hag é zisciplèd e zas, hag e gueméras é gorv, hag el laquas én ur bé; hag ind e yas de laret quement‐cé de Jesus.
13Pe gleuas Jesus quement‐cé, e dremenas a vazé én ur vâg, hag en hum dennas a dû d’ul léh distro; ha pe gleuas en dud en dra‐zé, ind en hélias arh dreid a zoh er hærieu.
14Ha pe yas Jesus quit, e huélas un nivéh vras a dud, hag ean en doé truhé doh‐t‐hai, hag e yahas ou zud clan.
15Hag ardrô en handerhue, é zisciplèd e zas d’en gavouèt, én ul laret: El léh‐men e zou distrô, hag en amzér e zou berreit; casset en dud‐cé quit, aveid ma elleint monnet ér hærieu, ha ma preneint bouit aveid hai.
16Mæs Jesus e laras tehai: N’é quet ret‐tehai monnet quit, hreit hui de zaibrein dehai.
17Ind e laras dehou: Ni n’hun nès amen meit pemp baraén, ha deu bésq.
18Hag ean e laras tehai: Digasset‐hai a‐men d’eign‐mé.
19Ha goudé bout gourhemennet d’en dud azéein arh er hiaut, e gueméras er pemp torr bara, hag en deu besq, hag én ur zellet trema en Nean, e hras é vennoh, ou zorras, hag e hras en torheu bara d’é zisciplèd, hag en disciplèd d’en dud.
20Hag en ol e taibras, hag e oént goalhet; hag ind e gassas guet hai deuzêc pannerad lan guet en tammeu e oé chomet arh‐hou lerh.
21Hag er ré en doé daibret e oé ardrô puemp mil a dud, hemp er groagué hag er vugalé.
22Ha quentéh Jesus e hourhemenas d’é zisciplèd crapein én ur vâg, ha tremen en é raug én tu ral ag en aud, é‐pad ma cassé ean en dud d’é hent.
23Ha goude bout casset quit en dud, Jesus e yas é hunan arh ur manné aveit pedein. Deit‐oé en noz, ha Jesus e oé attàü é hunan arh er manné.
24Hag er vâg e oé é creis er môr scoeit, a bep tu d’en houlenneu, rac ma oé en ahuél a‐bén.
25Mæs d’er bedairvet termen ag en noz, Jesus e yas devat‐hai, én ur guêrhet arh arh er môr.
26Ha doh er guéled é quêrhet él‐cé, ind e scontas hag e laras é oé en ankeu e oé, hag én ou lorh, ind e lausquas un taul huidal.
27Quentéh Jesus e gonzas doh‐t‐hai, hag e laras: Hou péet fé, mé é, ne zoujet quet.
28Pierre e laras: Eutru mar dé hui é, gourhemennet t’eign monnet devat‐oh arh er môr.
29Ha Jesus e laras tehou: Deit; ha Pierre e zisquennas ag er vâg, hag e guêrhé arh er môr eit monnet trema Jesus.
30Mæs é el ma oé crihue en ahuél, ean en doé bet eun, hag él ma hé dôn én deur, ean e huchas én ul laret: Eutru, tennet mé a vamen.
31Ha Jesus e astennas dehou é zorn, hag er héméras én ul laret tehou: Dén hemb calz a fé, perac é oh bet hui én arvar?
32Hag a pe oé crappet ér vâg, en ahuél e dàüas.
33Hag er ré oé ér vâg‐zé, e dostas dehou hag en adoras én ul laret: Hui e zou é guirioné Mab Doué.
34Ha goudé m’hou doé treuzet er poull‐deur ind e yas é brô Gennesareth.
35Ha pe tas tud ag er léh‐cé d’en hanàuein, ind e gassas en doairé dré en ol vrô, trô‐ar‐drô, hag ind e digassas dehou en ol dud clan.
36Hag ind e pedas anehou d’hou lézel de laquat hou zourn hemp‐quin arh en penpill ag é zé, ha quement hani e laquas é zourn arh‐n‐hou e oé yahet.
Currently Selected:
St. Maheu 14: MAT1858
Highlight
Share
Copy
Want to have your highlights saved across all your devices? Sign up or sign in
Published in London in 1858.
